Romaƒuɔ 10:2 - Katɔti Ɔku Kedee

² Nnye-ma kama na mɔɔsu ka ni, anumi eegyie-ma geen na Katɔti bɔsiaku lɛlɔ. Nsu lɛnungyie lɛmmɔ lɛɛɛkɛnku lɛlati lɛlɔ.

Romaƒuɔ 10:2 Referans Kwoze

Batalane Kabla 21:20

Ɔmɛni ɔsu ni, bana ƒui bémwi Blɔti. Amu na básu-nwu banini, “Ɔnwa ɔyɔne, agyi lɛla lɛni nálɛ Yerusalem mɛni. Yudaƒuɔ mpim mpim badi bakya bani náƒɔ bádi na bada Mose ɔda bubo bɔmmɔ kpakplaa.

Ƒilipiƒuɔ 3:6

Na nnye ɔda bubo bɔmɛni lɛlɔ kaduɛ. Na ɔkɛnku ɔmɛni ɔsu líkpoku Kristo baƒɔtaadine lɛkpa lɛmmɔ. Na si banii ɔda bubo bɔmmɔ lɛti pɛ lɛlɔ bɔdi na baanu ukyuli ɔni nse siin ni, na nka likpidi lɛdi liiibo-mii lɛlɔ.

Ƒilipiƒuɔ 1:9

Muuvele Katɔti nnii ɔya na bina bɔyɔ bɔni na bibo butaakɔ katɔ teebu na bɛkɛ lɛlati lɛni na biti bɛnu ala kemmo kaduɛ,

Romaƒuɔ 10:3

Ɔsika baaagyi ulu ɔni lɛlɔ na Katɔti ɔɔyɔ́ ka ukyuli ɔsia na ɔbla siin na nwuna anumi. Mmomu ama alati báwia ulu bamba béte lɛlɔ. Ɔmɛni ɔsu béteboku lɛlɔ kalɔ bétete Katɔti kalɛ na ɔtina-ma ulu ɔni lɛlɔ na basia na ɔbla-ma siin.

Agba 19:2

Si anumi égyie-ɔ kabla lɛlɔ na eeebo lɛlati ni, ɔɔɔdia. Na si eesié pla pla taagya ni, adubɔkana na ayii ulu.

Galatiƒuɔ 1:14

Na anumi égyie-mi étulo mina ligyekpa na ntɔ-ma na Yudaƒuɔ bɔkpa ulu ɔmmɔ kemmo. Na mina bati kuuku ɔdi kama kani na mina kasusu kasia kpakplaa ka lɛbla.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Baga 2 10:16

Na Yehu ɔ́su-nwu ɔnini, “Siaku-mi na awɔ ɔlati anu ku ƒula anumi kalɛ na mbo kogyoklo nte Unwoti kabla.” Amu na bana inyɔ ƒui bélie ɔpɔnkɔ kɛɛkɛ ɔmmɔ bésie Samaria.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Batalane Kabla 22:3

Na Paulo ɔ́su-ma ɔnini, “Yudani na ndi, na báwɔ-mi na Tarso na Kilikia kalɔ lɛlɔ. Nsu ni, Yerusalem mɛni na lísie sukuu. Gamaliel kalɔ na lɛ́kya lɛ́tɛya ala. Bátina-mi bula bati ɔda bubo ala ku bana ɔdi ƒui kaduɛ geen. Na líti mina kayi ƒui líte Katɔti aani kalɛ kani na amii lɛnɔ bɛɛbla.

Kɔgya 14:4

Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi?

Korintoƒuɔ 2 8:3

Béte bekyuli ala kalɛ na bakana. Na mɔɔsu-mii geen ka béte bétulo kalɛ bebo muedi na ama alati bɔyɔ kemmo.

Batalane Kabla 21:28

Na bákya baava taasu banini, “Israelƒuɔ banana, bibebunku-bu o-o! Ɔnana ɔmɛni nkɛ mɔɔsu bekyuli ƒui taavi na kesi kesii ku mɛni lɛnɔ ɔnii batadi bula Yudaƒuɔ ɔda bubo lɛlɔ. Na lɛnɔ ni, uuti Grikiƒuɔ teeduoku Yudaƒuɔ kakpakɔ ɔni mɔɔtina ka bula Yudaƒuɔ kakpakɔ kammɔ keesé lɛlɔ!”

Galatiƒuɔ 4:15

Wɛ na lɛlɔyɔ lɛni náƒɔ-mii lɛlɔ kemmo mmɔ ƒui lɛ́vi? Lɛla lɛni lɛlɔ na ami ɔlati muedi lɛkana na lidie-mii kenye ka nka bɛkana bɛkpa bina anumi ani na bɛda bɛɛnu muedi bite-mi.

Koloseƒuɔ 4:13

Ami ɔlati muudie-nwu kenye ka ɔ́bla kabla kpakplaa úte-mii ku bani nkya Laodikea ku Hierapoli.

Batalane Kabla 22:22

Amu na uwi ɔmɛni ƒui ni, bekyuli bamɛni benye kpoo beenú-nwu litemi. Nsu uwi ɔni na ɔ́su lɛla likplodi lɛmɛni ni, bana ƒui báva momoomo básu banini, “Aa! Bɛyila-nwu udu! Bɛtɔlɔku-nwu ƒui!”

Yesaia 27:1

Na kɔnyi limeyi lɛmmɔ lɛlɔ ni, Unwoti ɔdubo ku nwuna kewii bonwu kani mbo ɔkplu na kebo ɔbi yayaaya, na ɔni bayikune bani ntulo ƒui mmɔ kɔtu. Ada bonwu ɔni muukeli, na ɔɔkono lɛlɔ taatu teetéwi, ku liƒu kebweyi bonwu kani na ɛpu kemmo, na badi bayikune mmɔ na ɔdubo bɔdu ƒui.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Romaƒuɔ 10:1

Mina banwa, ɔdi mina bɔyɔ bɔni nási-mi kayi kemmo ku mina katɔ bɔkpali kemmo ka Yudaƒuɔ bakɛ bɔƒɔ.