Romaƒuɔ 7:15 - Katɔti Ɔku Kedee

¹⁵ Neeenu ala ani na mɔɔbla kalɔ. Ɔsika si lɛla lɛni na lɛ́kali ka mɔɔyɔ́ lɛbla ni, ɔɔɔdi ani na mɔɔbla. Mmomu ala ani geen na nkisi ni, anya na mɔɔbla.

Romaƒuɔ 7:15 Referans Kwoze

Galatiƒuɔ 5:17

Na ala ani na bula ɔlɔna ɔɔyɔ́ ni, aata teenye ala ani na Kɔyu kɔɔyɔ́ lɛlɔ. Lɛni kani na ala ani na Kɔyu lɛnɔ kɔɔyɔ́ aata teenye ala ani na ɔlɔna ɔɔyɔ́ lɛlɔ. Na ɔlɔna ku Kɔyu kɔmɛni badi bekisine bete lɛlɔ. Anwuɔsu bɛsɔ bilakana na bitaabla lɛla biala mɔɔda-mii ɔkwɛ.

Nahum 1:7

Unwoti ɔdia, na ɔɔgyumana bekyuli bani néti bana anu básia-nwu lɛlɔ, na uudie-ma na lɛbibo uwi.

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.

Etemila 7:20

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Yuda 1:23

Na bidie babambadi lɛnɔ ɔkplu kemmo na beleduo lɛgyavonku lɛmmɔ kemmo. Na bakladi ni, bitaanu-ma kɔnyana. Nsu bɛgyumana bina lɛlɔ kalɛ na bana lɛyalɛ udunkpi ɔni náƒɔ-ma lɛlɔ aani adala kalɛ alávi-mii.

Romaƒuɔ 14:22

Anwuɔsu si lɛla lɛni na áƒɔ ádi na ala amɛni lɛlɔ ni, ya na asɔ akya awɔ ku Katɔti ntɛ kani. Lɛlɔ lɛdubɔyɔ ukyuli ɔni na nwuna kayi kaladu-nwu kɔtɔ na lɛla lɛni na ɔɔnu ka lɛdia lɛlɔ.

Kɔgya 19:12

Ukyuli ulánu anwu ɔlati ekpidi ƒui taati. Unwoti, die-mi lɛku ala ani na lɛ́bla na lɛɛɛgyi ka bɔƒiɔ na bɔdi kemmo.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Hebriƒuɔ 1:9

Awɔ mɔɔyɔ́ lɛla lɛni nse siin, na ekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.”

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Romaƒuɔ 7:16

Na si ala ani na naaayɔ ka lɛbla na mɔɔbla ni, na ɔɔtina ka lɛ́tuna ka ɔda bubo bɔmmɔ bɔdia.

Kɔgya 119:113

Na bekyuli bani na bana kasusu kese inyɔ inyɔ na ƒula lɛlɔ ni, nkisi-ma. Na ami ni, mɔɔyɔ́ ƒula ɔda bubo.

Kɔgya 101:3

Na lɛɛɛdubo bɔtunaku likpidi udu biala ɔdi, ɔsika naaayɔ nnii mina anumi aanu ɔmmɔ udu iye lɛsala ku bekyuli bekpidi badi. Na ami ni, ntaabla ala na anumi kemmo.

Kɔgya 1:6

Unwoti anu asia bekyuli bani mɔɔsia nwuna ulu lɛlɔ siin, na ɔɔgyumana-ma. Nsu bekyuli bani naaasia nwuna ulu lɛlɔ ni, badubɔyii udu.

Agba 13:5

Bekyuli babuni bekisi ɔkɔ ala. Na balalane ama ni, kɔƒa muubo-ma lɛlɔ na anumi eewi-ma kalɔ.

Kɔgya 119:163

Nkisi na líni ɔkɔ ala bɔbla. Nsu mɔɔyɔ́ ƒula ɔda bubo.

Kɔgya 119:128

Ɔmmɔ ɔsu nkɛnku ƒula litemi lɛlɔ na mɔɔnu mina kanyakɔ, na naaayɔ ka lɛsia ulu ukpidi ɔdi lɛlɔ.

Kɔgya 65:3

Na si uwi ɔni na bula alaekpidi aayu-bu unu taagya ni, awɔ muuti-nya taakyie-bu.

Baga 1 8:46

“Ukyuli biala uuubo na ulábla likpidi. Anwuɔsu si bábla likpidi lɛdi ni, ɔƒɛni kalɛ adubuti kɔnyi akya-ma, na anyonu-ma ete bana bekisine, na badubuƒie-ma batákya bana kɔlɔ kɔni na amadɔ iye ɔgyu kakaaka kemmo.

Kɔgya 119:40

Mɔɔwia kpakplaa ka lɛdi ƒula ɔda bubo lɛlɔ. Anwuɔsu ya-mi na lilie ngba bɔwɔdi ɔkɛnku kalɛ na ese siin lɛlɔ.

Kɔgya 119:32

Ndubugyele anumi lɛsia ƒula ɔda bubo kama, ɔsika adubɔya na linu ala kalɔ libu.

Luka 11:48

Na amii alati bɛɛƒɔ́ ɔmɛni enu ka lɛla lɛni na bina bati bammɔ bábla lɛdia-mii. Ama bádu Katɔti kenye bediene na amii bɛ́tu bana kɔƒiɔtɔ.

Kɔgya 119:104

Ɔkɛnku ƒula ɔda bubo lɛlɔ ɔsu na mina kasusu kese nwaa. Na ɔmmɔ ɔsu na nkisi likpidi ulu biala.

Kɔgya 97:10

Unwoti ɔɔyɔ́ bekyuli bani nkisi likpidi. Na ɔɔgyumana bekyuli bani nsiaku-nwu kama siin. Na uudie-ma taalɛku balalane enu kemmo.

Kɔgya 36:4

Balásia lɛbuni bɔbla ulu biala lɛlɔ. Na si batɛ bana atɛla lɛlɔ muedi likpidi lɛlɔ kasusu kani na baatɛ teeti. Anwuɔsu lɛnɔ na béni ka bada bana alaekpidi bɔbla baya.

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.