Kɔgya 99:8 - Katɔti Ɔku Kedee

⁸ O Unwoti, bula Katɔti, uwi ɔni na ƒula kadi bekyuli bábla likpidi ni, áni-ma kɔtu nsu ka bákpali-ɔ ni, énu na éti bana ekpidi ákyiɛ-ma.

Kɔgya 99:8 Referans Kwoze

Bumomo Bɔka 20:12

Nsu Unwoti ɔ́su Mose ku Aaron ɔnini, “Ka bitaƒɔ-mi bítadi geen na bite-mi ɔbu ka nse kedee na Israelƒuɔ bammɔ anumi ɔsu ni, bɛsɔ bɛɛɛdubo bekyuli bammɔ bɔkpanku busienku kalɔ kani lɛ́su ka ndubo-ma bute kemmo.”

Kɔgya 89:33

Nsu lɛɛɛdubo-ma bɔda bɔyɔ bɔya na lɛɛɛdubo mina litemi kama bɔlɛ lɛnɔ kudii.

Yeremia 46:28

Anwuɔsu bɛsɔ bitayia ina bɛ́manku ka bani-mii kɔtɔ na bégyingya-mii bákya baƒɔ kɔlɔ lɛnɔ lɛlɔ ɔƒɛni. Nsu si uwi ɔni na lɛ́yila-ma udu ni, ndubo-mii bɔgyumana. Ami Unwoti násu.”

Etemila 7:29

Lɛla linwi nábla-mi nwaa ƒui ndi ka Katɔti ɔ́bla-bu na nka bɔdi bekyuli siin, nsu búbavumana kasusu bɔ́sia ala bamba pii lɛlɔ na búƒu bula kasusu.”

Romaƒuɔ 1:21

Ɔsika ina ka bekyuli bagyi Katɔti ni, beléte-nwu ɔbu ɔni námanku-nwu aani Katɔti kalɛ. Na balagya-nwu enu lɛnɔ. Mmomu bana kasusu kéƒu na baabla adɔlɔla. Na lɛdisa lɛ́ƒɔ-ma.

Seƒania 3:7

Katɔti ɔ́bla kasusu ka Yerusalem ɔdubɔtɛya kalɛ na babu-nwu na beteenu-nwu litemi na ɔda ɔma ɔmmɔ kɔtu bɔni ɔya na ulayila-ma udu uledie mmɔ. Nsu likpidi bɔbla atu kani na beesé na mmɔ.

Lɛkpa Ulu 3:26

Nsu ɔ́si amii ɔsu ni, Katɔti úti kɔnyi ɔ́kya-mi na útakpete-mi. Mmomu úbo-mi ɔda ɔnini, “Da bɔtɛmi ya! Takpali-mi na ɔmmɔ lɛlɔ lɛnɔ!

Bumomo Bɔka 20:24

“Aaron ɔdubusie utánwuna ku nwuna bati. Na ɔɔɔdubo buduo kalɔ kani líti muute Israelƒuɔ mmɔ kemmo, ɔsika awɔ Mose ku Aaron bɛ́ta binye mina ɔda bubo lɛlɔ na Meriba Ketudɔ.

Israelƒuɔ Bɔlɛ 32:2

Amu na Aaron ɔ́su-ma ɔnini, “Bidie sika ugyiedi asɛɛ ani na bina bebi bananabi ku belekubi ku bina beleku bakya biboku-mi.”

Israelƒuɔ Bɔlɛ 34:7

Mɔɔdi mina kenye kani líse líte kaba bekyuli apim apim lɛlɔ na muuti bekyuli bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.”

Samuel 2 12:14

Nsu ka lɛla lɛni na ábla ɔsu áya na Unwoti bekisine baasu ala teewi-nwu lɛlɔ na basɔ balánu-nwu taabu ɔsu ni, ubi ɔni na báwɔ béte-ɔ mmɔ ɔdubo bukpi.”

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.