Romaƒuɔ 1:21 - Katɔti Ɔku Kedee

²¹ Ɔsika ina ka bekyuli bagyi Katɔti ni, beléte-nwu ɔbu ɔni námanku-nwu aani Katɔti kalɛ. Na balagya-nwu enu lɛnɔ. Mmomu bana kasusu kéƒu na baabla adɔlɔla. Na lɛdisa lɛ́ƒɔ-ma.

Romaƒuɔ 1:21 Referans Kwoze

Baga 2 17:15

Béni nwuna ɔda bubo, na bátadi bunyimi bɔni na únyimiku bana bati kuuku lɛlɔ ku kalɛ na ɔ́lɛ-ma kpakplaa mmɔ lɛlɔ. Na basia baakpá baƒiɔ bani neeebo kɔsia. Ɔmmɔ ɔsu ama lɛnɔ bátalɛ kɔsia kɔdi. Na básiaku kadi bamba bekyuli bani náka bámana-ma baatɛya bana ablala ina ka Unwoti ɔ́su-ma ɔnini, “Bitabla ala ani na baabla.” Nsu ala ani lɛlɔ geen na Unwoti úbo-ma ɔda ka batabla ni, anya basia baabla.

Yeremia 2:5

Lɛni na ami Unwoti muuye-mii nnini, “Bi likpidi na bina bati kuuku bánu-mi lɛlɔ ɔsu na bénwini-mi kama na bésie basiaku ala bamba ani neeebo kɔsia ɔsu na ama alati lɛnɔ básɔ beeebo-mi kɔsia kɔdi?

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Timoteo 2 3:2

Bekyuli badubɔyɔ bana lɛlɔ lɛti bɔdia na bayɔ egulabi. Badubo lɛmɛnɛ butaakun na bataatalaku lɛlɔ katɔ. Ama ndi bekyuli bani muudumi bekyuli, ku bani naaabu bana bawɔne. Na belese kɔdɛ, ku bekyuli bani naaasiaku bɔƒɔtaadi bɔmmɔ kama.

Budie Taatina 14:7

Ɔ́su ku lɛdi bonwu ɔnini, “Bɛbu Katɔti na bɛkɔliku-nwu lɛnyi katɔ! Ɔsika nwuna uwi údu ka ɔtɛku bayawine ƒui litemi. Bimwi anwu ɔni nábla katɔ ku kalɔ ku ɛpu ku ntukpa ƒui!”

Yohane 3:19

Lɛla lɛni ɔsu na ɔ́du-ma kɔtɔ ndi ka bukeye bɔ́si katɔ búbo kayawi, nsu bekyuli báyɔ lɛdisa bétulo bukeye bɔmmɔ. Ɔsika bana ablala adi likyulikpi ala.

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Kɔgya 81:12

Ɔmmɔ ɔsu lídie-ma atu na baabla bana likyulikpi ala ani baayɔ́.

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Romaƒuɔ 11:10

Na ɔya na bana anumi abwɛ na batanu lɛla lɛdi batati, na ɔya na bana lɛbibo linwini etila asia-ma lɛlɔ uwi biala.”

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Romaƒuɔ 1:19

Uuti kɔnyi ɔsika bekyuli baanu Katɔti ala ani na ɔ́bla ƒui nwaa. Na Katɔti ɔlati nédie-nya nwaa ɔ́tina-ma.

Romaƒuɔ 15:9

Na Katɔti kenye kammɔ kadubɔya na bekyuli bani naaadi Yudaƒuɔ lɛnɔ bemwi Katɔti na nwuna kɔnyana bɔnu ɔsu. Katɔti kenye udiene ɔdi ɔ́su Katɔti na Bunweni Kedee Ɔku kemmo ɔnii, “Ɔmɛni ɔsu ndubumwi-ɔ na bekyuli bani naaadi Yudaƒuɔ akɔ. Na ndubudie bɔƒɔtaadi lɛnu limwi ƒula lɛnyi.”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Yesaia 60:2

Kalɔ lɛlɔ ƒui ku kana kadi bekyuli ƒui báƒɔ lɛlɔ bakya lɛdisa kemmo, nsu amii ni, Unwoti úbo-mii kudɔ, na nwuna bukeye búbewi-mii lɛlɔ.

Kɔgya 86:9

Kadi bekyuli bani ƒui na édie badubo babalɛ akɔnkɔ kalɔ bakpa-a batina kalɛ na eekeye.

Petro 1 1:18

Ɔsika bɛgyi ka kayu kani na Katɔti ɔ́ƒɔ na bina lili asa na údie-mii ɔ́lɛku ngba bukpidi bɔni na bɛ́ƒɔ bɛ́siku bina bati kuuku kudɔ ni, ɔɔɔdi sika ugyiedi iye ɔƒualadi ɔni muutili na ɔdi.

Etemila 7:29

Lɛla linwi nábla-mi nwaa ƒui ndi ka Katɔti ɔ́bla-bu na nka bɔdi bekyuli siin, nsu búbavumana kasusu bɔ́sia ala bamba pii lɛlɔ na búƒu bula kasusu.”

Lɛkpa Ulu 28:29

Na ɔƒiiwi bɛduti bina enu bitaawia ala taanɔ aani banumbwɛne kalɛ. Na lɛla biala bɛdubɔbla limeyi ndi limeyi ni, lilatɛ lilete-mii. Bɛdubo abi bubo na bekyuli beteekpeli bina ala taaƒɔ, nsu ukyuli biala uuubo na ukpo ute-mii.

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Ala Kalɔ Buse 6:5

Unwoti ɔ́nu kalɛ na ukyuli likyulikpi lɛ́ƒɔ kalɔ lɛlɔ. Na likpidi kasusu kani na ukyuli uuti uwi biala.

Baga 1 20:23

Amu na Siriaƒuɔ ɔga benengu básu-nwu banini, “Israelƒuɔ Katɔti ni, abi eli katɔti na ɔdi. Ɔmmɔ ɔsu na bákana-bu lɛlɔ bɔ́di. Nsu si búsie butékpoku-ma na kalɔ ƒiaa lɛlɔ ni, ina dɛ bɔdubɔdi-ma lɛlɔ.

Yeremia 9:14

Bábla atuɔkplu na bakya baakpá Baal baƒiɔ aani kalɛ na bana bati kuuku bábla.

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Esekiel 20:25

Líte-ma ɔda bubo kpakplaa bɔni ndanku kɔtu bɔni na lɛla lɛni nebunku-ma na bakɛ ngba kenye.

Esekiel 14:5

Na si bénu-mi kenye kamɛni ni, ɔƒɛni kalɛ badubo kasusu bɔsɔku bɔbla na bada baƒiɔ bammɔ bɔkpa baya na benwini bebo-mi kudɔ.’