Sakaria 10:1 - Katɔti Ɔku Kedee

¹ “Ami, Unwoti, na ɔlɛka bɛkpali bivele ɔnantu si bina edula aawia ntu. Ɔsika ami ndi ukyuli ɔni mɔɔyá na liƒlukutu kemmo ɔƒɛƒɛɛ uukpó, na mɔɔyá na ɔnantu ɔɔna teewi kemo edula lɛlɔ na aadia.

Sakaria 10:1 Referans Kwoze

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Yakobo 5:7

Banwa, kalɛ na umonsene ɔɔkɛ́ kayi teete kaƒendi ɔnantu ku ketudi ɔnantu ute nwuna edula ani na ɔ́va bɔdia ɔsu ni, lɛni kani na ɔlɛka bɛkɛ kayi utédu uwi ɔni na Blɔti wasɔ webo.

Esekiel 36:37

“ ‘Ndubɔsɔ linu-mii bɔkpali ɔƒaamu na lɛbla lɛla lɛni na bɛdubuvele-mi lite-mii na bina kadi bekyuli basɔ bemomo aani baƒonu lisu bonwu kalɛ.

Yesaia 30:23

Na ɔdubɔya na ɔnantu ɔna uwi ɔbuni lɛlɔ na bina edula ani na bɛ́va adia na emomo geen. Na bina bebuo lɛnɔ bakɛ kadikɔ kabuni na kalɔ ƒiaa lɛlɔ.

Kɔgya 65:9

Aanu kalɔ kammɔ lɛlɔ kaduɛ. Na aaya na ɔnantu ɔɔna teewi-ka lɛlɔ na kaadia edula. Na ntukpa buubo ntu na aayá na edula lidu lidu aalɛ́.

Lɛkpa Ulu 28:23

Ɔnantu lɛnɔ ulana na bina kalɔ kadubɔyu ɔkplu aani lɛbuala kalɛ.

Yohane 16:23

“Si uwi ɔni na limeyi lɛmmɔ líbo líbedu ni, bileye-mi lɛla lɛdi. Ɔsika mɔɔsu-mii geen ka lɛla biala na bɛdubɔkpali-mi lɛnyi bivele mina Ɔti ni, ɔdubute-mii.

Mika 5:7

Yakob kaba kemmo bebi ɛlɛɛ badi bébu na bégyingya bákya kalɔ kammɔ lɛlɔ ƒui kadi bekyuli akɔ. Nsu Unwoti ɔdubɔya na benwini aani amii ani mɔɔyu teewi ala lɛlɔ iye ɔnantu ɔni mɔɔna na kalɔ kaayɔ́. Na ɔɔɔdubo bɔsi bekyuli kudɔ, mmomu ɔdubɔsi Unwoti ɔlati kudɔ.

Amos 4:7

“Lɛ́ya na ɔnantu lɛnɔ ɔ́da bɔna ɔ́ya uwi ɔni kemmo na nka bina edula aawia ɔnantu geen, na bɔna kani na lɛ́ya na ɔɔna egyu egyu, na lɛma lɛmmɔ kemmo na ekpo akladi ákwii.

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Esekiel 34:26

Badubulie bamana mina kɔbi kedee lɛlɔ. Na ndubo-ma kusɛ kusɛ bute na ɔnantu ɔna ute-ma utulo kalɛ na baawia muedi.

Yeremia 14:22

Baƒiɔ belete-bu ɔnantu na baya na amii lɛnɔ ayu anya alati. Awɔ lɛti pɛ kani nda ɔnantu ɔmmɔ na aadi-nwu lɛlɔ. Anwuɔsu na búti bula anu bɔ́sia-a lɛlɔ, bula Unwoti ku Katɔti.

Yeremia 10:13

Eedie lɛdi teete ntu bɔni na áya na bɔƒa kayaa na buudu ku kɔku bonwu. Na liƒlukutu lɛɛdá taalɛ kayaa. Aayá na ɔƒɛƒɛɛ ɔɔsí ƒula kesii kani na áklibi ala ése teebekpo. Na kayaa kemodi kaabwɛ ogya si ɔnantu ɔɔna.

Yesaia 5:6

Ndubo-ka atu budie na uyi ɔbla lɛku. Na nsɔ neeedie adingyii ammɔ kɔgba akɔ iye lidie livo kana kemmo. Liyu ku alakpi bamba ndubɔƒɔ-ka kemmo. Ndubutile liƒlukutu kuƒi na ɔnantu ɔsɔ ulana ulewi-ka.”

Agba 16:15

Si ɔga ɔɔmɔsi ni, agyi anii bibo ngba, na nwuna lɛƒɔndia lise aani ɔnantu ɔni mɔɔna na lɛla biala lɛɛsɔ taabla ɔwɔdi.

Kɔgya 104:13

Aayá na ɔnantu ɔɔna teewi abi lɛlɔ. Na kalɔ kaaƒɔ́ ntu.

Yeremia 51:16

Eedie lɛdi teete ntu bɔni na áya na bɔƒa kayaa na buudu ku kɔku bonwu. Na liƒlukutu lɛɛdá taalɛ kayaa. Aayá na ɔƒɛƒɛɛ ɔɔsí ƒula kesii kani na áklibi ala ése teebekpo. Na kayaa kemodi kaabwɛ ogya si ɔnantu ɔɔna.

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Korintoƒuɔ 1 3:6

Ami nése kabla kammɔ kalɔ aani kalɛ baavá kugyii kebi. Na Apolo néwi-ka ntu. Nsu Katɔti náya na kálɛ lili.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Kɔgya 72:6

Na aya na ƒula ɔga bekyuli bɔtɔnku bɔbla aani kalɛ na ɔnantu ɔɔna teewi kemmo edula lɛlɔ iye uuwi na kalɔ kaayɔ́.

Hiob 29:23

Bátaaƒɔ-mi etemila aani kalɛ na baawia ketudi ɔnantu.

Kɔgya 135:7

Ɔɔyá na liƒlukutu lɛɛsí kalɔ ekpo ƒui taakɔ katɔ. Na ɔɔyá na katɔ kaabwɛ ogya na ɔnantu ɔɔna. Na ɔƒɛƒɛɛ ɔɔsí kesii kani na ɔ́bala-nwu ɔ́kya na uubo teebekpo.

Yeremia 5:24

Bíbulo bɔsu bɛnini, ‘Bɛya na bɔbu Unwoti! Anwu ndi ukyuli ɔni mɔɔyá na ketudi ɔnantu ku kaƒɛndi ɔnantu ɔɔna teete-bu. Na ɔɔyá na edula aadia-bu na bɔƒɛ.’