Sakaria 1:6 - Katɔti Ɔku Kedee

⁶ Nsu ka béni mina etemila ku bɔlɛ bɔni na mina kenye bediene bálɛ-ma ɔsu ni, básiaku lɛla lɛni na baawia. Anwuɔsu bénwini bébevele-mi banini, “Unwoti Ɔyikune Ƒui, áni-bu kɔtu kɔni námanku bula ekpidi ani na bɔ́bla aani kalɛ na ásu ése.”

Sakaria 1:6 Referans Kwoze

Kɔnyana Buwulo 2:17

Lɛla lɛni na Unwoti ɔ́su úse kuuku ka wabla ni, ɔ́bla-ni lɛni kani, na ɔ́yila-a udu ɔni na útanu-ɔ kanyana, na ɔ́ya na ƒula bekisine baakun lɛmɛnɛ ka bana ɔyikun udu ɔdi ɔsɔ uuubo.

Lɛkpa Ulu 28:15

Nsu si bítadi ɔda bubo bɔni na muute-mii ɔmwi mɛni lɛlɔ na bítasia nwuna ala ani na ɔ́tina-mii anu kpakplaa ni, ewida amɛni ndubo-mii lɛlɔ.

Mateo 24:35

Katɔ ku kalɔ kadubɔvi, nsu mina etemila anya aaadubo bɔvi kudii.

Yeremia 23:20

“Na mina kɔnyi kɔɔɔdubo-mi bɔyɔ wetédu uwi ɔni na lɛ́bla lɛla lɛni na lɛ́lɛ ugyii ka mabla lɛ́wɔlɔ. Na limeyi lɛdubo lɛni na bɛdubunu lɛla lɛni geen na mɔɔsu mɛni kalɔ.

Amos 9:10

Bina badi bɛdi bekyuli bekpidi geen, na bɛɛsu bɛnii, ‘Ɔgbankpi ɔdi ɔɔɔdubo-bu bɔsiaku.’ Nsu bina ƒui bɛdubo bukpi na kuwii kenye.

Yeremia 44:28

Bina ɛlɛɛ kani ndubɔlɛ ɔgbankpi ɔmɛni kemmo na basɔ benwini besie Yuda kalɔ lɛlɔ. Ɔmɛni ɔdubɔya na amii bani ƒui nésie Egyipte kalɔ lɛlɔ bɛti ka si ami lɛ́su nnii lɛla lɛdi lɛdubo bɔlɛ ni, ɔ́bla bi ɔ́bla dɛ ni, lɛla lɛmmɔ lɛdubɔlɛ lɛni kani. Ina bi na amii bɛ́su.

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Tesalonikaƒuɔ 1 5:4

Nsu ni, banwa, amii bɛɛɛkya lɛdisa kemmo. Anwuɔsu limeyi libendi lɛmmɔ liléyu-mii lilatu aani uyune kalɛ.

Malakai 3:18

Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”

Hosea 9:15

Unwoti ɔnini, “Bana ulikplu ala ani na bábla na Gilgal na lɛ́nu ɔsu muukisi-ma geen. Na bana alaekpidi ɔsu ndubo-ma bɔbɔku budie mina kaduli na nsɔ lɛɛɛdubo-ma bɔyɔ, ɔsika bana batɔnkune bálɛ-mi kama.

Esekiel 37:11

Ɔmmɔ kama Unwoti ɔ́su ɔnini, “Esekiel, Israel kadi bekyuli bese aani bekpine. Baadɔ taasu banii bákwii bakɛ aadi bekpine ekubi na basɔ beeebo ngba lɛnunsia lɛdi bete uwi ɔni ndubo.

Esekiel 20:43

Mmɔ na bɛdubo bina alaekpidi ku kalala kani na bɛ́bla bunyimo na bina lɛlɔ lɛdubo-mii lɛlɔ buse na kɔbɔ ala ani na bɛ́bla na aladia bɔnu munu munu ɔsu. Na ɔmmɔ ɔsu na bítamanku ka lɛƒɔ-mii,

Kɔnyana Buwulo 1:18

“Unwoti ablala ƒui ese siin. Na ami mmomu, néni na neeenu-nwu litemi. Na ɔƒaani ni, mɔɔsu-mii nnii binwini bɛnu abi ani na muubó. Béƒie-mi bakloƒu ku begblebi ƒui bátɔlɔku bésienku kaƒɔ.

Yeremia 26:15

Nsu si bɛ́du-mi ni, bɛti ka bina akɔ ɔdi biala na Yerusalem ɔ́bla likpidi na bɛ́du ukyuli ɔni na útabla lɛla lɛdi. Ɔsika lɛla biala na mɔɔsu ni, Unwoti kudɔ na lɛ́si.”

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Yesaia 55:1

“Amii bani ƒui na utukwɛ ɔɔda ni, bibo na bibani ntu! Na amii bani na kɔka kɔɔda na biiibo egulabi adi ni, bibo na bibeye bɛdi ƒaa kayu taƒɔ taƒɔ! Bɛni ntɛ bɔbuni ku anyi ntu ƒaa nsu bitaƒɔ kayu kadi.

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Hiob 6:29

Bɛda-mi kalala kɔtɔ bɔdu bɛya, ɔsika mina kenyekɔ ku lɛnyi lɛni na lɛ́ƒɔ ƒui mɔɔyii udu mɛni.

Lɛkpa Ulu 28:45

Lɛbibo lɛmɛni ndubo-mii lɛlɔ buteebo na eteekpoku-mii úti útédu ka bina ƒui bɛ́yii udu. Ɔsika bítenu bina Unwoti Katɔti litemi na bítadi nwuna ala bɔtina lɛlɔ.

