Sakaria 1:17 - Katɔti Ɔku Kedee

¹⁷ Líse kenye lɛnɔ ka ala adubɔsɔ atɛku mina lɛma lɛmmɔ. Na Yerusalem ɔsɔ unwini mina ɔma ɔƒunadi, na lɛsia mina ɔma kedee ɔmmɔ bekyuli kɔnu.

Sakaria 1:17 Referans Kwoze

Yesaia 51:3

Ina ka bébile Sion na lɛla biala lɛsɔ liiise kaduɛ na ɔma ɔmmɔ kemmo ɔƒɛni ni, Unwoti ɔdubɔya na kaƒɔ bɔyala ku ebiti ebo ɔma unengudi ɔmmɔ kemmo, na ɔsɔ ɔdia bɔnu aani Eden ɔban ɔni na Unwoti ɔ́bla. Na mmɔ na lɛlɔ lɛdubɔyɔ Sion na udie lɛnu na ɔtɔ ku ebiti uti ɔgya Unwoti enu.

Sakaria 2:12

Na Yuda lɛnɔ ɔdubunwini kalɔ kedee kammɔ kakɛ kadi, na Yerusalem ɔsɔ unwini Unwoti ɔma unengudi ɔƒunadi ɔmmɔ.

Yesaia 14:1

Unwoti ɔdubo Israelƒuɔ kɔnyana bɔnu, na ɔsɔ ɔƒuna-ma, na ɔsɔku-ma utésie bana keliekɔ na bana kalɔ lɛlɔ. Baƒɔ badubɔsalaku-ma na bablaku Israelƒuɔ unwi.

Obadia 1:20

Na bani na kekpo kéƒie asa na básɔ bénwini bébo lɛnɔ beti Kanaanƒuɔ kalɔ útálɛ Sareƒat. Na bekyuli bani na béƒie básiku Yerusalem na béti-ma bésienku Seƒarad ni, badubɔdi lɛma lɛni nkya Negev mmɔ lɛlɔ.

Esekiel 36:33

“Na su-ma anini, ‘Uwi ɔni na lɛ́bla-mii sɛɛn lɛ́wɔlɔ ni, ndubɔya na bɛsɔku bina lɛma lɛni nábwɛ bɛtu na bilie-ni kemmo.

Yesaia 66:13

Ndubɔyala-a kaƒɔ, Yerusalem, aani kalɛ na ubi uni ɔɔbla ubidi.”

Yesaia 54:8

Uwi klukwii ɔdi kani na línwini kama lɛ́kya-mii ku kɔnyi kati kati. Nsu ɔ́si ɔƒɛni úsela uwi ƒui ni, ndubɔnu-mii kɔnyana! Ami ɔni ndi bina ɔgyumanane ku Unwoti muusé-mii kenye kamɛni.

Yesaia 52:9

Yerusalem, awɔ ɔni na bábwɛ béwi kalɔ, ta na awɔ lɛnɔ atu kɔgya ku ebiti, ɔsika Unwoti ɔ́yala nwuna bekyuli kaƒɔ na úbo ɔnii ubedie Yerusalem.

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Kɔgya 69:35

Ɔsika Katɔti ɔdubɔƒɔ Sion na ɔsɔku Yuda lɛma linengudi lɛmmɔ ƒui ɔtu. Na nwuna kabla bablane ƒui badubɔkya mmɔ na beti mmɔ benwini bana ɔdi.

Nehemia 11:20

Na Israelƒuɔ ku bakpane ku Lewiƒuɔ bakladi bétélie bana bati kɔlɔ lɛlɔ na lɛma libendi ku libliidi na Yuda kalɛkɛ kemmo.

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Sakaria 3:2

Nsu Unwoti ɔ́su-nwu ɔnini, “Satan, awɔ ɔdi mmomu nátatɛ. Mina ɔma unengudi ɔƒunadi ndi Yerusalem. Na ukyuli ɔmɛni ni, budie na bédie-nwu aani ugyii bálɛku ogya livongu kemmo.”

Amos 9:14

Ndubɔya na ala asɔ adianku Israel. Na bɛsɔku bina lɛma bɛtu na bilie-ni kemmo. Na bɛdubɔkɛ ntɛ buni bɔni bɔsiku bina adingyii mmo egyiibi ani muudie-mii ntɛ kemmo. Na bɛdi amii alati adingyii ebi ani na bɛ́tuma.

Yeremia 31:13

Na bakloƒu ku begblebi ku benengu ƒui lɛlɔ lɛdubɔyɔ-ma na batɔ ku ebiti. Ɔsika ndubɔsia-ma kɔnu na lɛya na bana kɔnyana buwulo bunwini ebiti.

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?

Yesaia 49:13

Bɛsu katɔ ku kalɔ bɛnii beteedie lɛnu na bataatɔ ku ebiti. Na bibo ɔda bite abi ammɔ lɛnɔ ƒui bɛnii ama lɛnɔ bebunku na beteedie lɛnu. Ɔsika Unwoti bekyuli bébo abi nsu ɔƒɛni amu ɔ́nu-ma kɔnyana na ɔ́yala-ma kɔƒɔ.

Nehemia 11:3

Na Yuda lɛma libendi ku libliidi lɛkladi kemmo ni, Israelƒuɔ bakpane ku Lewiƒuɔ ku kakpakɔ kabla bablane ku Salomo kabla bablane kaba bétéduo kɔduli kɔni na ama alati bátu na bana lɛma.

Sakaria 1:14

Anwuɔsu ɔtu ɔmmɔ ɔ́su-mi ɔnii nkɔ lɛla lɛmɛni lɛsa nte bekyuli na lɛsu-ma ka Unwoti ɔnini, “Ami Unwoti Ɔyikune Ƒui mɔɔyɔ́ Yerusalem mina ɔma kedee na nwuna lɛlɔ ala eegyie-mi anumi geen.”

Sakaria 1:18

Na ɔmmɔ kama ni, lɛ́nu bebuo ese ene adi.

Sakaria 2:4

na ɔ́su-nwu ɔnini, “Babla na asu ukyuli ɔni nda kabuli kammɔ anii ɔmii ɔdi biala ɔɔɔdubo Yerusalem bɔsia, ɔsika bekyuli ku bebuo badubo bumomo butulo-nwu ɔni na awodu muedi aaadubo bɔdia bɔtu bɔmana-nwu.

Yeremia 33:9

Na si uwi ɔni na ala amɛni álɛ lɛni ni, kalɔ lɛlɔ kadi bekyuli ƒui badububo ala abuni ani na lɛ́bla líte Yerusalem bɔnu ku kalɛ na lɛ́ya na ɔ́kɛ keyi buɛɛ geen. Na lɛlɔ lɛdubɔyɔ-ma na batɔ ku ebiti na bemwi-mi na bataabu-mi lɛnɔ. Nsu liƒu bonwu lɛdubo-ma bɔda na lɛlɔ litaatɔ-ma.