Romaƒuɔ 11:7 - Katɔti Ɔku Kedee

⁷ Geen ni, lɛla lɛni na Yudaƒuɔ básia anu kpakplaa ni, bátakɛ-ni. Nsu bani na Katɔti ɔ́ƒuna ama bákɛ-ni. Na bakladi báyu atuɔkplu.

Romaƒuɔ 11:7 Referans Kwoze

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Romaƒuɔ 9:18

Anwuɔsu ni, Katɔti ɔɔnu ukyuli ɔni na ɔɔyɔ́ kɔnyana. Na uudie ɔbambadi lɛnɔ atu na ɔɔbla atuɔkplu.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 11:5

Lɛni kani na use ɔƒɛni. Nkyuli ɛlɛɛ badi bébu bani na Katɔti ɔ́ƒuna úse úte lɛlɔ ɔkɛnku nwuna lɛƒɔndia ɔsu.

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Korintoƒuɔ 2 3:14

Sɔsɔ na ɔdi ka bana kasusu kalánu ɔmɛni taati. Use aani si lɛdiku lɛmmɔ udu kani lɛmu libi-ma kasusu lɛlɔ si baaká bunyimi bɔkukudi ɔku ɔmmɔ kemmo etemila. Ɔsika lɛla lɛni kani na ndubɔya na lɛdiku lɛmmɔ lɛmami ndi si ukyuli úti lɛlɔ ɔ́mana Kristo.

Romaƒuɔ 9:23

Na lɛni kani na ɔ́yɔ ka údie ala abuni ani nkya nwuna bukeye bonwu kemmo keyi ɔtina bani na wanu kɔnyana. Na abu ndi bekyuli bani na ɔ́klibi úse ka bɔdubo bukeye.

Ƒilipiƒuɔ 1:18

Nsu ɔmɛni ƒui ɔɔɔda! Lɛla lɛni kani mɔɔda-mi kubiti ndi ka Kristo lɛlɔ litemi na baasu. Na si baasu-ni taasiku kasusu kabuni iye kekpidi kemmo ni, ami lɛlɔ lɛdubo-mi butaayɔ.

Korintoƒuɔ 1 10:19

Na ɔƒɛni ni, bɛɛkali bɛnii bɔɔsu na nda nnii baƒiɔ bani bávɔ béte lɛlɔ ni, ama lɛnɔ badi Katɔti ɔdi geen? Munuu adila ani na béti bákpa béte ala bamba amɛni adi lɛla geen lɛdi?

Romaƒuɔ 10:3

Ɔsika baaagyi ulu ɔni lɛlɔ na Katɔti ɔɔyɔ́ ka ukyuli ɔsia na ɔbla siin na nwuna anumi. Mmomu ama alati báwia ulu bamba béte lɛlɔ. Ɔmɛni ɔsu béteboku lɛlɔ kalɔ bétete Katɔti kalɛ na ɔtina-ma ulu ɔni lɛlɔ na basia na ɔbla-ma siin.

Romaƒuɔ 6:15

Na bi na bɔdubo bɔsu? Ka bɔɔɔkya ɔda bubo kalɔ na Katɔti lɛƒɔndia kalɔ mmomu na bɔkya ɔsu ni, ɔlɛka butaabla ekpidi? Oowo. Kudii!

Romaƒuɔ 3:9

Na ɔƒɛni ni, bi na bɔkana bɔsu na abu Yudaƒuɔ lɛlɔ? Bubo kenyekɔ kabuni butulo bani naaadi Yudaƒuɔ? Kudii! Ɔsika lɛ́ɛtina ḿbavi ka likpidi lɛ́ƒɔ Yudaƒuɔ ku bani naaadi Yudaƒuɔ ƒui lɛnɔ lɛlɔ kemmo.

Yohane 12:40

“Ami Katɔti lɛ́bala-ma anumi kalɛ na balanu lɛla lɛdi balati. Na lɛ́ya na bádɔlɔ kalɛ na belénu ala kalɔ. Ɔmmɔ ɔsu belénwini belebo-mii kudɔ kalɛ na lɛbwi-ma.”

Luka 13:24

“Kya ɔkplu na asia kayakun kani nse blii suɛ kemmo eduo. Ɔsika bekyuli pii badubɔwia geen banii baasia mmɔ beduo, nsu balakana.

Yesaia 44:18

Bekyuli bani ƒui mɔɔbu baƒiɔ ni, anumi ábwɛ-ma na balánu na kasusu lɛnɔ kékpi-ma na belenu lɛla lɛdi kalɔ.

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Agba 1:28

“Uwi ɔmmɔ ni, bɛdubɔkpali ami Lɛnunda, nsu naaakpete-mii. Na bɛdubɔwia-mi na bilanu-mi.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.

Hebriƒuɔ 12:17

Na ɔmmɔ kama aani kalɛ na bɛgyi ni, uwi ɔni na ɔɔwia ka ɔti use-nwu kama ku kusɛ kusɛ ni, úni-nwu. Na Esau ɔ́sɔ útakana lɛla lɛni na ɔ́bla bɔvumana ina ka ɔ́wia kusɛ kusɛ ɔmmɔ ku keku.

Marko 6:52

Ɔsika bátati kalɛ geen na ɔ́bla asa na úte nkyuli mpim ɛlɔ bamɛni adila na bádi bébu. Bana kasusu kátabla-ma nwaa na ɔmɛni lɛlɔ ka bátaƒɔ bátadi ɔsu.

Eƒesoƒuɔ 4:18

na bana ala kalɔ bunu bɔkya lɛdisa kemmo. Na ka baaagyi lɛla lɛdi na balayɔ banii beenú lɛla lɛdi lɛnɔ ɔsu ni, beeebo kadikɔ kadi na ngba bɔni na Katɔti uute nwuna bekyuli kemmo.