Sakaria 1:2 - Katɔti Ɔku Kedee

² Ɔ́su-nwu ɔnini, “Ami, Unwoti Ɔyikune Ƒui, lɛ́kɛ ku bina bati kuuku kɔnyi geen.

Sakaria 1:2 Referans Kwoze

Yeremia 44:6

Kawɔlɔkɔ ni, mina kɔnyi kɔ́bwɛ kúwi-ma lɛlɔ aani kalɛ na ketu keeyi taabwɛ na keeƒie bekyuli. Na ɔmwi ni, Yerusalem ku Yuda lɛma liwi ukpludi aani kebu alakpi.

Esekiel 22:31

Anwuɔsu líti kɔnyi kpakplaa lɛ́kya Israelƒuɔ na ala ani na bábla ɔsu na ndubo-ma kɔtu bɔni geen na bati ka livo geen muuƒí-mi. Ami Unwoti násu.”

Kɔnyana Buwulo 5:7

Bula bati bene nábla likpidi na ama béekpi, nsu abu nnye mɔɔƒɔ bana ekpidi ammɔ kayu.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Kɔgya 60:1

O Katɔti, éni-bu na ábwɛ ɔban ɔni na ágyi ákya-bu. Éti kɔnyi geen ákya-bu, nsu sɔku-bu nyene ƒula anumi

Esra 9:13

“Ala ani nálɛku-bu ƒui ni, ɔkɛnku bula likyulikpi ku alaekpidi bonwu ani na bɔ́bla ɔsu na úbo-nwu kemmo lɛni. Nsu awɔ bula Katɔti átani-bu kɔtu kɔni námanku bula ekpidi na áya na bula akɔ badi búbu bulie ngba.

Baga 2 23:26

Nsu Unwoti kɔnyi kúbakɔ na Yudaƒuɔ lɛlɔ ɔ́si lɛla lɛni na Manase ɔ́bla ɔ́su, na kɔnyi kútebo kalɔ.

Baga 2 22:19

Na ávumana kayi na éboku lɛlɔ kalɔ éte-mi. Na áni ƒula adala ábwɛ na akya eewulo uwi ɔni na énu ásiku ɔku ɔmmɔ kemmo ka ndubo Yerusalem ku bekyuli bammɔ ƒui kɔtu bɔni na lɛbla-ma aani ewida lɛla. Anwuɔsu línu ƒula katɔ bɔkpali.

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Sakaria 1:15

Lɛ́kɛ kɔnyi lɛ́kya kadi bekyuli bani nlie lɛlɔyɔ kemmo na ala adianku-ma. Ɔsika uwi na líti kɔnyi lɛ́kya Yerusalem ni, bébile ala na mmɔ bétulo kalɛ na ɔ́manku na baaadaku-ma lɛda munu munu.

Yeremia 32:23

“Nsu ka kalɔ kamɛni kétuku bula bati kuuku lɛkɔkɔ ni, bétenu ƒula litemi na badi-ni lɛlɔ. Na ɔƒaani ni, áni Israel kalɔ kemodi kammɔ kɔtu ku ɔgbankpi lidu.

Sakaria 8:14

“Uwi ɔni na bina bati kuuku bákya-mi kɔnyi ni, lɛ́lɛ ugyii ka lɛya na ɔgbankpi ubo-mii lɛlɔ liti lɛni-mii kɔtu na ńteni ɔmɛni bɔbla.