Romaƒuɔ 12:11 - Katɔti Ɔku Kedee

¹¹ Bitabla kɔkɔsɔ, mmomu bɛya na Katɔti Kɔyu kɔƒɔ-mii lɛlɔ kemmo ƒui na bitaabla Blɔti kabla.

Romaƒuɔ 12:11 Referans Kwoze

Batalane Kabla 18:25

Na ina ka únu Blɔti lɛlɔ litemi na uutemi ku ogya na ɔ́tɛmi ɔ́siku Yesu lɛlɔ na ulu geen ɔmmɔ lɛlɔ ni, Yohane ntu bɔkpila lɛlɔ ala kani na ɔgyi.

Petro 1 4:8

Na ɔni ntulo ƒui ni, bitaayɔ lɛlɔ ku kaƒɔ nwaa. Ɔsika si bɛɛyɔ́ lɛlɔ ni, bɛsɔ bilátaanu bina banwa ekpidi pii.

Agba 13:4

Bakɔsɔne baawia ala pii, nsu ɛlɛɛ muutúku-ma kɔnu. Nsu bekyuli bani mɔɔbla kabla kpakplaa ni, bana kabla kadubɔtɛ na badi bemo.

Hebriƒuɔ 12:28

Anwuɔsu ka lɛga kadikɔ kani kemmo na bɔdubuduo kalákunku ɔsu ni, bɛya na bɔgya Katɔti enu na bumwi-nwu na ulu ɔni námanku lɛlɔ ku ɔbu ku bɔyia.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Batalane Kabla 20:19

Bɛ́nu kalɛ na lɛ́siaku Blɔti na lɛlɔ kalɔ buboku kemmo, ina ka líbo abi ku keku ɔ́si ɔni na Yudaƒuɔ báwia ka badu-mi ɔsu.

Mateo 24:12

Likpidi bɔbla lɛdubo bumomo na baƒɔtaadine pii basɔ baláyɔ lɛlɔ.

Agba 10:26

Bakɔsɔne baakya bekyuli bani kabla na baabla ɔlɛ. Na bese aani uyɔ ɔni muuduo ukyuli anumi iye ntɛ bɔnani bɔni mɔɔyá na kenye anyi aanyi.

Agba 22:29

Bekyuli bani na ánu ka bebo kogyoklo geen ni, baga kabla na baabla na ɔɔɔdi bekyuli keeke.

Agba 18:9

Ɔkɔsɔne ɔdi ukyuli ukpidi aani ukyuli ɔni muubile bekyuli ala.

Israelƒuɔ Bɔlɛ 5:17

Amu na Ƒarao údie kenye ɔnini, “Bakɔsɔne na bɛdi, anwuɔsu na bɛɛbla kɔkɔsɔ ala! Na bɛɛsu taasia kama bɛnii, ‘Bɛya na busie butábla akpala bute Unwoti.’

Timoteo 1 5:13

Ɔmmɔ kama ni, badububile uwi na bakɛ kɔnu bete bekyuli kɔduli bɔvi bataatɛmi atɛ keeke. Na ukpidi ƒui ndi ka ni, badubutaalɔ bekyuli anyikpi na beteekeyi atɛ. Na bataatɛmi bekyuli lɛlɔ kɔtɛ ku ala abambadi ani na útalɛka basu.

Yesaia 56:10

Amii Israel kadi benengu, amii na nka ɔlɛka binye bitaagyumana mina bekyuli aani bakpewe bani mɔɔgyumana kaduli. Nsu biiinye bilasia lɛla biala anu na bilebo-ma ɔda ɔdi lɛnɔ. Mmomu bulie kani na bilie biisié taasɔ na bɛɛlɛɛ.

Budie Taatina 2:4

“Nsu bɔƒiɔ bɔni muudie-mii lɛlɔ ndi ka bɛsɔ bilayɔ-mi aani kalɛ na bítaayɔ-mi kudeedi.

Koloseƒuɔ 4:1

Amii benwoti bani mbo kabla bablane ni, bɛda-ma na bɛnu-ma lɛlɔ kaduɛ. Ɔsika amii lɛnɔ bɛgyi ka bibo Unwoti ɔni nkya katɔ.

Korintoƒuɔ 1 7:22

Si aabla ukyuli bamba kabla asa na Blɔti ɔ́lɔ-ɔ ni, énwini ukyuli ɔni na ebo bɔnwuna na Blɔti kudɔ. Na lɛni kani na si aabla awɔ ɔlati kabla asa na Blɔti ɔ́lɔ-ɔ ni, énwini ukyuli ɔni mɔɔbla Blɔti kabla.

Mateo 25:26

“Nwuna unwoti ɔmmɔ ɔ́su-nwu ɔnini, ‘Kabla ɔblane ukpidi ku ɔkɔsɔne na adi. Agyi ka muudé edula na kesii kani na ńtava adi, na mɔɔƒɛ edula kesii kani na ńtagya lɛla lɛdi.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Yakobo 5:16

Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.

Agba 31:15

Ɔɔta ɔtanta tutuutu uwi ɔni na kadi kátada tɔ na ɔɔbla lɛdila teete nwuna kaduli bekyuli, na uute nwuna kaduli kabla bablane belekubi bana limeyi kabla.