Kɔgya 9:5 - Katɔti Ɔku Kedee

⁵ Ádu kadi bamba bekyuli ƒui kɔtɔ na áyila bani na bebo kalala udu. Na áya na bana anyi álɛ bekyuli ƒui kasusu kemmo úsela uwi ƒui.

Kɔgya 9:5 Referans Kwoze

Agba 10:7

Bekyuli kasusu kaasia bekyuli babuni lɛlɔ, nsu balalane anyi muedi aayii kede kede.

Budie Taatina 19:15

Na litemi geen lɛni nse aani kewii kani bádɔ-ka lɛvi inyɔ lɛɛlɛ́-nwu kenye kani na ɔdubuti ukpo kalɔ ƒui bekyuli, na uti nwuna ɔyikun utaadi-ma lɛlɔ. Na ɔdubɔni-ma kɔtu kpakplaa ku Katɔti Ɔyikune Ƒui kɔnyi geen aani kalɛ na baaka ntu teedie ebi kemmo kpakplaa na ntɛ kablakɔ.

Malakai 4:3

Uwi ɔni na ndububo mbatɛ litemi mmɔ ni, bɛdubɔnya bɛvi bekyuli bekpidi lɛlɔ bisusu aani si ntɔ na badi na bina lɛgba kalɔ. Ami, Unwoti Ɔyikune Ƒui, násu!

Lɛkpa Ulu 9:14

Anwuɔsu te-mi kuƒi na lɛyila bekyuli bamɛni udu. Na linine bana anyi lidie na ɔƒɛ kalɔ. Na ndubudie kadi bekyuli bani ndubɔyu ɔyikun geen na bimomo bitulo-ma lɛsiku-ɔ kemmo.”

Agba 13:9

Bekyuli babuni ni, lɛlɔ lɛɛyɔ́-ma na bana keliela keekeye uwi ndi uwi. Nsu ɔƒɛ ɔɔsá taakya alaekpidi bablane na ɔɔbla-ma suu.

Kɔgya 149:7

Na beti bedie baƒiɔkpane kasi na bani bekyuli kɔtu.

Kɔgya 79:10

Bi ɔsu na kadi bamba bekyuli beeye-bu banini, “Wɛ na bina Katɔti ɔkya?” Buuvele-ɔ bɔnii die-ma kasi na kalɛ na béwi ƒula kadi bekyuli ubugya kalɔ kalala kemmo kenye na abu ku bekyuli ƒui bɔnu.

Kɔgya 78:55

Ɔ́bɔku kadi bamba bekyuli ɔ́lɛku bana anumi. Na úti bana kɔlɔ ku kuliekɔ úle úte-ma aani bana kadikɔ na bélie mmɔ.

Samuel 2 17:23

Ɔƒɛni ka Ahitoƒel ɔ́nu ka béteti nwuna kasusu kani na ɔ́kya-ma ni, ɔ́bala nwuna ebuo ala utine na ɔ́kɔ úlie-nwu lɛlɔ na ɔ́tɔlɔ úsie nwuna ɔma. Na ka ɔ́klibi ala úsie nwuna ɔtɔ ɔ́wɔlɔ ni, úsie útákya lɛlɔ ɔbuli na úkpi na báva-nwu bana ɔti kaƒiɔtɔ.

Kɔgya 5:6

Na ɔkɔ banyine ƒui ni, adubo-ma udu bɔyila. Na bani muuwi ubugya kalɔ ku bani muudie bekyuli teete ni, ekisi-ma.

Kɔgya 2:1

Bi ɔsu na bayawine beenyimi ala, na bekyuli baasa lili keeke?

Samuel 1 31:4

Amu na Saul ɔ́su nwuna ekpola ala utine ɔnini, “Ni ƒula kewii kpa livuo kemmo na atu-mi adu, kalɛ na kadi bamba bekyuli bani na bétekulo-ma ago mɛni balábadu-mi na bataakun lɛmɛnɛ teedumi-mi.” Nsu Saul ekpola utine ɔmmɔ ɔ́yia ka ɔbla lɛni. Anwuɔsu Saul údie anwu ɔlati nwuna kewii na úbuli útébi-ka lɛlɔ.

Samuel 1 25:32

Amu na Dawid ɔ́su Abigail ɔnini, “Bemwi Unwoti Israel Katɔti ɔni nátala-a ɔ́kya-mi ɔnii bo basiaku-mi ɔmwi limeyi lɛmɛni lɛlɔ.

Samuel 1 25:39

Ka Dawid únu ka Nabal úkpi ni, ɔ́su ɔnini, “Bemwi Unwoti, ɔsika ɔ́du Nabal kɔtɔ na lɛla lɛni na ɔ́bla-mi ɔsu. Údie-mi na ńtabla lɛla likpidi lɛdi, mmomu ɔ́ya na Nabal ɔlati likpidi lɛ́sia-nwu lili.” Amu na Dawid ɔ́sia Abigail kenye ka ɔɔyɔ́ ka uti-nwu na unwini ulekudi.

Kɔgya 7:12

Si bekyuli bekpidi bátavumana udu ni, Katɔti ɔdubo nwuna kewii bɔdɔ buse bute-ma. Ɔ́ɔni nwuna kataminta úse unye kagyumana.

Yeremia 49:38

Na ƒula ɔga ku nwuna benengu ƒui badubo bukpi. Na lilie ntaadi lɛlɔ na bana kenye. Ami Unwoti násu.

Kɔnyana Buwulo 3:58

Édie-mi na áƒɔ-mi ngba.