Romaƒuɔ 1:30 - Katɔti Ɔku Kedee

³⁰ Na beetemi enyekpi na bana bakpana lɛlɔ. Badi bekyuli bani muukisi Katɔti. Beedumi lɛlɔ, na baatina lɛlɔ, na baakun lɛmɛnɛ. Na baawia likpidi lilu lɛbambadi pii. Na balábu bana bawɔne.

Romaƒuɔ 1:30 Referans Kwoze

Timoteo 2 3:2

Bekyuli badubɔyɔ bana lɛlɔ lɛti bɔdia na bayɔ egulabi. Badubo lɛmɛnɛ butaakun na bataatalaku lɛlɔ katɔ. Ama ndi bekyuli bani muudumi bekyuli, ku bani naaabu bana bawɔne. Na belese kɔdɛ, ku bekyuli bani naaasiaku bɔƒɔtaadi bɔmmɔ kama.

Yuda 1:16

Bekyuli bamɛni baadɔ na bana lɛlɔ kemmo. Na beedie bekyuli bamba bɔƒiɔ. Baakun lɛlɔ lɛmɛnɛ, na bekyuli bamba ala alaƒɔ-ma anu amu ntu uwi ɔni na bákɛ-ma lɛlɔ kɔsia kani. Bana likyulikpi ala ani mɔɔda-ma ɔkwɛ kani na baabla uwi biala.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Yakobo 4:16

Nsu ɔƒaani ni, bɛɛtina lɛlɔ na bɛɛkun lɛmɛnɛ lɛnɔ. Na lɛmɛnɛ bɔkun biala bɔɔɔdia.

Yakobo 3:5

Lɛni kani na unyemi lɛnɔ use. Ina ka use blii suɛ na ɔlɔna ekpo ƒui akɔ ni, anwu na ukyuli uuti taakun lɛmɛnɛ na ala ebendi lɛlɔ. Nu kalɛ na lɛku líbomo, nsu lɛgyakpabi lɛɛkana na lɛɛkyula-ni.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Tesalonikaƒuɔ 2 2:4

Na ɔdubɔta unye utile kɔyu ɔyikun biala ulu na ɔtina ka anwu lɛti ndi ayu ƒui utulone. Na ɔdubo bɔta muedi butélie Katɔti kakpakɔ na ɔbla lɛlɔ aani anwu ndi Katɔti ɔmmɔ.

Korintoƒuɔ 2 10:15

Anwuɔsu bulákun lɛmɛnɛ na ukyuli bamba kabla lɛlɔ ɔni na ɔɔɔdi bula ekpo ani na Katɔti úte-bu. Mmomu bula anu asia ka bina bɔƒɔtaadi bɔkɔ katɔ bubu kalɛ na bɔkana na bɔbla ala enengudi na bina akɔ na kesii kani na Katɔti úte-bu kabla.

Romaƒuɔ 3:27

Na bi lɛlɔ na bɔdubɔkana lɛmɛnɛ bɔkun ka ani na bɔ́bla asa na bɔ́kɛ bɔƒɔ? Ku lɛla! Ɔsika ukyuli ulábla siin ka ɔɔdi ɔda bubo bɔmmɔ lɛlɔ ɔsu. Mmomu ɔkɛnku bɔƒɔtaadi lɛlɔ kani na Katɔti ɔɔklibi abu ku-nwu ntɛ.

Romaƒuɔ 2:23

Bɛda Katɔti ɔda bubo bɛɛkun lɛmɛnɛ, nsu bɛɛɛgyi ka kɔƒa kuukpó Katɔti ka biládi ɔda bubo bɔmmɔ lɛlɔ ɔsu?

Romaƒuɔ 2:17

Na amii bani mɔɔsu bɛnii bɛdi Yudaƒuɔ ni, bíti lɛlɔ bíkpo Mose ɔda bubo lɛlɔ, na bɛɛkun lɛmɛnɛ ka bibo kɔna ku Katɔti.

