Romaƒuɔ 13:4 - Katɔti Ɔku Kedee

⁴ Ɔsika Katɔti kabla ɔblane na ɔdi, na ɔɔbla kabla kalɛ na ɔdianku-ɔ. Nsu si bɛɛbla likpidi ni, na ɔdi ka bɛyia-nwu. Ɔsika ɔɔɔdi keeke ɔsu na béte-nwu ɔyikun! Katɔti kabla ɔblane na ɔdi. Na ɔdi ukyuli ɔni mɔɔnu ka bábla lɛla biala ulu lɛlɔ na ɔni likpidi ɔblane biala kɔtu.

Romaƒuɔ 13:4 Referans Kwoze

Romaƒuɔ 12:19

Banwa, bitedie ukyuli likpidi kasi kudii, mmomu bite Katɔti kuƒi na ɔbla nwuna kɔnyi kabla na ukyuli ɔmmɔ lɛlɔ. Ɔsika ni, Katɔti ɔ́su na Bunweni Kedee Ɔku kemmo ɔnini, “Ami Unwoti muudie kasi, na ami ndubɔƒɔ kayu.”

Agba 20:2

Ɔga kɔnyi kuse aani gyata bɔkwanyi. Si ákya-nwu kɔnyi ni, ƒula ngba na ákya ɔgbankpi kemmo.

Agba 16:14

Ɔga kɔnyi kenye kelenu bunye kuubile ala. Na banundane baasia ulu biala lɛlɔ ka bayala-nwu kaƒɔ.

Ala Alɛdi 2 19:6

na ɔ́su-ma ɔnini, “Bɛnu lɛlɔ kemmo kaduɛ si uwi ɔni na bɛɛlɛ bina etemila adi ugyii na bina litemi katɛkɔ. Ɔsika Unwoti kadi bekyuli na badi mɛni. Na lɛla biala na bɛ́lɛ ugyii ni, lɛdi lɛɛɛdubo-nwu bɔbɛ.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Romaƒuɔ 13:6

Ɔmɛni ɔsu lɛnɔ na ɔdi ka bɛƒɔ kuyi bite bina kalɔ lɛlɔ batɔnkune, ɔsika Katɔti kabla na baabla. Na béti bana uwi ƒui béte ka bátaatɔnku bekyuli.

Mika 3:9

Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Esekiel 25:14

Ndubo ami ɔlati mina kadi bekyuli bɔtala bɔkya-ma na betédie-ma kasi kalɛ na Edomƒuɔ banu mina kɔnyi kpakplaa ablala bati na bana akɔ. Na badubɔnu bati ka ami ndi Unwoti Katɔti si lɛ́ni-ma kɔtu lɛni.”

Esekiel 22:27

“Israel kadi benengu bese aani beƒukutu bani anumi négyie na ebuo ɔni na beƒie lɛlɔ na baaduli-nwu teegyingya si báda-nwu. Na beelie ngba ngba bukpidi taakya bekyuli ɔlɛ na baadú-ma.

Yeremia 5:28

na ala adianku-mii, nsu bíni na bilébunku bekyuli bamba. Na bɛɛbla bawabane lɛla lɛni na bɛɛkali ka lɛ́manku-ma.

Yesaia 1:17

Bɛtɛya lɛbuni bɔbla. Na bɛbla ala ulu lɛlɔ siin. Bibunku bekyuli bani na beekpóku, na bikpo bite bekpinebi, na bɛya na bekpinele bakɛ bana kadikɔ.”

Agba 20:26

Si ɔga ɔnundane ɔdi kɔnu kútuku belikplune ni, uuti-ma teewi kukɔ lɛlɔ aani antabi na uuti lɛklɔyi taakɔ-ma kpɛtɛ kpɛtɛ.

Agba 20:8

Si ɔga ɔdi ɔ́tɛ litemi na uukulo-ni ni, ɔɔkali kenye kani ƒui na bekyuli bédie na litemi lɛmmɔ lɛlɔ taanu, na ɔƒuna ala ƒui kemmo ɔnu asa na ukulo litemi lɛmmɔ.

Baga 1 10:9

Na buumwi Unwoti ɔni ndi ƒula Katɔti, kalɛ na údie nwuna bɔyɔ ɔ́tina-a. Na úse-ɔ Israelƒuɔ ɔga. Ɔsika ubo bɔyɔ ute Israel uwi ƒui ɔsu na úti-ɔ úse lɛga kalɛ na ataanu nwuna ɔda bubo taabla ala ulu lɛlɔ.”

Yosua 20:9

Lɛma lɛmɛni na bédie bése bete katamikukɔ béte Israelƒuɔ ku baƒɔ bani nkya-ma kudɔ. Ka si ukyuli ɔdi ɔ́du ɔkpana ɔni na ɔɔɔgyi uuuse ni, ɔkana na ukeli utátamiku benengu bammɔ kalɛ na ukyuli ɔni na bádu mmɔ bekyuli baladu ukyuli ɔdune ɔmmɔ balasia uti utédu ka bátɛku-nwu litemi.

Yosua 20:5

Na si bekyuli bani ukyuli na ɔ́du békeli basiaku ukyuli ɔdune ɔmmɔ ni, benengu bammɔ betedie ukyuli ɔmmɔ betete-ma. Ɔsika ukyuli ɔdune ɔmmɔ ɔɔɔgyi uuuse asa na ɔ́du ɔkpanadi ɔmmɔ. Na kadɔ kadi lɛnɔ keeebo-ma ntɛ asa na ɔ́du-nwu.

Petro 1 2:14

ku Roma aban benengu bani na béte kenyekɔ ka bani bekyuli bani mɔɔƒiɔ́ kɔtu na bemwi bani mɔɔbla lɛbuni lɛnɔ.