Kɔgya 9:9 - Katɔti Ɔku Kedee

⁹ Unwoti ɔdi katamikukɔ ute bekyuli bani lɛlɔ na bekyuli bamba baadi kpakplaa. Na anwu ndi kama kekpokɔ ute bani na ala eekpóku.

Kɔgya 9:9 Referans Kwoze

Agba 18:10

Unwoti lɛnyi lɛdi lɛtakpɛ bonwu lɛni na ukyuli ukpo kama. Na nwuna kudɔ na bekyuli babuni beekeli teesie na baakɛ́ bɔƒɔ.

Nahum 1:7

Unwoti ɔdia, na ɔɔgyumana bekyuli bani néti bana anu básia-nwu lɛlɔ, na uudie-ma na lɛbibo uwi.

Kɔgya 32:7

Awɔ ndi mina kabɛkɔ. Na adubɔgyumana-mi na ɔgbankpi uwi. Na ndubudie lɛnu lɛtina kalɛ na éti áƒɔ-mi.

Kɔgya 46:1

Unwoti ndi bula katamikukɔ na anwu muute-bu ɔyikun. Unye-bu kudɔ uubunku-bu uwi ndi uwi na ala ani muukpóku-bu ƒui kemmo.

Kɔgya 62:8

Amii bekyuli ƒui, biti bina kayi ƒui bɛsia Katɔti lɛlɔ uwi biala. Na biteevele-nwu ala ani ƒui na bɛɛyaki. Ɔsika Katɔti ɔdi katamikukɔ.

Kɔgya 37:39

Bekyuli bani nsiaku Unwoti kama siin ni, Unwoti Katɔti ɔlati mɔɔgyumana-ma na anwu kani na baatámiku si ala eekpóku-ma.

Kɔgya 18:2

Unwoti unye ute-mi aani lɛtakpɛ ku katamikukɔ kani lɛlɔ na líkpo kama. Ɔɔgyumana-mi aani ukyuli ɔni muunye teetile-mi na ɔɔƒɔ́-mi na ɔɔyá na mɔɔkɛ́ ɔyikun.

Luka 13:34

“Yerusalem, Yerusalem! Awɔ mɔɔdú Katɔti kenye bediene, na awɔ muubó Katɔti batalane bani na ɔ́tala ɔ́kya-a atabi. Kɔlɛ kɔlɛ sɔɔn mɛni ka líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ.

Yesaia 8:14

na ɔdubɔbla katamikukɔ nsu na Israel lɛgakɔdikɔ inyɔ bɔmmɔ ƒui akɔ ni, ɔdubunwini lɛtabi lɛni na bekyuli badubutulo, na ani kani na ndubɔya na begyiile bebuli. Na Yerusalem kadi bekyuli ama ni, ɔdubunwini kakpagyuɛ ku kamia ute-ma.

Kɔgya 50:15

Na si bɛ́bla ɔmɛni na bɛ́kpali-mi na ɔgbankpi ɔdi uwi ni, ndubɔtuna bute-mii, na bɛya na mina lɛnyi lɛƒɔ kuye.

Kɔgya 46:7

Unwoti Katɔti Ɔyikune Ƒui ɔsiaku-bu. Anwu ɔni na bula Nana Yakob ɔ́kpa ndi bula katamikukɔ.

Kɔgya 20:1

Unwoti Katɔti ɔni na bula nana Yakob ɔ́kpa unu ƒula bɔkpali na ɔgbankpi limeyi na ɔgyumana-a.

Lɛkpa Ulu 33:27

Na Katɔti kani muukpó bina kekpo ƒui teete-mii. Na nwuna enubɔ mɔɔyá na bulayia. Na anwu mɔɔgyú taatɔ teetékpo taadi bina bekisine lɛlɔ. Na ɔ́su-mii ɔnini, ‘Biteesie! Na bitayia-ma!’

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.

Yesaia 32:2

Na badubunwini kabɛkɔ bete bekyuli si uwi ɔni na ɔƒɛƒɛɛ kpakplaa uukpó. Na badubunwini libiɔ bete bekyuli na kalɔ kakwiidi kemmo ku lɛtakpɛ lɛni ndubɔkya bekyuli ɔyuli si ɔƒɛ ɔɔbi.

Kɔgya 108:12

Buvele kpo-ma te-bu, ɔsika ukyuli ɔyawine kebunku keeebo kɔsia kɔdi.

Kɔgya 142:4

Si lɛ́nu lɛ́mana ni, mɔɔnu ka ukyuli ɔdi uuubo na ute-mi kebunku kadi. Ɔmmɔ ɔsu ńtakɛ katamikukɔ kadi. Na ukyuli ɔdi lɛnɔ ɔɔɔdaku mina ngba lɛda.

Kɔgya 48:3

Katɔti ɔ́tina ka nwuna kaduli kadi katamikɔ kabuni geen kesii kani na ɔdubɔgyumana-bu.

Ala Alɛdi 1 16:33

Na egyii ammɔ adubudie lɛnu ebo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ.

Kɔgya 7:9

Awɔ ndi Unwoti Katɔti ɔni nse siin na agyi bula lili kemmo kakali ku bula kayi kemmo ayɔla ƒui. Nye tile alaekpidi bablane ala bɔbla ulu! Na ada bekyuli bani nsiaku-ɔ kama siin na benye kpakplaa.

Kɔgya 67:5

Ya na bekyuli bakpali-ɔ lɛnyi bemwi. O Katɔti, ya na kadi ƒui bemwi-ɔ.

Kɔgya 96:10

Na bɛsu na kadi ƒui bekyuli akɔ bɛnini, “Unwoti Katɔti mɔɔdi lɛga.” Na kalɔ kemodi kammɔ kenye kana lɛgba lɛlɔ kpi na kalákunku kudii. Ɔdubɔtɛku bekyuli ƒui litemi na ulu siin lɛlɔ.

Kɔgya 98:9

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛlɔ ɔtɛ litemi lɛmmɔ.