Batalane Kabla 5:36

Uwi ɔdi nábavi ni, ɔnana ɔdi ɔ́kya ɔni na baalɔ Teuda ɔni nábla lɛlɔ aani si ukyuli unengudi ɔdi na ɔdi. Nkyuli eti maane básiaku-nwu kama. Amu ka bádu-nwu ni, nwuna kama basiakune bamɛni bégyingya na nwuna kasala kammɔ káyii udu.

Luka 21:16

Bina bawɔne ku banwani bananabi ku bina lɛlɔ bekyuli ku bina bakpana ndubo-mii buti bute. Na badubɔdu bina badi.

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Mateo 15:4

Katɔti ɔnini, ‘Bu ƒula ɔti ku ƒula uni. Na ukyuli ɔni mɔɔlɔ ɔti iye uni lɛnyikpi lɛdi ni, ɔlɛka badu-nwu.’

Esekiel 22:7

Bina akɔ ɔdi biala ulabu nwuna bawɔne. Na bɛɛnya bekyuli bani ndi baƒɔ lɛnɔ taakyaku bekpinebi ku bekpinele.

Etemila 7:29

Lɛla linwi nábla-mi nwaa ƒui ndi ka Katɔti ɔ́bla-bu na nka bɔdi bekyuli siin, nsu búbavumana kasusu bɔ́sia ala bamba pii lɛlɔ na búƒu bula kasusu.”

Agba 30:17

“Anumi ani mɔɔnu ɔti ɔnusɛ teedumi na ulánu ɔnii ɔ́manku ka unu uni litemi ni, baasɛ bekpidi bani nkya kɔwɛ kemmo ndubo bebedie-ma anumi na livuo kemmo na begbini baduli-ma bebweli ƒui.

Agba 25:23

Kalɛ na ɔƒɛƒɛɛ ɔni muukpó taasi katɔ taayu uuboku ɔnantu ni, lɛni kani na katɛ ɔtɛne keeke ɔɔkya ukyuli kɔnyi.

Agba 8:36

Nsu bekyuli bani na báyii ulu na bátanu-mi ni, bábla lɛlɔ kalala. Na bani muukisi-mi ni, bati ka kukpi na baayɔ́.”

Kɔgya 106:39

Na bana ɔbladu ɔmmɔ ɔsu ama alati lɛnɔ beesé lɛlɔ. Na ɔmɛni ɔ́tina ka bálɛ Katɔti kama.

Kɔgya 99:8

O Unwoti, bula Katɔti, uwi ɔni na ƒula kadi bekyuli bábla likpidi ni, áni-ma kɔtu nsu ka bákpali-ɔ ni, énu na éti bana ekpidi ákyiɛ-ma.

Kɔgya 97:7

Ɔ́ya na kɔƒa kuukpó bani ƒui mɔɔkun lɛmɛnɛ na baakpá baƒiɔ. Amii baƒiɔ bammɔ ƒui, bɛkya lili kalɔ bite Unwoti.

Kɔgya 94:4

Enyekpi kani na baatɛmi uwi ndi uwi na baakun lɛmɛnɛ na bana likyulikpi ala ani na baabla lɛlɔ.

Kɔgya 81:15

Na bani muukisi-mi ƒui badubɔkya lili kalɔ bete-mi na bataayia-mi na bana kɔtu bɔni lɛnɔ buse bute-ma uwi ƒui.

Kɔgya 52:1

Bakantankpine benengudi, bilie bɛɛkun lɛmɛnɛ na likpidi lɛlɔ. Nsu Katɔti ɔda nwuna bekyuli ɔkɛnku nwuna bɔyɔ bɔni naaavumana kudii lɛlɔ.

Kɔgya 49:6

Kayawi lɛkɛ lɛlɔ na bana anu asia na baakun lɛmɛnɛ na ala pii ani na bebo ɔsu.

