Romaƒuɔ 6:21 - Katɔti Ɔku Kedee

²¹ Na bi kɔsia na bɛ́kɛ bɛ́siku ala ani bɛ́bla bɛ́vi na eekpó-mii kɔƒa ɔƒɛni lɛlɔ? Ala ammɔ ƒui kɔsia ndi kukpi.

Romaƒuɔ 6:21 Referans Kwoze

Romaƒuɔ 1:32

Bagyi ka Katɔti úbo-bu ɔda siin ka bekyuli bani nlie ngba bɔmɛni udu ni, Katɔti ɔdubɔdu-ma kukpi kɔtɔ. Nsu ni, benye momoomo na baabla alaekpidi amɛni. Na ɔɔɔdi ɔmɛni lɛti, mmomu beeti ɔbu teete bekyuli bani lɛnɔ mɔɔbla ala amɛni.

Romaƒuɔ 7:5

Uwi ɔni kemmo na ɔda bubo búdie bula ukyuli udu ɔkukudi kelie kani ndanku likpidi bɔbla bɔ́tina-bu ni, ablala ammɔ ákɔ katɔ ébu. Na ala ani na bɔ́lɛku keyi na kelie kammɔ kemmo adanku kukpi.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Agba 14:12

Ukyuli biala ɔɔnu kasiakɔ kadi na nwuna ngba kemmo ka nka kadia, nsu nwuna kawɔlɔkɔ ni, kekpine kani na ɔɔdá taalɛ.

Yohane 1 2:28

Mina bebi bayɔne, biliku Kristo kalɛ na si uwi ɔni na ɔ́da ɔ́lɛ ni, bɔdubɔkana na bunye-nwu anumi ku kaƒɔ ƒaa na kɔƒa kulékpo-bu limeyi lɛmmɔ lɛlɔ.

Hebriƒuɔ 6:8

Nsu kalɔ kani na liyu alakpi mɔɔkwɛ́-ka lɛlɔ ni, kadanku ewida na keeebo kɔsia kɔdi. Na kasɔ kaladia lɛla lɛdi bɔbla lɛnɔ. Na kawɔlɔkɔ ni, kadubɔkywi.

Romaƒuɔ 8:13

Si bɛsiaku likyulikpi udu ala bɔbla kama ni, bɛdubo bukpi. Nsu si bɛkɛnku Katɔti Kɔyu lɛlɔ na bɛ́du bina ɔlɔna udu ukpidi ɔmmɔ ni, bɛdubɔkɛ ngba.

Romaƒuɔ 8:6

Ukyuli ɔni kasusu mɔɔsia ɔlɔna ala lɛlɔ ni, ɔɔkɛ́ kukpi. Nsu ukyuli ɔni kasusu mɔɔsia Katɔti Kɔyu lɛlɔ ni, ɔɔkɛ́ ngba ku keyi buɛɛ.

Daniel 12:2

Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Budie Taatina 20:14

Béti kukpi ku kekpine kammɔ ƒui bébo bátákya lɛgyavonku kemmo. Na ɔmɛni ndi kukpi kunyɔdi.

Budie Taatina 16:6

Bekyuli bamɛni nádu ƒula bekyuli ku kenye bediene. Anwuɔsu na éte-ma ubugya ukpidi ɔmɛni na báni. Lɛla lɛni námanku-ma na baaƒɔ́!”

Petro 1 4:17

Litemi bɔtɛ limeyi lɛmmɔ líide, na Katɔti ɔdubɔka nwuna bekyuli litemi bɔtɛku. Na si abu nwuna bekyuli lɛlɔ na wese kalɔ lɛni ni, dɛ na ɔdubɔwɔlɔku bekyuli bani na bétemonku nwuna litemi buni lɛmmɔ bɔƒɔ bɔdi.

Yakobo 1:15

Na ala ani mɔɔda-nwu ɔkwɛ mmɔ ni, aaƒɔ́-nwu lɛlɔ kemmo na ɔɔyá na ɔɔbla likpidi. Na uwi ɔni na likpidi lɛmmɔ lɛnɔ lɛ́di-nwu lɛlɔ ƒui ni, ɔdubukpi ɔkya likpidi kemmo.

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.

Korintoƒuɔ 2 7:11

Bɛnu kalɛ binye kpakplaa ka ala ammɔ éduo-mii na Katɔti ala lɛlɔ ɔsu. Bɛɛwia kpakplaa ka bidie lɛlɔ na likpidi kemmo na bilie sɛɛn. Ɔsika ala ammɔ eeƒí-mii livo na ana bɔbla bɔɔda-mii liƒu. Nu kalɛ na bígyingya enu ka bɛƒɔ-mi, na binye-mi kama kpakplaa. Na anumi égyie-mii ka bɛni likpidi ɔblane ɔmmɔ kɔtu. Na bidie lɛlɔ bɛtina na ulu biala lɛlɔ ka bɛɛɛkɛnku ɔbladu ukpidi ɔmmɔ.

