Sakaria 10:11 - Katɔti Ɔku Kedee

¹¹ “Lɛbibo lɛdubo mina bekyuli butulo aani kalɛ na baanú teeduo ɛpu kemmo. Nsu ndubo ɛpu avlɔvɔ ammɔ kenye butile, na lɛya na Nil Ketu kakwii ketédu nwuna ligyu kalɔ kalɔ ƒui. Na lɛya na Asiriaƒuɔ lɛmɛnɛ bɔkun ku Egyipte ɔyikun ƒui ubo kalɔ na ɔyii udu.

Sakaria 10:11 Referans Kwoze

Esekiel 30:13

“ ‘Baƒiɔ ku ala ani ƒui amii Egyipteƒuɔ bɛ́bla bíse bíte lɛlɔ bɛɛkpá na Memƒis ɔma unengudi ɔmmɔ kemmo ni, badubo-nya bubo bɔbwɛ. Na bana akɔ ɔdi ɔsɔ ulebu na utaadi kalɔ kammɔ lɛlɔ. Na liƒu bonwu lɛdubɔƒɔ kalɔ kammɔ kemmo.

Yesaia 43:2

Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.

Budie Taatina 16:12

Ɔmmɔ kama ni, ɔtu ɔkundi úwilimi lɛla lɛni nkya nwuna kalaku kemmo úwi Euƒrate Ketu kebendi kammɔ kemmo. Na ketu kammɔ kákwii kalɛ na baga bani nási ɔƒɛ katukɔ bakɛ kavinkɔ.

Seƒania 2:13

Unwoti ɔdubo busie butédu kalɔ kammɔ katɔ kakɛ na utábwɛ Asiria, na unwini Niniwe ɔma unengudi ɔmmɔ ubi.

Yesaia 51:10

Na awɔ kani náya na ɛpu ntu bɔ́kwii na kalɔ kekpludi kálɛ na ƒula kadi bekyuli bani na édie bákɛ ulu básia mmɔ bálɛ.

Yesaia 14:25

Ndubo Asiriaƒuɔ udu bɔyila na mina kalɔ, na lɛkɔ-ma lɛbwɛ kpɛtɛ kpɛtɛ na mina kɔbi lɛlɔ, ama bani nákɔ belie mina bekyuli lɛlɔ, na lidie bana lɛbibo kɔgba kɔni nda Israelƒuɔ, na bana etila atimi mina bekyuli lɛlɔ.”

Kɔgya 114:5

O Ɛpugyie, bi mɔɔlɛ́ku-ɔ na ábwɛ lɛlɔ ntɛ lɛni? Na Yordan, bi ɔsu na édi énye kɔnakunwi lɛni, na ásɔ alagba?

Kɔgya 114:3

Ɛpugyie ɔ́nu ɔmɛni na ɔ́bwɛ lɛlɔ ntɛ. Na Yordan Ketu kédi kénye na kasɔ kalagba.

Esra 6:22

Na emeyi maatɛ na béti bádi Bodobodo Ɔni Néteƒu Limeyi ku lɛlɔyɔ, ɔsika Katɔti ɔ́ya na lɛlɔyɔ lɛ́ƒɔ-ma lɛlɔ kemmo ɔkɛnku kalɛ na ɔ́ya na Asiriaƒuɔ ɔga ɔ́vumana nwuna ɔbladu na úbunku na bátu Katɔti ɔtɔ ɔmmɔ béte Israel Katɔti ɔsu.

Baga 2 2:14

Na úti Elia lɛduni lɛmmɔ ɔ́ƒiɛmi ntu bɔmmɔ anumi na ɔ́su ɔnini, “Wɛ na Unwoti ɔni ndi Elia Katɔti mmɔ ɔkya?” Amu na ɔ́sɔ ɔ́ƒiɛmi kunyɔdi na ntu bɔmmɔ bɔ́bwɛ kemmo inyɔ. Na ɔ́sia-nwu kemmo na úténye ketu kammɔ ɔvi unyɔdi.

Baga 2 2:8

Amu na Elia údie nwuna lɛduni lɛni na ɔda na ɔ́ƒɛ-ni ɔ́sala na úti ɔ́ƒiɛmi Yordan Ketu. Na ketu kammɔ kéle lɛlɔ kemmo inyɔ na bákɛ ketu kammɔ kemmo bávia kalɔ kakwiidi lɛlɔ bésie ɔvi unyɔdi.

Yesaia 51:9

Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Ala Kalɔ Buse 8:1

Nsu Katɔti anu asia Noa ku beƒiebuo ku ɔmantɛ bebuo bani nkya-nwu kudɔ na ɔkɔlɔ ɔmmɔ kemmo lɛlɔ. Anwuɔsu ɔ́ya na ɔƒɛƒɛɛ ɔdi úkpo ɔ́vi ntu bɔmmɔ anumi na ɔ́ya na ntu bɔmmɔ bɔ́kpɛ.

Yesaia 19:16

Na limeyi lɛmmɔ lɛlɔ ni, Egyipteƒuɔ badubɔta babla aani beleku, na lɛlɔ litaatɔ-ma geen ku bɔyia na Unwoti Katɔti kɔnu kɔni na ɔ́talaku katɔ ɔnii ɔɔƒiɛmi-ma ɔsu.

Yesaia 44:27

“Ami muudie lɛdi taakya ɛpu ku ntukpa ƒui na bɔɔkwii.