Romaƒuɔ 4:6 - Katɔti Ɔku Kedee

⁶ Na Ɔga Dawid ɔ́su lɛni kani ka lɛlɔ lɛdubɔyɔ ukyuli ɔni na Katɔti ɔ́nu ka use siin. Na ɔɔɔdanku nwuna kabla kani na ɔ́bla ɔsu. Dawid ɔ́su ɔnini,

Romaƒuɔ 4:6 Referans Kwoze

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Galatiƒuɔ 3:14

Na Kristo ɔ́bla ɔmɛni kalɛ na kusɛ kusɛ ɔni na Katɔti ɔ́su úse ka wasiaku Abraham mmɔ ɔsiaku bani naaadi Yudaƒuɔ lɛnɔ kama ɔkɛnku Kristo Yesu lɛlɔ. Na ɔkɛnku bɔƒɔtaadi bɔmmɔ lɛlɔ ni, na abu lɛnɔ bɔkɛ Katɔti linyese lɛni ndi nwuna Kɔyu.

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Romaƒuɔ 1:17

Na litemi buni lɛmɛni muudie ulu siin ɔni mɔɔyɔ́ Katɔti kaƒɔ taatina. Na ulu siin ɔmɛni ɔkɛnku bɔƒɔtaadi lɛlɔ ɔ́si kalɔ kesekɔ útédu kawɔlɔkɔ. Na lɛni na bénweni na Bunweni Kedee Ɔku kemmo banini, “Bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Yesaia 54:17

Ekpola ani na bákywɛɛ ka beti bekpo-mii aladi-mii lɛlɔ. Na enyekpi ani na bekyuli badubɔsu basiku-mii lɛlɔ alabla-mii lɛla lɛdi. Yerusalem ɔdi bina ɔdi na ndubute-mii kusɛ kusɛ na bɛdi lɛlɔ. Ami Unwoti násu.”

Kɔgya 112:1

Bɛya na bumwi Unwoti. Lɛlɔ lɛdubɔyɔ ukyuli ɔni mɔɔyia Unwoti na ɔɔdi nwuna ɔda bubo etemila ƒui lɛlɔ.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.

Galatiƒuɔ 4:15

Wɛ na lɛlɔyɔ lɛni náƒɔ-mii lɛlɔ kemmo mmɔ ƒui lɛ́vi? Lɛla lɛni lɛlɔ na ami ɔlati muedi lɛkana na lidie-mii kenye ka nka bɛkana bɛkpa bina anumi ani na bɛda bɛɛnu muedi bite-mi.

Romaƒuɔ 4:24

Mmomu ɔdanku abu bani lɛnɔ na Katɔti ɔdubɔnu ka buse siin ɔkɛnku kalɛ na bɔ́ƒɔ Katɔti ɔni nágyila Blɔti Yesu ɔ́lɛku kekpine mmɔ bɔ́di lɛlɔ.

Romaƒuɔ 4:9

Na lɛlɔyɔ lɛni lɛlɔ litemi na Dawid ɔ́su mɛni ni, bani nékulo ago kani ndubɔkɛ-ni? Kudii! Lɛdanku bani nétekulo ago lɛnɔ, ɔsika Bunweni Kedee Ɔku ɔɔsu ɔnini, “Abraham ɔ́ƒɔ Katɔti ɔ́di ɔsu na Katɔti ɔ́bu-nwu aani ukyuli ɔni use siin.”

Romaƒuɔ 3:27

Na bi lɛlɔ na bɔdubɔkana lɛmɛnɛ bɔkun ka ani na bɔ́bla asa na bɔ́kɛ bɔƒɔ? Ku lɛla! Ɔsika ukyuli ulábla siin ka ɔɔdi ɔda bubo bɔmmɔ lɛlɔ ɔsu. Mmomu ɔkɛnku bɔƒɔtaadi lɛlɔ kani na Katɔti ɔɔklibi abu ku-nwu ntɛ.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Yeremia 33:16

Na uwi ɔmmɔ kemmo ni, Yuda ɔdubulie ƒaa na lɛla lɛdi lɛɛɛdubo-nwu bukpoku. Na Yerusalem ɔdubulie ku keyi buɛɛ na bekyuli badubɔsia-nwu lɛnyi banii ‘Unwoti ɔɔtɛ litemi siin.’

Yeremia 22:6

“Binu kasusu kani na lɛ́bla. Yuda ɔga kesii kammɔ keekeye aani Gilead iye Lebanon abi kangya eli katɔ katɔ ƒui. Nsu mmɔ kadubo buwi aani ɔma ɔni na ukyuli ɔdi uuubo si uwi ɔni na lɛ́wɔlɔ lɛla lɛni na nnii mɔɔblaku-nwu.

Lɛkpa Ulu 33:29

Israelƒuɔ, bɛya na lɛlɔ lɛyɔ-mii. Ɔsika bekyuli badi beeebo aani bina kalɛ. Bɛdi bekyuli bani na Unwoti náƒɔ-mii ngba. Na Unwoti ɔlati ndi bina ekpola. Na biti-nya bikpo bɛdi lɛlɔ. Na bina bekisine badububo bebevele-mii ka bɛnu-ma kɔnyana. Nsu bitenu kalɔ, na bibo-ma bɛdu ƒui.”

Mateo 25:19

“Na emeyi pii adi kama ni, kabla bablane bamɛni unwoti ɔmmɔ únwini úbo na anwu ku-ma bábu akunta.

Romaƒuɔ 4:5

Nsu na Katɔti kudɔ ni, ukyuli ɔni néteti anu útasia nwuna kabla lɛlɔ mmomu na úti nwuna anu ɔ́sia Katɔti lɛƒɔndia lɛlɔ ni, Katɔti ɔɔnu ukyuli ukpidi ɔmmɔ ka use siin.

Romaƒuɔ 4:7

“Lɛlɔ lɛdubɔyɔ bekyuli bani na Katɔti úti bana bɔƒiɔ ɔ́kyiɛ-ma na údie ekpidi bana lɛlɔ.

Yakobo 2:18

Nsu ɔdi ɔdubɔsu ɔnii, “Ukyuli ɔdi ɔ́ƒɔ ɔ́di, na ɔbambadi lɛnɔ ɔɔbla kabla.” Ami mɔɔsu ukyuli ɔmmɔ nnini, “Udie ɔtina-mi kalɛ na ukyuli ɔdi ɔɔƒɔ́ taadi na ulábla kabla. Na ami ndubɔtina-nwu kalɛ na lɛ́ƒɔ lɛ́di na mina kabla kani na mɔɔbla kemmo.”