Romaƒuɔ 8:3 - Katɔti Ɔku Kedee

³ Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Romaƒuɔ 8:3 Referans Kwoze

Batalane Kabla 13:39

Ukyuli biala ɔni náƒɔ Yesu ɔ́di ni, Katɔti ɔdubute-nwu ubo. Ɔmɛni ndi lɛla lɛni na Mose ɔda bubo bútakana bɔbla kudii.

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Hebriƒuɔ 10:14

Ɔsika ɔkɛnku kunwi kɔni na úti lɛlɔ ɔ́kpa mmɔ ɔsu ni, ɔ́wɔlɔ nwuna kabla úte bekyuli uwi ƒui kalɛ na babla kedee.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Romaƒuɔ 6:6

Na bɔgyi ka bula udu ɔkukudi ɔmmɔ ku Kristo na bákana bámana ugyii lɛlɔ kalɛ na likyulikpi lɛyii udu na bula lɛlɔ, na bula ɔlɔna ɔsɔ ulenye ulátaabla likpidi kabla.

Galatiƒuɔ 3:21

Bɔtina na ɔmɛni ɔda ka ɔda bubo bɔmmɔ bɔ́ta bunye Katɔti linyese lɛmmɔ lɛlɔ? Oowo, kudii! Ɔsika si béti ɔda bubo bɔmmɔ béte ukyuli kalɛ na ɔkɛ ngba ni, na agyi anii ukyuli ɔdubɔbla siin ku Katɔti si ɔ́di ɔda bubo bɔmmɔ lɛlɔ.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Hebriƒuɔ 2:14

Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ.

Ƒilipiƒuɔ 2:7

Mmomu ɔ́bla lɛlɔ aani si ɔɔɔdi lɛla biala. Ɔ́bla lɛlɔ aani ukyuli ɔni mɔɔbla ukyuli bamba kabla. Ɔsika úbo aani ukyuli ɔyawine kalɛ.

Hebriƒuɔ 10:12

Nsu uwi ɔni na Kristo anwu úbo úbeti lɛlɔ ɔ́kpa kunwi úte bekyuli ƒui ekpidi lili ɔni ndanku utédu kayawi kawɔlɔkɔ ni, ɔ́yu úlie Katɔti kɔdianu kesii kani náƒɔ kuye.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 9:24

Benengu bammɔ básɔ bálɔ ɔnana ɔni na nka anumi ábwɛ-nwu mmɔ, na básu-nwu banini, “Yia Katɔti, na asu-bu litemi geen lɛmmɔ! Abu bɔgyi ka ukyuli ɔmmɔ ɔdi alaekpidi ɔblane!”

Marko 15:27

Na bákana beyune inyɔ lɛnɔ bámana ligyii lɛlɔ mmɔ bébunku Yesu. Unwi ɔ́ma-nwu kɔdianu kakɛ, na unwi lɛnɔ ɔ́ma-nwu kɔmiinu kakɛ.

Bumomo Bɔka 28:22

Na biti ketukpa kenwi bɛbla likpidi lili buvele akpala na Unwoti udie likpidi kɔtu bɔni bina lɛlɔ.

Romaƒuɔ 7:18

Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Bumomo Bɔka 21:9

Anwuɔsu Mose úti lɛbualagyie na ɔ́vɔ kɔlakpi na úti-nwu ɔ́ƒala ugyii lɛlɔ. Mmɔ na si kɔlakpi kɔ́du ukyuli ɔdi na ɔ́talaku nwuna lili ɔ́nu kɔlakpi kɔmmɔ pɛ na nwuna ɔlɛ ɔ́ɔba-nwu.