Ala Alɛdi 2 25:19

Amasia, aanu lɛlɔ ka ebo ɔyikun geen ka ékpo ádi Edomƒuɔ lɛlɔ ɔsu. Sɔ lie ƒula ɔma na ataakɛ ƒula kubiti. Bi ɔsu na aawia lɛlɔ lɛsɛ na adubo bɔya na awɔ ku ƒula Yuda lɛgakadikɔ ƒui bɛyii ku udu?”

Ala Alɛdi 2 19:2

Nsu Hanani ubidi ɔnanabi ɔni ndi Kenye Udiene Yuhu úbasiaku-nwu na ulu lɛlɔ na ɔ́su-nwu ɔnini, “Na kebunku kani na éte Ahab ɔlalane ɔmmɔ ɔsu ni, éti lɛlɔ énwini ukyuli ɔni muukisi Unwoti ɔkpana. Anwuɔsu Unwoti úti kɔnyi ɔ́kya-a!

Baga 1 20:11

Mmɔ na Ɔga Ahab lɛnɔ úti kenye úmene ɔnini, “Bɛsu Ɔga Ben-Hadad bɛnii ukyuli ɔni mɔɔkya kekpo awu ni, ulákun lɛmɛne teetulo ukyuli ɔni muudie kekpo awu.”

Lɛkpa Ulu 27:16

‘Ewida asiaku ukyuli ɔni naaabu ɔti iye uni.’ Na ɔlɛka bekyuli ƒui batuna banii, ‘Ɔsia lɛni.’

Lɛkpa Ulu 7:10

Nsu bani muukisi-nwu ni, ulenye taanu-ma gyɔlɔɔ mmomu uudie taalɛ-ma anumi ku anumi na ɔyila-ma udu kɔnakunwi.

Bumomo Bɔka 10:35

Na uwi biala na Bunyimi Adaka ɔmmɔ ɔdubo bɔgyu ni, Mose uudie kudu kɔmɛni, “Unwoti ta! Na ƒula bekisine begyingya. Na aya na bani muukisi-ɔ bekeli na ƒula anumi.”

Yohane 7:7

Kayawi kalakana amii bukisi. Nsu keekisi ami, ɔsika muudie taasu kede kede ka bayawine ablala adi likpidi.

Kɔgya 10:3

Ukyuli ukpidi ɔɔkun lɛmɛnɛ na ala ani na ɔɔwia lɛlɔ. Na ukyuli ɔni muugyele anumi taasia lilu likpidi lɛlɔ taaƒɔ bekyuli ala ni, uuwida Unwoti na uuní-nwu.

Kɔgya 5:5

Na bekyuli bani mɔɔkun lɛmɛnɛ ni, alawia-ma alanu. Na ekisi bekyuli bani mɔɔbla likpidi.

Agba 24:8

Ukyuli ɔni muulie taabla likpidi kasusu ni, lɛsɛ ɔkyane lɛnyi na ɔɔƒɔ́.

Korintoƒuɔ 2 12:20

Mɔɔyia ka si líbo mmɔ ni, ndububo mbanu ka bɛ́vumana kalɛ na mɔɔwia-mii lɛnu. Na lɛni kani na amii lɛnɔ bɛdubɔnu ka lɛ́vumana kalɛ na amii lɛnɔ bɛɛwia ka bɛnu. Mɔɔyia ka ndububo mbanu ka bɛɛdɔ, na bɛɛbla lɛnungyie likpidi, na biiti kɔnyi taakya lɛlɔ, na bɛɛwia kalɛ na ɔdia ute amii lɛti pɛ, na biidumi lɛlɔ, na bɛɛlɔ lɛlɔ anyikpi, na bɛɛtalaku lɛlɔ katɔ, na biiƒú na lɛla biala kemmo.

Esekiel 14:5

Na si bénu-mi kenye kamɛni ni, ɔƒɛni kalɛ badubo kasusu bɔsɔku bɔbla na bada baƒiɔ bammɔ bɔkpa baya na benwini bebo-mi kudɔ.’