Romaƒuɔ 4:15 - Katɔti Ɔku Kedee

¹⁵ Ɔsika ɔda bubo buudie Katɔti kɔnyi taatina-bu. Nsu si ɔda bubo buuubo ni, ukyuli lɛla lɛdi lilédie bula bɔƒiɔ taatina-bu.

Romaƒuɔ 4:15 Referans Kwoze

Romaƒuɔ 5:13

Likpidi lɛkya kayawi kemmo asa na Katɔti úte-bu Mose ɔda bubo. Nsu kesii kani na ɔda bubo buuubo ni, Katɔti ulábu ukyuli bɔƒiɔ teese.

Galatiƒuɔ 3:10

Na bani na ama béti bana anu básia ɔda bubo bɔkukudi bɔmmɔ lɛlɔ ni, ewida asiaku-ma. Ɔsika bénweni bése banii, “Ukyuli biala ɔni naaadubo etemila ani ƒui na bénweni bése na Ɔda Bubo Ɔku kemmo lɛlɔ bɔdi ni, ewida adubɔsiaku-nwu kama.”

Korintoƒuɔ 1 15:56

Kukpi kɔɔkɛ́ ɔyikun ɔni na ɔda ɔɔta-bu taasiku likpidi kudɔ. Na likpidi lɛnɔ lɛɛkɛ́ nwuna ɔyikun taasiku ɔda bubo kudɔ.

Galatiƒuɔ 3:19

Na bi na ɔda bubo bɔmmɔ bɔdanku nɔɔ? Búbebunku na bɔnu likpidi bɔti. Na bɔdubɔkya utédu uwi ɔni na Abraham ubi ɔmmɔ webo. Anwuɔsu na Katɔti úse kenye kammɔ. Katɔti batu béti ɔda bubo bɔmmɔ béboku-bu ɔkɛnku ukyuli unwi ɔni nkya Katɔti ku bekyuli ntɛ.

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Yohane 1 3:4

Ukyuli biala mɔɔbla likpidi ni, ɔɔƒiɔ́ Katɔti ɔda bubo bɔmmɔ. Ɔsika likpidi ndi Katɔti ɔda bubo bɔƒiɔ.

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Yohane 15:22

Si bubo na ńtebo ńtabasu-ma lɛla lɛdi ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, basɔ balakana bɔsu banii bátati asa na bábla likpidi.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Esekiel 7:19

Bɛdubo bina sika ugyiedi ku ɔƒualadi ƒui bubo buwi kuyeya aani kebu alakpi, ɔsika ɔmmɔ ndi alakpa anyɔ ani nákpanku-mii átákya likpidi kemmo na asɔ alakana-mii bɔƒɔ ɔƒɛni bɔsiku mina kɔnyi kudɔ. Na ala ammɔ asɔ eeebo kuye kɔni na akana na eye bina lɛdila lɛdi muedi.

Koloseƒuɔ 3:6

Ala amɛni udu bɔbla ɔsu ni, Katɔti ɔdubo kɔnyi buti bɔkya bani naaabla kalɛ na nwuna litemi lɛɛsu.

Romaƒuɔ 1:17

Na litemi buni lɛmɛni muudie ulu siin ɔni mɔɔyɔ́ Katɔti kaƒɔ taatina. Na ulu siin ɔmɛni ɔkɛnku bɔƒɔtaadi lɛlɔ ɔ́si kalɔ kesekɔ útédu kawɔlɔkɔ. Na lɛni na bénweni na Bunweni Kedee Ɔku kemmo banini, “Bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Kɔnyana Buwulo 2:22

Unwoti kɔnyi kɔni na ákɛ ɔ́kya-bu ɔ́ya na ásɔku mina bekisine mmomu éboku ƒula kadikɔ aani ƒula bekyuli babune kalɛ. Na bekisine bamɛni bádu mina bebi benengudi ku bebliidi ƒui, na bana ɔdi útebu limeyi lɛmmɔ lɛlɔ.

Yeremia 4:8

Na Israelƒuɔ ama ni, lɛ́su-ma nnini, ‘Biti kɔnyana ala bɛda! Na biteewulo kanyana ku keku momoomo.’ Ami mɔɔnu ka Unwoti ɔ́mu úti kɔnyi ɔ́kya-bu geen.”

Baga 2 22:13

“Bisie na bitánu Unwoti bite ami ku Yudaƒuɔ ƒui lili ku ala ani na ɔku ɔmɛni kemmo etemila aasu. Ɔsika Unwoti úti kɔnyi ɔ́kya-bu ka bula bati kuuku bátabla bátasiaku ala ani na ɔku ɔmɛni kemmo etemila aasu ka bɔbla.”

Bumomo Bɔka 32:14

“Aanu amii bekyuli bekpidi bamɛni lɛnɔ ka bɛsiaku bina bati ɔbladu ɔmmɔ kani kama na bɛɛyá na Unwoti kɔnyi kɔsɔ kɔkɔ-nwu katɔ kubu na Israelƒuɔ lɛlɔ.

Budie Taatina 19:15

Na litemi geen lɛni nse aani kewii kani bádɔ-ka lɛvi inyɔ lɛɛlɛ́-nwu kenye kani na ɔdubuti ukpo kalɔ ƒui bekyuli, na uti nwuna ɔyikun utaadi-ma lɛlɔ. Na ɔdubɔni-ma kɔtu kpakplaa ku Katɔti Ɔyikune Ƒui kɔnyi geen aani kalɛ na baaka ntu teedie ebi kemmo kpakplaa na ntɛ kablakɔ.