Kɔgya 92:2 - Katɔti Ɔku Kedee

² Na ɔdia ka buteebo-ɔ kudu ɔtanta biala, kalɛ na aayɔ́-bu uwi ndi uwi. Na usien ni, bɔkɔ lɛsa lɛnɔ kalɛ na asia ƒula litemi kama.

Kɔgya 92:2 Referans Kwoze

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Kɔgya 42:8

Nsu muuvele nnii Unwoti ɔbla-mi lɛƒɔndia limeyi limodi kemmo kalɛ na usien ni, lɛtu kɔgya lite-nwu. Na anwu na ndubɔkɔliku mina enu katɔ lɛkpali, ɔsika anwu muute-mi ngba.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.

Kɔgya 71:15

Ndubɔka lɛsu bekyuli mina ngba emeyi kemmo ƒui kalɛ na aabla ala siin na aaƒɔ́ bekyuli na lɛƒɔndia lɛmmɔ liiibo lɛkala.

Kɔgya 145:2

Limeyi ndi limeyi ndubumwi-ɔ lɛnyi na lɛtalaku ƒula lɛnyi katɔ uwi ndi uwi.

Hiob 35:10

Nsu si uwi ɔni na Katɔti údie-ma ɔ́lɛku bana lɛbibo lɛmmɔ kemmo ɔ́wɔlɔ ni, basɔ belényimo teeye banii wɛ na bana Udiene ɔmmɔ ɔkya,

Kɔgya 77:2

Uwi ɔni na muubó abi ni, lɛ́kpali-nwu. Na usien umodi ƒui lɛ́kɔliku enu katɔ na mɔɔkpali-nwu, na neeete kuƒi kɔdi.

Ala Alɛdi 1 25:1

Ɔmmɔ kama ni, Dawid ku kakpakɔ benengu bammɔ báƒuna Asaƒ ku Heman ku Yedutum kaba kemmo bebi ka benye lɛnu ku agyala ala kenye. Na ama ndubo Unwoti buteemwi ku bana agyala ani ndi enukpɛ agyala ku lɛbentaa lidu ƒui. Na lɛnu bɔtu ku bagyane bammɔ anyi ndubo mɛni ku bana kabla lidu.

Kɔgya 9:3

Mina bekisine beekeli si áda álɛ. Na balákana-a bunye bɔsiaku, mmomu baayii udu.

Kɔgya 101:1

O Unwoti! Ndubudie ɔnu limwi-ɔ na kalɛ na aayɔ́-bu uwi ndi uwi na aatɛ litemi ulu siin lɛlɔ ɔsu.

Kɔgya 147:1

Bɛya na bumwi Unwoti! Ɔsika ɔdia ka bumwi bula Katɔti. Ɔdi lɛla lɛbuni, na ɔ́manku lɛnɔ.