Esekiel 43:11

Na si bana ekpidi éduo-ma sɔsɔ ni, na asɔku lɛla biala na ánu na kakpakɔ kammɔ lɛlɔ ku lɛban lɛmmɔ ku kalɛ na bákɔku lɛla biala ku kalɛ na bényene lɛtɔ lɛmmɔ. Na edie ɔda bubo bɔni ndanku kalɛ na ɔlɛka bakpa na mmɔ na enweni lɛla biala ese kalɛ na batɛya kaduɛ na badi ala ammɔ ƒui lɛlɔ.

Yeremia 31:19

Uwi ɔni na bɔmu bɔdi banamu ni, bɔ́yii ulu na bɔ́bla likpidi bɔ́ƒiɔ-ɔ. Nsu bɔ́nu lɛla lɛni na bɔ́bla-a mɛni bɔ́ti. Kɔƒa kuukpó-bu na bɔɔwia ku bunwini bubo-ɔ kudɔ.’

Yeremia 12:13

Mina bekyuli, kamu na bɛ́kya, nsu ka líti kɔnyi lɛ́kya-mii ɔsu ni, livo kani na lɛya na lɛ́kwɛ. Anwuɔsu bíbo abi ekpludi na bítakɛ ku lɛla!”

Yeremia 8:12

Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

Yeremia 3:3

Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Agba 16:25

Ukyuli biala ɔɔnu kasiakɔ kadi na nwuna ngba kemmo ka nka kadia. Nsu ulu ɔmmɔ kawɔlɔkɔ ni, kekpine kani na ɔɔdá taalɛ.

Agba 1:31

na ngba bɔni udu na bilie ni, nwuna ebi na bɛdubo bɔdi. Na ulu ɔni na bɛ́ƒuna ka bɛsia ni, nwuna ala emo-mii.

Kɔgya 73:17

úti útédu ka líduo ƒula kakpakɔ kedee kemmo. Mmɔ na ntánu lɛ́ti lɛla lɛni ndubo balalane bammɔ bɔbla.

Hiob 42:6

Ɔmmɔ ɔsu na mina lɛlɔ lɛ́bɔ-mi na líbo nli ɔtumu ku ntɔ akɔ mɛni. Na mɔɔtina kalɛ na mina lɛlɔ libo kɔnyana.”

Hiob 40:4

“Ami ndi ɔma na muudie mina litemi kenye?

Esra 9:6

Na lɛ́su-nwu nnini, “O mina Katɔti, kɔƒa kuukpó-mi ka lɛtalaku mina anumi katɔ muedi na ƒula anumi. Ɔsika bula ekpidi áakuku etulo-bu na ákuku laa na éedu katɔ.

Baga 1 2:26

Amu na ɔga ɔmmɔ ɔ́su ɔkpane Abiatar ɔnini, “Nka ámanku ka lɛdu-ɔ. Nsu naaadu-ɔ ɔƒaani. Ɔsika awɔ néti Unwoti adaka átɔnku mina ɔti Dawid anumi, na awɔ ku-nwu bíbo abi bɛ́sala. Anwuɔsu nwini na asɔ eteesie ƒula kalɔ lɛlɔ na Anatot.”

Lɛkpa Ulu 21:22

Si bébo ukyuli bádu ɔkɛnku likpidi lɛni na ɔ́bla na béti ukpine ɔmmɔ báƒala ugyii lɛlɔ ni,

Lɛkpa Ulu 17:6

Nsu asa na bɛdububo-nwu atabi ni, bɛya na nkyuli inyɔ iye ɛtɛ bebenye litemi lɛmmɔ kama ka sɔsɔ na ɔdi. Nsu si ukyuli unwi kani nnye litemi lɛmmɔ kama ni, na bitebo ukyuli ɔmmɔ atabi.

Ƒilipiƒuɔ 3:19

Na ɔdubɔwɔlɔku-ma na bakywi na lɛgyavonku kemmo. Ɔsika bana kaƒɔ kani na beemwi. Na baatina lɛlɔ na ala ani na nka ɔlɛka ekpo-ma kɔƒa lɛlɔ. Na kayawi ala lɛlɔ kasusu kani na beeti.

Hiob 33:27

Na si úbo ute lɛni ni, ɔɔsu na kadi ƒui anumi ɔnini, ‘Lɛ́bla likpidi na mina ɔdi útatɛ. Nsu Katɔti útani-mi kɔtu kɔni na nka ɔ́manku ka ɔni-mi.

Romaƒuɔ 5:12

Likpidi lɛ́sia ukyuli unwi lɛlɔ na líbo kayawi, na likpidi lɛmmɔ lɛdanku kukpi líboku kayawi. Ɔmɛni ɔsu kukpi kúbo ukyuli biala lɛlɔ. Ɔsika ukyuli biala ɔ́bla likpidi.

Romaƒuɔ 6:16

Bɛgyi geen ka ni, si bínu lɛlɔ kalɔ na bíti bina lɛlɔ bɛ́kya ukyuli ɔni kabla na bɛɛbla kalɔ ni, na bɛdi ukyuli ɔmmɔ kabla bablane. Anwuɔsu bɛkana binwini kabla bablane bite likpidi lɛni mɔɔkpanku ukyuli taatákya kukpi kemmo. Na bɛkana binwini kabla bablane bite lɛbuni lɛni mɔɔkpanku ukyuli taatákya siin bɔbla kemmo.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.