Kɔgya 9:10 - Katɔti Ɔku Kedee

¹⁰ Na bani ngyi kalɛ na ƒula lɛnyi libo ɔyikun badubo bana anu buti bɔsia-a lɛlɔ. Ɔsika bútenu kudii ka ɔdi ɔ́kpali-ɔ ɔnii bunku-nwu na átakpete-nwu.

Kɔgya 9:10 Referans Kwoze

Kɔgya 91:14

Katɔti ɔnini, “Ukyuli ɔni mɔɔyɔ́-mi na ɔ́nu-mi ɔ́ti ni, ndubɔgyumana-nwu na lɛƒɔ-nwu ngba.

Agba 18:10

Unwoti lɛnyi lɛdi lɛtakpɛ bonwu lɛni na ukyuli ukpo kama. Na nwuna kudɔ na bekyuli babuni beekeli teesie na baakɛ́ bɔƒɔ.

Yeremia 29:13

Bɛdubɔkya-mi lili kalɔ bɛkpa-mi ku bina kayi ƒui. Na ami lɛnɔ ndubɔsiaku-mii.

Kɔgya 5:11

Bekyuli bani néti-ɔ bénwini katamikukɔ ni, lɛlɔ lɛdubɔyɔ-ma na beteedie ebiti lɛnu uwi ƒui. Gyumana bekyuli bani ƒui mɔɔyɔ́-ɔ, ɔsika awɔ ɔsu na bana ebiti eedú taawɔlɔ.

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Kɔgya 57:1

Nu-mi kɔnyana, O Katɔti, nu-mi kɔnyana, ɔsika awɔ na líkeli lɛ́tamiku. Na ƒula avwi ɔyuli kalɔ na ndubɔkɛ kabɛkɔ úti útédu uwi ɔni na ɔgbankpi kpakplaa ɔni mɔɔlɛ́ mmɔ kenye kadubɔvi.

Kɔgya 37:28

Unwoti ɔɔyɔ́ ala ani na baabla ulu lɛlɔ. Na ulalɛ bekyuli bani mɔɔbla taasiaku nwuna litemi lɛlɔ kama kudii. Mmomu ɔɔgyumana-ma uwi ndi uwi. Nsu bekyuli bekpidi bebi ama ni, badubɔyii udu.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yesaia 45:19

Unwoti útatɛmi útasiku kasuudikɔ iye ɔsu Yakob kaba kemmo bebi ɔnii bawia-nwu kama ulu kekeeke. Mmomu litemi geen na Unwoti ɔɔsu ɔnini,

Yohane 1 2:3

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Samuel 2 22:3

Ɔɔgyumana-mi aani ukyuli ɔni muunye teetile-mi na ɔɔƒɔ́-mi, na ɔɔyá na mɔɔkɛ́ ɔyikun. Anwu nédie-mi na balalane enu kemmo.

Kɔgya 37:39

Bekyuli bani nsiaku Unwoti kama siin ni, Unwoti Katɔti ɔlati mɔɔgyumana-ma na anwu kani na baatámiku si ala eekpóku-ma.

Yesaia 25:4

Katamikukɔ kpakplaa na adi ete bawabane ku bani mɔɔyaki ala na baanya-ma taakya. Na adi kabɛkɔ ku ɔyuli ete-ma si kadi kaabi éte bani na ala eekpóku-ma geen. Ɔsika balalane bammɔ kɔnyi kuse aani kalɛ na ɔƒɛƒɛɛ kpakplaa uuƒwimi ala taatáƒiɛni kowodu lɛlɔ.

Nahum 1:7

Unwoti ɔdia, na ɔɔgyumana bekyuli bani néti bana anu básia-nwu lɛlɔ, na uudie-ma na lɛbibo uwi.