Kɔgya 92:1 - Katɔti Ɔku Kedee

¹ Ɔdia ka butaagya awɔ Katɔti enu na budie lɛnu bumwi awɔ Unwoti Ɔyikune Ƒui.

Kɔgya 92:1 Referans Kwoze

Kɔgya 147:1

Bɛya na bumwi Unwoti! Ɔsika ɔdia ka bumwi bula Katɔti. Ɔdi lɛla lɛbuni, na ɔ́manku lɛnɔ.

Kɔgya 107:1

Bɛgya Unwoti enu, ɔsika ɔdia na ɔɔyɔ́-bu uwi ndi uwi.

Eƒesoƒuɔ 5:19

Na biti Bunweni Kedee Ɔku kemmo lɛnu etemila bɛtɛmiku lɛlɔ, na bidie bɔƒɔtaadi lɛnu ku lɛnu lɛni ndanku Katɔti Kɔyu ala. Bɛtu lɛnu ku agyala biti bimwi Blɔti na bina kayi kemmo.

Kɔgya 135:3

Bimwi Unwoti, ɔsika ɔdia. Bidie lɛnu bimwi-nwu lɛnyi, ɔsika ubo lɛƒɔndia.

Kɔgya 33:1

Amii bani nsiaku-nwu kama siin bibo lɛlɔyɔ kudu na bɛsu lɛla lɛni na Unwoti ɔ́bla úte-mii. Na amii bani muunú-nwu litemi ni, bimwi-nwu lɛnyi.

Kɔgya 73:28

Nsu ami ni, ɔdia ute-mi geen ka lɛ́ni líde Katɔti. Na ndubɔkɛ katamikukɔ na Ɔyikune Ƒui Katɔti kudɔ. Na libo ala ani ƒui na ɔ́bla kudu lite bekyuli.

Kɔgya 107:8

Ɔdi ka bekyuli bamɛni ƒui bágya Unwoti enu, ɔsika ɔ́yɔ-ma na ɔ́bla ala ebendi úte-ma.

Kɔgya 52:9

Ndubumwi-ɔ uwi biala ɔ́si lɛla lɛni na ábla ɔsu. Ƒula lɛlɔ mina anu adubɔsia uwi ƒui. Ɔsika bekyuli baalɔ-ɔ lɛnyi buni. Na ndubumwi-ɔ na kesi kesii na ƒula bekyuli akɔ.

Daniel 5:18

“Ati, Katɔti Ɔni Ntulo Ƒui ɔ́bla na ƒ'ɔti únwini ɔyikune geen na ɔ́ƒɔ lɛnyi na ɔ́ya na bekyuli baabu-nwu na uukeye lɛnɔ.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Kɔgya 107:15

Ɔdi ka bekyuli bamɛni ƒui bágya Unwoti enu, ɔsika ɔ́yɔ-ma na ɔ́bla ala ebendi úte-ma.

Kɔgya 54:6

Unwoti ndubuti kaƒɔ ƒaa etela liboku-ɔ. Na ndubunwi-ɔ lɛnyi, ɔsika adia geen.

Kɔgya 92:8

Ɔsika awɔ Unwoti ƒula lɛnyi lɛ́kɔ katɔ úsela uwi ƒui.

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Kɔgya 82:6

“Lɛ́ɛsu-mii nnini, ‘Bise aani Katɔti na bina ƒui bɛdi ami Ɔyikune Ƒui bebi.’

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Hebriƒuɔ 4:9

Ɔmɛni ɔsu na lɛnwunameyi lɛmu lise lite Katɔti bekyuli.