Romaƒuɔ 3:10 - Katɔti Ɔku Kedee

¹⁰ Ɔsika lɛni na bénweni na Bunweni Kedee Ɔku kemmo banii, “Ukyuli ɔdi uuubo na use siin na Katɔti anumi. Ina unwi pɛ muedi!

Romaƒuɔ 3:10 Referans Kwoze

Romaƒuɔ 3:23

Bekyuli ƒui bábla likpidi, na bátamanku ka bakɛ Katɔti lɛgadi bukeye.

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Mateo 15:19

Na kasusu kekpidi kani mɔɔyá na bekyuli baadú bekyuli, na baadi kɔsɔnɔ, na baabla lɛyalɛ ala, na beeyú, na baadá bekyuli kenye, na baalɔ bekyuli anyikpi ni, ana ƒui aasí kayi kemmo.

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Marko 10:18

Yesu úye-nwu ɔnini, “Agyi lɛla lɛni ɔsu na aalɔ-mi ɔbuni? Ukyuli ɔdi biala ɔɔɔdia ntu Katɔti lɛti pɛ.

Petro 1 1:16

Na Bunweni Kedee Ɔku kemmo ni, bénweni ka Katɔti ɔ́su nwuna bekyuli ɔnini, “Bɛbla lɛlɔ kedee, ɔsika ami nse kedee.”

Hiob 14:4

Ukyuli ɔɔɔdubo ulu ɔdi lɛlɔ bɔkana bɔsia na ɔbla lɛlɔ kedee ƒui ɔwɔlɔ.

Romaƒuɔ 3:4

Kudii! Ina ukyuli biala ɔdi ɔkɔ ɔnyine muedi ni, bɛya bɔti ka Katɔti ɔɔdi nwuna litemi lɛlɔ. Lɛni na bénweni na Bunweni Kedee Ɔku kemmo banini, “Lɛla biala lɛɛtina ka ƒula kenye etemila adi litemi geen. Na aatɛku bekyuli ƒui litemi ulu siin lɛlɔ.”

Hiob 15:16

Na dɛ na ukyuli anwu ɔdubɔbla sɛɛn? Likpidi lɛ́ƒɔ-nwu lɛlɔ kemmo, na lɛɛda-nwu ɔkwɛ aani utukwɛ kalɛ.

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Romaƒuɔ 11:8

Lɛni na Bunweni Kedee Ɔku ɔ́su ɔnini, “Katɔti ɔ́nyonu-ma na kɔdɔlɔ kɔ́ƒɔ-ma kayi ku kasusu ƒui. Na úti úbalɛ ku ɔmwi kadi ni, belenu na balánu lɛla lɛdi taati.”

Kɔgya 143:2

Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

Romaƒuɔ 3:11

Ukyuli ɔdi biala uuubo ɔni mɔɔnu lɛbuni taati. Na ɔdi lɛnɔ uláwia Katɔti kama ulu.