Lɛkpa Ulu 28:20

Na si bɛ́bla likpidi na bíni bina Unwoti ni, ɔdubuti ala ani na aadu kɔnyana geen na ese basa basa uboku-mii lɛlɔ. Na ala ani muukpóku ukyuli kani ndubo buteebo-mii lɛlɔ úti útédu ka ɔ́yila-mii udu ƒui.

Bumomo Bɔka 33:56

Na lɛla lɛni na nka ndubo-ma bɔbla ni, amii mmomu na ndubo-ni buti bɔbla.’ ”

Bumomo Bɔka 32:23

“Nsu si bɛ́nyi ɔkɔ na bítesie bítetékpo bɔdi ni, na bɛnu bɛti ka bɛ́bla likpidi na lɛdubo-mii budie bute.

Lɛkpa Ulu 28:2

Na kusɛ kusɛ ɔmɛni ɔdubɔsiaku-mii si biinú bina Unwoti Katɔti litemi.

Yesaia 21:17

Na bayikune pii bani náƒɔ lɛnyi na Kedar bekpone akɔ bani mɔɔní kɔtaminta teebo atula teetulo ni, bana ɛlɛɛ kani mebu. Ami, Unwoti Israel Katɔti, násu!”

Yeremia 5:14

“Yeremia, ami ndi Unwoti Katɔti Ɔyikune Ƒui, na lɛla lɛni geen na mɔɔwia ka asu ni, ndubo-ɔ lɛla lɛmmɔ bɔsu. Ƒula etemila adubo buse aani ogya kalɛ na Yuda ku Israel badubo buse aani ekyweni.

Yeremia 32:24

Na bekisine báta beekpóku Yerusalem na kɔka kɔɔdú-bu na buuƒi lɛlɛ lidu lidu.

Yeremia 36:28

nwia ɔku kakunkɛ bamba na linweni ala ani ƒui na nsia ɔku kakunkɛ kedeedi lɛlɔ mmɔ nsia kanyɔdi kamɛni lɛlɔ.

Yeremia 39:16

Ebedmelek ɔni ndi Kusni ɔmmɔ ɔnini, “Ami ndi Unwoti Ɔyikune Ƒui, Israel Katɔti. Na mɔɔlɛ ɔdi biala kpakplaa ka ndubo bɔya na ɔgbankpi ubo ɔma ɔmɛni lɛlɔ na ɔɔɔdi keyi kayɔdi ku kubiti. Na ɔƒaani ni, uwi ɔsɔ uletu ndubo lɛla lɛni na lɛ́su bɔbla na ɔdi biala ɔnu ka lɛ́lɛ sɔsɔ.

Yeremia 44:29

Na ɔmɛni na bɛdubuti bɛnu bɛti ka ngba liƒu akyala ani na mɔɔsu ka adubɔlɛku-mii na Egyipte kalɔ lɛlɔ mɛni adubo bɔlɛ lɛni sɔsɔ.

Daniel 4:28

Ɔbla aani abuli leevu-anyɔ kama ni, Ɔga Nebukadnesar ɔkɛ uusié taavi na nwuna lɛsa katɔ na ɔɔnu Babilon ɔma unengudi ɔmmɔ bɔdia asa na ala amɛni ése kalɔ aalɛ́ku-nwu. Na ɔ́su lɛlɔ ɔnini, “Bɛnu, ɔma unengudi ɔmɛni ɔɔdia bɔnu ku ala enengudi ani na ami ɔlati líti mina ɔyikun lɛ́tu kalɛ na mina lɛnyi liteekeye!”

Hosea 5:9

Ami Unwoti ndubo mbani Israel kɔtu na lɛyila-ma udu ƒui. Na ɔmɛni ɔdi kenye kpakplaa kani na muusé teete Israel adua ammɔ ɔdi biala.

Sakaria 1:7

Na kɔbuli leevu-kunwidi kɔni na baalɔ banii Sebat kuna limeyi aavlanyɔ-linedi lɛlɔ na lɛkwa lɛmmɔ kani kemmo ni, Unwoti úti nwuna linyesia lɛdi úte-mi.

Baga 2 15:12

Anwuɔsu kenye kani na Unwoti ɔ́su úse ɔkɛnku Yehu lɛlɔ kébo-nwu kemmo lɛni ɔni na ɔ́su ɔnini, “Ƒula kaba kemmo bebi badubɔdi lɛga na Israel útédu kaba kenedi lɛlɔ.”

Yesaia 55:11

Lɛni na mina etemila ese na si lɛ́su lɛla lɛdi ni, etemila ammɔ alásɔ teenwini teebo-mi kudɔ na lɛla lɛmmɔ lilebo-nwu kemmo kalɛ na lɛ́su-ni.

Yeremia 28:17

Abuli anyɔ kama ni, Hanania úkpi.

Yeremia 44:2

“Ami ndi Unwoti Ɔyikune Ƒui, Israel Katɔti. Na bɛ́nu kalɛ na lɛ́yila Yerusalem udu ku lɛma lɛni nkya Yuda kalɔ lɛlɔ. Na ɔmwi ni, lɛma lɛmmɔ lɛ́bwɛ na liwi ukpludi,

Yeremia 44:6

Kawɔlɔkɔ ni, mina kɔnyi kɔ́bwɛ kúwi-ma lɛlɔ aani kalɛ na ketu keeyi taabwɛ na keeƒie bekyuli. Na ɔmwi ni, Yerusalem ku Yuda lɛma liwi ukpludi aani kebu alakpi.

Kɔnyana Buwulo 3:42

“Bɔ́bla alaekpidi bɔ́ƒiɔ, na bɔ́ta búnye-ɔ lɛlɔ, na éteti tɔ átakyiɛ-bu!