Romaƒuɔ 2:3 - Katɔti Ɔku Kedee

³ Na si awɔ aani ukyuli ɔyawine kani aabla ala amɛni udu na aadú bekyuli bamba kɔtɔ ni, aakali anii adubukeli Katɔti litemi bɔtɛ?

Romaƒuɔ 2:3 Referans Kwoze

Agba 16:5

Unwoti ukisi ka ukyuli ɔtalaku lɛlɔ katɔ. Anwuɔsu ɔbla ukyuli biala nwaa ka bani mɔɔtalaku lɛlɔ katɔ ni, Unwoti ɔdubɔni-ma kɔtu.

Romaƒuɔ 1:32

Bagyi ka Katɔti úbo-bu ɔda siin ka bekyuli bani nlie ngba bɔmɛni udu ni, Katɔti ɔdubɔdu-ma kukpi kɔtɔ. Nsu ni, benye momoomo na baabla alaekpidi amɛni. Na ɔɔɔdi ɔmɛni lɛti, mmomu beeti ɔbu teete bekyuli bani lɛnɔ mɔɔbla ala amɛni.

Tesalonikaƒuɔ 1 5:3

Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Luka 12:14

Amu na Yesu údie kenye ɔnini, “Ɔnana, ɔma néte-mi kuƒi ɔnii nle ala iye ntɛ litemi na bina inyɔ ntɛ?”

Luka 22:58

Na uwi klukui ɔdi kama ni, ɔnana ɔdi lɛnɔ ɔ́nu Petro ɔ́ti na ɔ́su-nwu ɔnini, “Awɔ lɛnɔ bana akɔ unwi na adi?” Nsu Petro ɔ́sɔ údie kenye ɔnini, “Ɔnana, ɔɔɔdi ami na ɔdi!”

Mateo 26:53

Munuu aaagyi anii lɛkana na livele mina Ɔti na ubebunku-mi? Na mmɔ kani ɔdubuti Katɔti batu bekpone limomo lɛni ntulo akpa leevu-anyɔ umene-mi!

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Esekiel 17:18

Yudaƒuɔ ɔga útadi nwuna linyese lɛlɔ na útabu lɛla lɛni na únyimiku Babilonƒuɔ. Anwuɔsu badubo-nwu kɔtu bɔni!

Esekiel 17:15

“Nsu ukyuli ɔni na bése lɛga mɛni ɔ́ta únye Babilon lɛlɔ na ɔ́tala nwuna benengu bamba ɔnii besie Egyipte kalɔ lɛlɔ na betétiku bapɔnkɔ ku bekpone basiku mmɔ beboku. Aabu anii ɔga ɔmɛni kasusu kani na ɔ́bla mɛni kadubo-nwu bɔsia na ɔkana na ɔbwɛ lɛla lɛni na bényimiku Babilon mɛni bubile? Munuu kɔtu na badubo-nwu bɔni na lɛla lɛni na ɔ́bla ɔsu?

Agba 11:21

Ɔbla-a nwaa ka Unwoti ɔdubɔni bekyuli bekpidi kɔtu. Nsu bekyuli babuni bebi ni, badubɔlɛ sɛɛn ɔni na lɛla lɛdi lilabla-ma.

Kɔgya 50:21

Ala amɛni udu na bɛɛbla, nsu ntebimi tɔ kenye úbalɛ ɔƒɛni. Anwuɔsu na bɛɛkali bɛnii nse aani bina kalɛ. Nsu ndubudie bina bɔƒiɔ lɛtina-mii na lɛtɛku-mii litemi.

Hiob 35:2

“Hiob, aabu anii ese siin áwɔlɔ na Katɔti anumi, na lɛla lɛdi lɛɛɛda-a?

Samuel 2 10:3

básu-ma Dawid kenye kani na badanku. Nsu ka báwɔlɔ ni, Ɔga Hanun benengu bammɔ básu bana ɔga banini, “Aabu anii Ɔga Dawid ɔɔbu-ɔ na ɔɔyɔ́-ɔ ka ɔ́tala bekyuli bamɛni ɔnii babasia-a kɔnu ka ƒ'ɔti úkpi ɔsu? Alati ka bɔtala na Dawid ɔ́tala-ma aani batu na babasia bula ɔma ɔmmɔ anu kaduɛ na bebekpoku-bu na badi-bu lɛlɔ?”

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Luka 22:60

Nsu Petro údie kenye ɔnini, “Ɔnana, lɛɛɛgyi lɛla lɛni na aasu mɛni kula kula!” Kɔnakunwi ni, ɔni na ɔ́mu unye ɔɔtɛmi ni, akɔkɔ úte kenye.

Kɔgya 56:7

Anwuɔsu ni, taya na bekeli bana kɔtu bɔni na ɔbladu ɔmɛni ɔsu. O Katɔti, sie na átáyila-ma udu na ƒula kɔnyi kemmo.

Romaƒuɔ 2:1

Anwuɔsu ni, si awɔ ɔdi aatɛku ukyuli litemi na aadú-ma kɔtɔ ni, eeebo kenye kadi na eedie. Na ulu biala lɛlɔ na ádu ƒula bakpana kɔtɔ ni, ƒula lɛlɔ na aadú kɔtɔ. Ɔsika ala ani na bábla ni, ana udu kani na awɔ lɛnɔ aabla.

Romaƒuɔ 2:2

Bula ƒui bɔgyi ka Katɔti lɛti pɛ mbo kuƒi kɔni na ɔtɛku bekyuli bani mɔɔbla ala amɛni udu litemi.

Romaƒuɔ 9:20

Na awɔ ndi ɔma geen na eetemi asiaku Katɔti? Libwi liléye ukyuli ɔni návɔ-ni ɔnini, “Bi ɔsu na ávɔ-mi lɛni?”