Romaƒuɔ 16:13 - Katɔti Ɔku Kedee

¹³ Bigyele Ruƒo ɔni náƒɔ lɛnyi na Blɔti kemmo ku uni ɔni náda ami lɛnɔ aani mina uni kalɛ.

Romaƒuɔ 16:13 Referans Kwoze

Yohane 2 1:1

Ami baƒɔtaadine unengu muunweni ɔku ɔmɛni lite awɔ uleku ɔni na Katɔti ɔ́ƒuna aani nwuna ɔdi ku ƒula bebi. Mɔɔyɔ́-mii na litemi geen lɛmmɔ kemmo. Na ɔɔɔdi ami lɛti mɔɔyɔ́-mii, mmomu ami ku bani ƒui ngyi litemi geen lɛmmɔ.

Timoteo 1 5:2

Da beleku bani nábi lɛlɔ bétulo-ɔ aani ƒula beni kalɛ. Na ada begblebi lɛnɔ aani ƒula banwani belekubi, na ataabla lɛlɔ kedee.

Marko 15:21

Uwi ɔni na bakɛ bésela ni, básiaku ɔnana ɔni baalɔ Simon ka ɔ́si lɛkpaklɔ ɔdubo Yerusalem. Amu na bekpone bammɔ básu-nwu banii ɔlɛka ubunku Yesu ugyii ɔmmɔ buti. Na Simon ɔmɛni ɔ́si Sireni, na nwuna bebi ndi Aleksandra ku Ruƒo.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Yohane 19:27

Amu na ɔ́su ɔtɛyane ɔmmɔ lɛnɔ ɔnini, “Aanu ƒ'ini.” Anwuɔsu ɔ́si uwi ɔmmɔ ni, ɔtɛyane ɔmmɔ ɔ́ƒɔ-nwu úsienku kaduli na ɔɔnu-nwu lɛlɔ.

Marko 3:35

Ukyuli biala ɔni mɔɔbla Katɔti lɛƒɔyɔ ni, anwu ndi mina ɔnwani ɔnanabi iye mina ɔnwani ulekubi iye mina uni.”

Mateo 20:16

Amu na Yesu ɔ́wɔlɔ ɔnini, “Lɛni geen na bekyuli bani ntɔ badubɔvi bakpɛ kama, na bani nkpɛ kama bavi batɔ.”

Romaƒuɔ 16:12

Bigyele beleku bani ndi Triƒaina ku Triƒosa bani nábla kabla na Blɔti kemmo. Na bigyele mina ɔkpana ɔyɔne Persi ɔni ndi uleku ɔbambadi ɔni lɛnɔ nábla kabla kpakplaa na Blɔti kemmo.

Romaƒuɔ 16:14

Bigyele Asinkrito ku Ƒlegon ku Herme ku Patroba ku Herme ku bana banwa baƒɔtaadine bani nkya-ma kudɔ.