Sakaria 1:14 - Katɔti Ɔku Kedee

¹⁴ Anwuɔsu ɔtu ɔmmɔ ɔ́su-mi ɔnii nkɔ lɛla lɛmɛni lɛsa nte bekyuli na lɛsu-ma ka Unwoti ɔnini, “Ami Unwoti Ɔyikune Ƒui mɔɔyɔ́ Yerusalem mina ɔma kedee na nwuna lɛlɔ ala eegyie-mi anumi geen.”

Sakaria 1:14 Referans Kwoze

Yoel 2:18

Ɔmmɔ kama ni, Unwoti anumi égyie na kalɔ kammɔ lɛlɔ, anwuɔsu ɔ́nu bekyuli bammɔ kɔnyana.

Sakaria 1:17

Líse kenye lɛnɔ ka ala adubɔsɔ atɛku mina lɛma lɛmmɔ. Na Yerusalem ɔsɔ unwini mina ɔma ɔƒunadi, na lɛsia mina ɔma kedee ɔmmɔ bekyuli kɔnu.

Sakaria 1:9

Na Katɔti ɔtu ɔdi unye mmɔ kalɛ na udie ala kalɔ ute-mi. Anwuɔsu líye-nwu nnini, “Ati, ɔma bene ndi bapɔnkɔ beliene bamɛni?” Mmɔ na ɔtu ɔmɛni údie kenye ɔnini, “Ndubo-ɔ bɔsu.”

Yesaia 40:6

Lɛdi lɛdi lɛ́su-mi lɛnini, “Va momoomo na atɛmi.” Amu na líye nnini, “Bi na nva nsu?” Lɛdi lɛmmɔ lɛ́su lɛnini, “Su anii, ‘Bekyuli ƒui bese aani lɛku kemmo alakpi, na ukyuli bɔdia buse aani alakpi anwula.

Yesaia 40:1

Katɔti ɔnini, “Sia mina bekyuli kɔnu.

Sakaria 1:13

Na kenye kani na Unwoti ɔ́su nwuna ɔtu ɔmɛni lɛɛsia-nwu kɔnu na lɛɛkya-nwu kayi ɔkplu lɛnɔ.

Nahum 1:2

Unwoti ɔdi Katɔti ɔni naaawia ka ukyuli ɔdi ukpoku-nwu kogyulo, mmomu ɔɔwia ka badi nwuna litemi lɛlɔ siin. Na ɔɔƒɔ nwuna bekisine kayu teedie-ma kasi na kɔnyi kemmo.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Yesaia 63:15

Unwoti, nwini anumi na anu-bu na kalɔ mɛni asiku ƒula keliekɔ kedee na katɔ kakaaka kesii kani muukeye mmɔ. Wɛ na ƒula bɔyɔ ku ɔyikun ala ani na aabla teete-bu mmɔ bɔ́vi? Éni na asɔ aaada-bu kɔkɔɔkɔ ku kɔnyana bɔnu.

Yesaia 59:17

Siin bɔbla ndi awu na Unwoti ɔkya aani kekpo lɛgyumanala na nwuna bɔƒɔ ɔyikun ɔdi kekpo kabwa kebi-nwu lili na nwuna kɔnyi kɔni na ɔdubuti udie likpidi bablane kasi ku lɛnungyie ndi nwuna awu gyɔlɔɔ.

Yesaia 42:13

Unwoti ɔ́nya kalɔ ɔɔví aani ukpone, na uudie lɛdi ku kɔnyi momoomo uwi ɔni na uubó nwuna bekisine teewi kalɔ.”

Yesaia 38:22

Mmɔ ni, Hesekia úye ɔnini, “Bi ndi likposela lɛni na ndubɔtina ka ndubɔkana na lisie Katɔti kakpakɔ?”

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Sakaria 4:1

Ɔtu ɔni nnye muudie ala amɛni kalɔ teete-mi ɔ́kunku-mi na lɛ́ta na ɔ́bla-mi aani si bɔlɛɛ na nda.

Yesaia 37:32

Ɔsika ukyuli ɔdi ɔdubɔlɛ ɔsi Yerusalem. Na bani ndubɔkɛ ngba lɛnɔ basi Sion Kɔbi. Ɔsika kalɛ na anumi égyie ɔsu ɔdubɔya na ɔmɛni ubo-nwu kemmo lɛni.’

Yesaia 40:2

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Esekiel 36:5

Nsu ndubo kadi bekyuli bammɔ lɛlɔ bɔta bunye ku kɔnyi kpakplaa geen, na bani ɔdi ntulo ndi Edomƒuɔ, ɔsika ama náma-mii bétulo ƒui na báda-mii bebuo kadikɔ kɔlɔ lɛnɔ béti.