Romaƒuɔ 14:2 - Katɔti Ɔku Kedee

² Ukyuli ɔdi nwuna bɔƒɔtaadi buute-nwu kuƒi ka ɔdi adila biala. Nsu ɔbambadi ɔni na nwuna bɔƒɔtaadi buuubo tɔ ɔkplu ni, adila ani kemmo na bátakya lɛna kani na ɔɔdi.

Romaƒuɔ 14:2 Referans Kwoze

Timoteo 1 4:4

Na sɔsɔ ni, lɛla biala na Katɔti údie ni, lɛdia. Anwuɔsu útalɛka bekyuli beni lɛdila lɛdi. Mmomu ɔlɛka baka Katɔti enu bɔgya na ana lili.

Romaƒuɔ 14:14

Ka nliku Blɔti Yesu ɔsu ni, ngyi geen na mina kayi kemmo ka adila adi eeebo na eesé lɛlɔ na anya alati udu kemmo. Nsu si ɔdi ɔ́nu lɛla lɛdi aani lɛla lɛni muusé lɛlɔ ni, lɛla lɛmmɔ lɛdubuse-nwu lɛlɔ.

Agba 15:17

Si awɔ ku ƒula ɔkpana ɔdi bɛ́sa na kutukplu lɛkyami kalɔ ni, ɔdia utulo si awɔ ku ƒula ukisine bɛ́sa na ɔkyimu kalɔ.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Galatiƒuɔ 2:12

Ɔsika asa na bekyuli bani na Yakobo ɔ́tala bɔdububo bebeduo ni, Petro ku banwa bani naaadi Yudaƒuɔ básala baadi. Nsu uwi ɔni kani na ɔ́nu batalane bamɛni ni, ɔ́da bɔdi ɔ́ya na ɔ́ta-ma kudɔ. Ɔsika ɔɔyia kasusu kani na bekyuli bani nékulo ago na badi Yudaƒuɔ mmɔ badubuti bɔsiku-nwu lɛlɔ ɔsu.

Ala Kalɔ Buse 9:3

Na beƒiebuo ku baasɛ ku bebweyi bamɛni ƒui badubo-mii bɔyia. Na lɛla biala lɛni mbo ngba na liisié taavi linwini adila lite-mii. Kalɛ na líti lɛku kemmo evete lidu lidu líte-mii nnii bɛdi ni, lɛni kani na líti lɛla biala muute-mii ɔƒɛni.

Hebriƒuɔ 9:10

Ɔsika ala ammɔ ƒui adanku bɔdi ku bɔni ku lɛlɔ bɔƒɔ ɔdi na lilu bun bun lɛlɔ. Na adi ɔlɔna lɛlɔ ɔda bubo bɔni ndubɔbla kabla ɔƒɛni wetédu ka ulu ɔwɔdi ɔmmɔ úbo.

Tito 1:15

Lɛla biala lise kedee lite bekyuli bani alati nse kedee. Nsu bekyuli bani ndi bekyuli bekpidi na balaƒɔ taadi ni, lɛla biala liiise kedee, ɔsika bana kasusu kemmo kéyi ku ala ekpidi, na basɔ balanu lɛbuni ku likpidi taati.

Korintoƒuɔ 1 10:25

Ebo kuƒi na eye lɛna lɛdi biala na beeyé na kuye na akun. Na ɔɔɔdi ka eye lɛla lɛdi enu na ati si lɛna lɛmmɔ lise kedee iye liiise.

Daniel 1:12

“Na emeyi leevu ani ndubo kemmo mɛni ni, kɔku-bu nu. Si údu ɔdiwi ni, ya na beteete-bu lɛkpuna ku nwuna lɛlɔ akyala na butaadi, na butaani ntu.

Daniel 1:16

Na ɔ́si ɔmmɔ kama ni, lɛkpuna ala ammɔ kani na ɔ́ya na Daniel ku nwuna bakpana baadi, na adila abuni ku ntɛ bɔni na beete bakladi kenye.

Ala Kalɔ Buse 1:29

Ɔmmɔ kama ni, Katɔti ɔ́su bekyuli bammɔ ɔnini, “Binu! Líti livo lidu ku adingyii lidu ƒui líte-mii nnii enwini bina adila.

Romaƒuɔ 14:1

Bigyingya enu na bɛƒɔ bina bakpana bani bɔƒɔtaadi nátayu tɔ ɔkplu. Bitakyaku-ma unyeƒi na ala ani lɛlɔ na amii ku-ma kasusu kátabla kenwi lɛlɔ.

Romaƒuɔ 14:20

Bitebile Katɔti kabla na adila ɔsu. Lɛdila biala lise sɛɛn, nsu ɔɔɔdia si lɛla lɛni na aadi lɛdubɔya na ukyuli ɔdi utulo na ubuli uduo ɔgbankpi kemmo.

Romaƒuɔ 15:1

Abu bani na bula bɔƒɔtaadi bɔ́ɔyu ɔkplu ni, ɔlɛka bɔkɛ kayi bute ala ani na bekyuli bani na bana bɔƒɔtaadi bútayu tɔ ɔkplu baabla na bubunku-ma. Na ɔɔɔdi ka bɔbla lɛla lɛni mayɔ-bu kaƒɔ lɛti.

Korintoƒuɔ 1 8:9

Bɛnu kaduɛ na bina kuƒi kɔni na bibo lɛlɔ kalɛ na uleboku ukyuli ɔni na nwuna bɔƒɔtaadi buuubo ɔkplu kalɔ na wabla likpidi lɛdi.

Korintoƒuɔ 1 9:22

Si nkya bani na bana bɔƒɔtaadi buse kpɛtɛ kpɛtɛ akɔ ni, mɔɔbla lɛlɔ aani ama kani kalɛ na lɛkana lɛƒɔ-ma lite Blɔti. Ɔmɛni ɔsu lɛ́manku-ma na línwini bekyuli ƒui ɔkpana kalɛ na lɛsia ulu biala lɛlɔ na lɛƒɔ bekyuli badi lite Blɔti.