Sakaria 10:10 - Katɔti Ɔku Kedee

¹⁰ Ndubo-ma bɔkpanku bɔsiku Egyipte ku Asiria kalɔ lɛlɔ liboku ɔma, na lɛya na belie Gilead ku Lebanon na bemomo baƒɔ kalɔ kammɔ ƒui lɛlɔ.

Sakaria 10:10 Referans Kwoze

Hosea 11:11

Na badubɔsi Egyipte bebo aani baasɛ bani muuveyi ku usi, na bakɛ ligeen aani babloduma bani nási Asiria na lɛsɔku-ma liboku bana kesii. Ami Unwoti násu lɛni!”

Sakaria 8:7

“Ndubudie bekyuli bani na béti bátɔlɔku bésienku kɔlɔ kɔni nkya ɔƒɛ katukɔ ku kanukɔ

Mika 7:14

Unwoti, tɔnku ƒula kadi bekyuli bani nlie lɛti na lɛku kemmo, na ada ama bani na áƒuna éte lɛlɔ aani baƒonu ɔdane kalɛ asiaku kalɔ kabuni kemmo kesii kani na badubɔkɛ livo lɛbuni na Basan ku Gilead kalɔ kemmo aani kalɛ na úse kuuku.

Obadia 1:20

Na bani na kekpo kéƒie asa na básɔ bénwini bébo lɛnɔ beti Kanaanƒuɔ kalɔ útálɛ Sareƒat. Na bekyuli bani na béƒie básiku Yerusalem na béti-ma bésienku Seƒarad ni, badubɔdi lɛma lɛni nkya Negev mmɔ lɛlɔ.

Yeremia 50:19

Nsu ndubɔsɔku Israel liboku nwuna kalɔ lɛlɔ. Na badubuse aani baƒonu bani ndubunye badi bemo na Karmel Kɔbi lɛlɔ na Basan kalɛkɛ kani nkya Eƒraim ku Gilead abi lɛlɔ kalɔ kemmo.

Yeremia 22:6

“Binu kasusu kani na lɛ́bla. Yuda ɔga kesii kammɔ keekeye aani Gilead iye Lebanon abi kangya eli katɔ katɔ ƒui. Nsu mmɔ kadubo buwi aani ɔma ɔni na ukyuli ɔdi uuubo si uwi ɔni na lɛ́wɔlɔ lɛla lɛni na nnii mɔɔblaku-nwu.

Yesaia 60:22

Kaduli kani bekyuli nse blii suɛ ƒui muedi badubunwini kadi bekyuli bani mbo ɔyikun geen. Ami ndi Unwoti na ndubo ala amɛni ƒui bɔbla kɔnakunwi si uwi na ana ɔblawi údu.”

Sakaria 8:8

na basɔ benwini bebelie Yerusalem. Badubunwini mina bekyuli, na ami lɛbla bana Katɔti, na lɛsia mina litemi kama siin, na lɛtɛ bana etemila ulu siin lɛlɔ lite-ma.

Hosea 11:10

“Mina kadi bekyuli badubɔsi ɔƒɛ kanukɔ bebo na babasiaku ami bana Unwoti kama ku bɔyia si lɛ́kwanyi aani gyata.