Romaƒuɔ 8:9 - Katɔti Ɔku Kedee

⁹ Si Katɔti Kɔyu kɔ́ƒɔ-mii lɛlɔ kemmo ni, biiilie na bina ɔlɔna udu ɔkukudi bɔyɔ kenye, mmomu kalɛ na Katɔti Kɔyu kɔɔyɔ́. Na si Kristo Kɔyu kútaƒɔ ukyuli ɔdi lɛlɔ kemmo ni, ɔɔɔdi Kristo ɔdi.

Romaƒuɔ 8:9 Referans Kwoze

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Korintoƒuɔ 1 3:16

Bɛti nwaa ka amii alati ndi Katɔti kakpakɔ. Na Katɔti Kɔyu kɔkya-mii lɛlɔ kemmo.

Timoteo 2 1:14

Na ɔkɛ Katɔti Kɔyu ɔyikun ɔni nkya-bu lɛlɔ kemmo ɔsu ni, da ala abuni ani ƒui na Blɔti úti ɔ́kya-a enu kemmo kaduɛ.

Korintoƒuɔ 1 6:19

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ.

Romaƒuɔ 8:11

Na si Katɔti Kɔyu kɔni nágyila Yesu ɔ́lɛku bekpine akɔ kɔkya-mii kemmo ni, anwu ɔni nágyila Kristo Yesu ɔ́lɛku bekpine akɔ mɛni ndubute bina ɔlɔna ɔni ndubukpi mɛni ngba ɔkɛnku nwuna Kɔyu kɔni nli-mii lɛlɔ kemmo ɔsu.

Yohane 14:17

Anwu ndi Kɔyu kɔni muudie litemi geen lɛni ndanku Katɔti lɛlɔ taatina. Nsu kayawi bekyuli balakana enu bugyingya bɔƒɔ-nwu. Ɔsika balanu-nwu balati. Nsu amii ni, Kɔyu kɔmmɔ kuliku-mii na kɔdubɔƒɔ-mii lɛlɔ kemmo ƒui.

Eƒesoƒuɔ 1:13

Lɛni kani na béti amii lɛnɔ bébunku Kristo badi akɔ ɔkɛnku litemi geen lɛni na bɛ́ƒɔ bɛ́di ɔsu. Na litemi buni lɛmmɔ néti ngba bɔƒɔ búboku-mii. Na ka bɛ́ƒɔ Kristo bɛ́di ɔsu ni, Katɔti úti nwuna Kɔyu kɔni na ɔ́su úse ka wete-bu mmɔ úse-bu likpo.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Eƒesoƒuɔ 2:22

Na Kristo ɔmmɔ kemmo na baatú abu lɛnɔ aani ɔtɔ kalɛ na bunwini keliekɔ bute Katɔti na kɔyu kemmo.

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Yohane 3:6

Ɔsika ukyuli ɔni na ɔlɔna kemmo na básia báwɔ-nwu ni, ɔdi ɔlɔna kani. Nsu Katɔti Kɔyu kɔdubɔwɔ kɔyu kemmo bekyuli.

Ƒilipiƒuɔ 1:19

Ɔsika ngyi ka ɔkɛnku bina katɔ bɔkpali na mina lili ku Katɔti Kɔyu kebunku kani nási Yesu Kristo kudɔ ɔsu ni, ndubɔkɛ bɔnwuna.

Yohane 1 4:13

Bɔgyi ka buliku Katɔti geen, na anwu lɛnɔ uliku-bu, ɔsika anwu ɔlati Kɔyu na úti úte-bu.

Esekiel 11:19

Na ndubɔda bina atuɔkplu bɔbla ƒui lidie-mii lɛlɔ na lɛya na anumi eteegyie-mii kalɛ na bɛsiaku-mii kama siin na biteenu-mi litemi

Luka 11:13

Ina ka bɛdi alaekpidi bablane ni, bɛgyi kalɛ na biti ala abuni bite bina bebi. Amu na Ati ɔni nkya katɔ nɔɔ? Bi ɔsu na uleti nwuna Kɔyu ulete bekyuli bani muuvele-nwu?”

Yohane 1 4:4

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Korintoƒuɔ 1 15:23

Nsu Katɔti ɔdubɔgyila ɔdi biala na ulu ɔni na Katɔti ɔlati úse úse lɛlɔ. Na Kristo ndi udeedi. Na uwi ɔni lɛlɔ na wasɔ webo ni, bani na béti lɛlɔ béte Kristo ɔmmɔ na ɔdubɔsɔ ɔgyila.

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.

Korintoƒuɔ 2 6:16

Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Petro 1 1:11

Básia ulu biala lɛlɔ ka bati uwi ku ukyuli ɔni lɛlɔ na ala amɛni adubɔlɛ. Na Kristo Kɔyu náƒɔ-ma lɛlɔ kemmo na kɔ́ya na básu-bu ala bése. Kɔyu kɔmmɔ kɔ́su kúse kalɛ na Kristo ɔdubo abi bubo ku kalɛ na lɛlɔ lɛdubo-nwu bɔyɔ na ɔmmɔ kama.

Budie Taatina 20:15

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Korintoƒuɔ 2 10:7

Ɔlɔna lɛlɔ kasusu kani na biiti. Si ukyuli ɔdi ɔ́ƒɔ lɛlɔ ɔ́di ka ɔdi Kristo ɔdi ni, ɔlɛka ɔnu-bu ɔti aani nwuna lɛlɔ kalɛ ka abu lɛnɔ bɔdi Katɔti ɔdi.

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Batalane Kabla 16:7

Na ka bétédu Misia ni, báwia ka batávi Bitinia kalɔ lɛlɔ. Nsu mɛni lɛnɔ ni, Katɔti Kɔyu kútatuna ka besie mmɔ.

Romaƒuɔ 7:5

Uwi ɔni kemmo na ɔda bubo búdie bula ukyuli udu ɔkukudi kelie kani ndanku likpidi bɔbla bɔ́tina-bu ni, ablala ammɔ ákɔ katɔ ébu. Na ala ani na bɔ́lɛku keyi na kelie kammɔ kemmo adanku kukpi.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Korintoƒuɔ 1 6:17

Nsu ukyuli ɔni na úti lɛlɔ ɔ́mana Blɔti lɛlɔ ni, ɔ́blaku-nwu unwi na kɔyu kemmo.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,