Romaƒuɔ 11:16 - Katɔti Ɔku Kedee

¹⁶ Ɔsika si bodobodo kakɛ kedeedi kani na bábwɛ bákpa béte Katɔti use kedee ni, na bodobodo ɔkladi lɛnɔ use kedee. Na si kugyii kɔdi ugyiitu use kedee ni, na kugyii kɔmmɔ kɔgba lɛnɔ kuse kedee.

Romaƒuɔ 11:16 Referans Kwoze

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Esekiel 44:30

Na edula edeedi biala na báƒɛ lɛnɔ adi bakpane bammɔ. Na ala ani na ukyuli ɔdi úse kenye na adi etela ni, ama lɛnɔ badubɔkɛ kakɛ kadi. Lɛni kani si bodobodo na mina kadi bekyuli akɔ ɔdi úƒi ni, na uti udeedi uboku bakpane bammɔ, na ndubute ukyuli ɔmmɔ kusɛ kusɛ anwu ku nwuna kaduli bekyuli ƒui si bábla ɔmɛni.

Agba 3:9

Ti ƒula lɛkɛ teemwi Unwoti. Na eti ƒula edula biala ebi edeedi ete-nwu.

Yeremia 2:21

Na nka bɔƒuna na lɛ́ƒuna-mii lɛ́lɛ aani kɔdingyii kɔni na naaaƒianku nsu ɔƒɛni amu bíbulo ebi buni bɔnwu.

Romaƒuɔ 11:17

Na si kɔgba kɔdi kɔ́ƒɛ kɔ́lɛ kugyii kɔmmɔ lɛlɔ na békulo-mii aani lɛku kemmo kugyii kagba blii kadi bébenyimi báda kesii kani na kugyii kɔmmɔ ntu bɔɔyu na ɔ́kun ɔ́da ni, bɛɛní ntu taasiku kugyii kɔmmɔ ligyiitu kudɔ.

Lewiƒuɔ Ɔda Bubo 23:10

“Kɔ lɛsa na asu Israelƒuɔ anini, ‘Si bísie bítéduo kalɔ kani na líti muute-mii kemmo na bɛ́ƒɛ bina edula edeedi ni, na biti-nya bisienku ɔkpane.

Lɛkpa Ulu 26:10

Anwuɔsu líti mina edula edeedi ani na Katɔti úti úte-mi mɛni muuboku-nwu.” Na si ásu lɛni áwɔlɔ ni, na eti kagyigyɛ kammɔ ese bula Unwoti Katɔti anumi na emwi-nwu.

Lɛkpa Ulu 18:4

Ɔƒɛni ni, bina edula edeedi ani na bɛ́ƒɛ ku ntɛ ku nnɔ ku bina baƒonu linwini lɛni na bíti bɛ́bla unwo ni, biti ala ammɔ bite Lewiƒuɔ bammɔ.

Israelƒuɔ Bɔlɛ 23:16

“Bɛdi Edula Bɔƒɛ Limeyi ku edula edeedi ani na bɛ́ƒɛ bɛ́siku bina mmo bɔni na bɛ́tuma. “Na si uwi ɔni na bɛɛsála-nya teewi unwu ku kesekɔ bamba lidu ƒui kemmo ni, na bɛdi Edula Bɔsala Limeyi.

Ala Kalɔ Buse 17:7

Ndubɔlɛ bunyimi bɔmɛni ugyii. Na amu ndubɔkya ami ku-ɔ ntɛ ku ƒula bawɔ ku kaba bekyuli bani ƒui masia-a kama uwi ƒui. Na ami ndi ƒula Katɔti na madi ama lɛnɔ Katɔti.

Budie Taatina 14:4

Ama ndi bekyuli bani náda lɛlɔ sɛɛn. Na bana lɛlɔ lilese lɛlɔ na lɛsɔnɔdi ala lɛlɔ ɔsu. Ama mɔɔsiaku Koƒonu Ubi ɔmmɔ likpo biala na úsela. Ama na bédie bálɛku bayawine ƒui akɔ. Na ama ndi bekyuli bedeedi bani na béti béte Katɔti ku Koƒonu Ubi ɔmmɔ.

Korintoƒuɔ 1 7:14

Ɔsika ɔgyani ɔni nátaƒɔ útadi mmɔ ni, Katɔti ɔdubɔbla-nwu kedee ɔkɛnku uleku ɔni náƒɔ ɔ́di mmɔ ɔsu. Na lɛni kani na Katɔti ɔdubɔbla uleku ɔni nátaƒɔ útadi mmɔ kedee na awɔ ɔnana ɔni náƒɔ ádi mmɔ ɔsu. Si ɔɔɔdi lɛni ni, bana bebi balabla kedee. Nsu kalɛ na use ni, Katɔti ɔɔbla bebi bamɛni kedee.

Israelƒuɔ Bɔlɛ 23:19

“Biti edula edeedi abuni ƒui ani bɛ́kɛ na kalɔ kammɔ kemmo biboku ami, bina Unwoti Katɔti kakpakɔ. “Biteƒulo ese ubi ɔdi lɛna na uni anyi ntu kemmo.

Israelƒuɔ Bɔlɛ 22:29

“Na biteni-mi bina edula ku ntɛ akpala buboku. “Na biti bina bebi bananabi bedeedi bani bɛ́wɔ bite-mi.

Romaƒuɔ 8:23

Na ɔɔɔdi ala ammɔ lɛti, mmomu ku abu bani na Katɔti ɔ́ka nwuna Kɔyu buti bute lɛnɔ buudumo na bula lɛlɔ kemmo, na bɔsia anu kpakplaa ka Katɔti ɔdubɔƒɔ-bu ekpidi lili kayu na bɔnwuna aani nwuna bebi.