Romaƒuɔ 12:13 - Katɔti Ɔku Kedee

¹³ Bile bina lɛlɔ ala bite Katɔti bekyuli bani neeebo lɛla lɛdi. Na bɛgyingya enu na bɛƒɔ baƒɔ.

Romaƒuɔ 12:13 Referans Kwoze

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Korintoƒuɔ 2 9:12

Ɔsika kabla kani na bɔɔbla teete baƒɔtaadine bani mɔɔyaki ala mɛni ni, uubunku-ma geen. Nsu ɔɔɔdi ɔmmɔ lɛti, mmomu ɔdubɔya na bekyuli pii bagya Katɔti enu uwi biala.

Yohane 1 3:17

Si ukyuli ɔdi ubo ala adi na ɔɔnu ka ɔnwani ɔɔyaki nsu útete-nwu kebunku kadi mmomu ɔ́da anumi údie ɔnwani ɔmmɔ lɛlɔ ni, dɛ na wakana bɔsu ɔnii ɔɔyɔ́ Katɔti?

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Petro 1 4:9

Bɛbla lɛƒɔ bite bina bakpana na bɛƒɔ-ma na beduo-mii kudɔ ƒaa na bitakyaku-ma unyeƒi.

Galatiƒuɔ 6:10

Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Hebriƒuɔ 13:2

Na bitayiƒala baƒɔ bɔƒɔ, ɔsika badi báƒɔ Katɔti batu na béduo-ma kudɔ ɔni na baaagyi.

Timoteo 1 3:2

Na baƒɔtaadine ɔtɔnkune ni, ɔlɛka ɔbla ukyuli ɔni na litemi lɛdi lɛɛɛda-nwu, na úti uleku unwi, na ɔ́da anu, na ɔda lɛlɔ, na bekyuli baabu-nwu. Ɔɔbla lɛƒɔ na ɔdi ala ɔtinane buni.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Mateo 25:35

Mɔɔƒɔ-mii kayu kamɛni ɔsika uwi ɔni na kɔka kɔ́da-mi ni, bíte-mi adila. Ka utukwɛ ɔ́da-mi ni, bíte-mi ntu. Ka ndi ɔƒɔ ni, bígyingya enu bɛ́ƒɔ-mi na ḿbeduo-mii kudɔ.

Ƒilemon 1:7

Ɔnwa, lɛlɔ lɛ́yɔ-mi geen na ákya-mi ogya na ƒula bekyuli bɔyɔ ɔsu. Ɔsika ánu Katɔti bekyuli lɛlɔ.

Tito 1:8

Ɔlɛka utaaƒɔ baƒɔ na utaayɔ lɛbuni na ɔda lɛlɔ kaduɛ. Na ɔbla ukyuli ɔni na ubo udu, na use kedee, na ɔɔkana anwu ɔlati lɛlɔ lɛnɔ bɔdi.

Korintoƒuɔ 2 9:1

Geen ni, útalɛka linweni-mii lɛla lɛdi lɛsiku kalɛ na biibunku Katɔti bekyuli bani ndi bawabane na Yudea kalɔ lɛlɔ.

Batalane Kabla 10:4

Amu ka Kornelio ɔ́nu-nwu ni, liƒu lɛ́da-nwu geen. Amu na úye-nwu ɔnini, “Ati, bi na aawia?” Amu na Katɔti ɔtu ɔmɛni ɔ́su-nwu ɔnini, “Ƒula bekyuli ala bute ku ƒula katɔ bɔkpali ni, búduo Katɔti kudɔ.

Batalane Kabla 4:35

Na béti egulabi amɛni bátákya batalane bammɔ lɛkɔkɔ na béle-nya béte bana akɔ ɔdi biala kalɛ na ɔɔwia.

Korintoƒuɔ 1 16:15

Bɛgyi Steƒana ku nwuna kaduli bekyuli. Ama ndi bekyuli bedeedi bani nénwini kayi na Akaia kalɛkɛ lɛlɔ mmɔ. Na béti lɛlɔ béte ka beteebunku Katɔti bekyuli. Banwa, muuvele-mii nnii,

Romaƒuɔ 12:8

Si ɔdi bekyuli ɔkplu bɔkya ni, ɔdi ka ɔkya bekyuli ɔkplu. Si bekyuli na ɔdi ka ute ala ni, na ute ku kaƒɔ ƒaa. Na si bekyuli bɔtɔnku lɛnɔ na ɔdi ni, ɔdi ka uti nwuna anu ƒui ɔsia kabla kammɔ lɛlɔ na ɔtɔnku-ma. Si kɔnyana bɔnu na ɔdi ni, na ɔnu kɔnyana ku kayi ƒui.

Kɔgya 41:1

Lɛlɔ lɛdubɔyɔ ukyuli ɔni muulie taabla kasusu na bekyuli bani nse kpɛtɛ kpɛtɛ lɛlɔ ka ubunku-ma. Unwoti Katɔti ɔdubudie-nwu si úduo lɛbibo lɛdi kemmo.

Samuel 2 17:29

Bada uwɔ ku bebuo anyii ntu ani béƒulo bábla adila lidu lidu ku ɔmantɛ bakɔ anyi ntu ani bébo na ɔmii béboku Dawid ku nwuna badi banii badi, ɔsika bánu ka lɛlɔ líitu-ma, na bánu lɛnɔ ka utukwɛ ku kɔka kɔɔda-ma na ketele kalɔ kakwiidi kammɔ kemmo mmɔ.

Baga 2 4:10

Ɔmmɔ ɔsu, ya bɔtu ɔtɔ klo klo ɔdi bɔsia bula ɔtɔ eli. Na bɔwia atɛla ku liboku ku asogya ku ala kasiakɔ bɔlɛ ɔtɔ ɔmmɔ kemmo bute-nwu. Na si úduo-bu ni, ɔkana ɔsɔ ɔkya ɔtɔ ɔmmɔ kemmo.”

Agba 31:20

Ɔɔnu bawabane kɔnyana na bekyuli bani mɔɔyaki lɛla lɛdi ni, uute-ma ala.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Yohane 3 1:5

Mina ɔkpana buni, ka aanu banwa baƒɔtaadine ina ka badi badi baƒɔ bani na aaagyi muedi ɔsu ni, aabla ala ulu lɛlɔ teete Katɔti.