Romaƒuɔ 14:4 - Katɔti Ɔku Kedee

⁴ Kenyekɔ kamani na ebo na aatɛku ukyuli ɔdi kabla ɔblane litemi? Nwuna unwoti ɔlati ndubɔnu bɔti si unye ute-nwu kpakplaa iye uuunye. Na kabla ɔblane ɔmmɔ lɛnɔ ɔdubunye kpakplaa, ɔsika Blɔti ɔdubɔkana na ɔya na unye ute-nwu kpakplaa.

Romaƒuɔ 14:4 Referans Kwoze

Romaƒuɔ 9:20

Na awɔ ndi ɔma geen na eetemi asiaku Katɔti? Libwi liléye ukyuli ɔni návɔ-ni ɔnini, “Bi ɔsu na ávɔ-mi lɛni?”

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Kɔgya 37:24

Na si ɔ́gbanta ni, ulebuli, ɔsika Unwoti ɔdubɔda-nwu na unye ligeen.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Romaƒuɔ 14:3

Na ukyuli ɔni mɔɔdi lɛla biala mɛni ni, utanu ɔnwani ɔni mɔɔdi ala aƒunadi ka ɔ́sɔ. Na ukyuli ɔni mɔɔdi ala aƒunadi lɛnɔ utadu ɔni mɔɔdi lɛla biala kɔtɔ. Ɔsika Katɔti ɔ́ƒɔ anwu lɛnɔ.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Yesaia 40:29

Anwu mɔɔsɔku ɔlɔkplu teete bekyuli bani na lɛlɔ lítu na bese kpɛtɛ kpɛtɛ.

Kɔgya 37:28

Unwoti ɔɔyɔ́ ala ani na baabla ulu lɛlɔ. Na ulalɛ bekyuli bani mɔɔbla taasiaku nwuna litemi lɛlɔ kama kudii. Mmomu ɔɔgyumana-ma uwi ndi uwi. Nsu bekyuli bekpidi bebi ama ni, badubɔyii udu.

Kɔgya 17:5

Mɔɔsiaku-ɔ kama siin uwi ndi uwi kalɛ neeedeyi kesii bamba.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Batalane Kabla 11:17

Na ka Unwoti néte bekyuli bani naaadi Yudaƒuɔ litela lɛmɛni aani kalɛ na úti úte-bu uwi ɔni na bɔ́ƒɔ Blɔti Yesu Kristo bɔ́di ni, naaakana Katɔti ulu butile.”

Kɔgya 37:17

Ɔsika Unwoti ɔdubɔya na balalane ɔyikun ɔyii udu. Na bekyuli bani nse siin bakɛ ɔyikun.

Romaƒuɔ 11:23

Na si Yudaƒuɔ lɛnɔ báda bana taƒɔ tadi báya ni, Katɔti ɔdubuti ama lɛnɔ ubamana kugyii kɔmmɔ lɛlɔ. Ɔsika Katɔti ɔlati ubo ɔyikun na ɔsɔku kagba ɔmana kugyii lɛlɔ na ɔkun ɔda.