Kɔgya 92:4 - Katɔti Ɔku Kedee

⁴ O Unwoti, áya na lɛlɔ lɛɛyɔ́-mi na ƒula ablala ebendi ɔsu. Na anya ɔsu na muudie ebiti lɛnu.

Kɔgya 92:4 Referans Kwoze

Korintoƒuɔ 2 2:14

Nsu ni, bɔ́gya Katɔti enu! Na bula unwi bɔbla ku Kristo ni, Katɔti ɔɔtɔnku-bu uwi biala na bɔkɛ bekyuli bani muusié taavi na Kristo lɛlɔ bɔdi kemmo. Na Katɔti ɔsia-bu lɛlɔ na udie Kristo ɔtina kayawi ƒui aani kalɛ na ɔnyi ƒɛƒɛɛ ɔɔƒɔ́ likpo lɛdi ƒui.

Kɔgya 8:6

Na áya na ɔɔdi ala ani ƒui na édie lɛlɔ. Na éti ala ammɔ ƒui ákya-nwu lɛgba kalɔ.

Luka 1:47

Na lɛlɔ lɛɛyɔ́ mina kɔyu na Katɔti ɔni ndi mina Ɔƒɔne lɛlɔ.

Kɔgya 126:3

Sɔsɔ na ɔdi ka Unwoti ɔ́bla ala bonwu úte-bu, ɔmmɔ ɔsu na lɛlɔ lɛɛyɔ́-bu.

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”

Kɔgya 143:5

Lɛ́kali lɛ́nu uwi ɔni návi na líduo lɛlɔ kemmo lísie ɔgyu na lɛ́nu akɔla ala budie taatina ani na ƒula enu ábla.

Yeremia 31:7

Unwoti ɔnini, “Amii kadi bekyuli bani náƒɔ kuye bitulo ƒui, lɛlɔ lɛyɔ-mii na bɛtɔ ku ebiti. Bibo kudu ku bina bumwi akpala na bɛsu bɛnini, ‘Unwoti bo, na ebedie ƒula kadi bekyuli Israelƒuɔ bani nébu!’

Kɔgya 104:31

Buuvele bɔnii Unwoti uteekeye uwi ƒui. Na lɛlɔ lɛyɔ-nwu na ala ani ƒui na údie lɛlɔ.

Kɔgya 90:16

Ya na abu ƒula kabla bablane bɔnu ƒula akɔla ala budie taatina na bula akɔ. Na bula bawɔ banu kalɛ na ebo ɔyikun na eekeye.

Kɔgya 64:10

Amii bani nsiaku Unwoti kama siin ni, lɛlɔ lɛyɔ-mii na Unwoti lɛlɔ na bikeli bɛtamiku-nwu na bimwi-nwu.

Kɔgya 104:34

Mbo lɛnunsia ka mina kasusu kani muuti kadubɔƒɔ-nwu anu. Ɔsika Unwoti mɔɔyá na mɔɔkɛ́ lɛlɔyɔ.

Kɔgya 33:2

Bimwi Unwoti ku bina lɛbentaa. Na bɛgya asiwa na bidie lɛnu bimwi Unwoti.