Kɔgya 82:2 - Katɔti Ɔku Kedee

² “Bi ɔsu na bilásia ulu lɛlɔ taatɛ litemi na biinye likpidi kama taaƒɔ́ balalane?

Kɔgya 82:2 Referans Kwoze

Lɛkpa Ulu 1:17

Na ɔdi utanu anumi utatɛ litemi lɛdi. Mmomu batɛ-ni ulu lɛlɔ. Ɔlakɛne na ɔdi o-o, ɔwabane na ɔdi o-o ni, batayia ɔdi biala. Batɛku ɔdi biala litemi kalɛ kani na ɔ́manku-nwu. Na mɔɔsu-mii nnii kalɛ biala na litemi lɛmmɔ lise ni, Katɔti ɔdubute-ma kasusu na batɛ-ni ulu lɛlɔ. Na lɛ́su-ma ka si litemi bɔtɛ bɔdi bútulo-ma ni, beti litemi lɛmmɔ beboku-mi na lɛtɛ lite-ma.

Agba 18:5

Ɔɔɔdia ka litemi ɔtɛne unye ukyuli ɔni na nwuna litemi liiibo ubo kama iye ɔdu ukyuli ɔbuni kɔtɔ.

Galatiƒuɔ 2:6

Na bekyuli bani na bɛɛnu ka ama badi batɔnkune ni, ina ka ami naaanu-ma kavumana kadi ina bi na badi ɔsika Katɔti ulánu ukyuli anumi asa na ɔɔtɛku-nwu litemi ni, ama lɛnɔ béteti lɛla lɛdi bétebunku mina litemi lɛni na mɔɔsu ka mbasu-mii.

Kɔgya 62:3

Kɔlɛ sɔɔn na amii mina bekisine bɛdubɔta bibekpoku-mi na bɛkya-mi ɔlɛ lɛlɔ, ɔsika nse aani ɔban ɔni nsɔ neeebo ɔkplu iye kowodu kɔni mɔɔnyonu lɛlɔ?

Hiob 34:19

Na Katɔti nédie abu bekyuli ƒui. Ɔlakɛne na adi o-o, ɔwabane na adi o-o ni, ulánu bana ɔdi anumi taabla lɛla lɛdi.

Ala Alɛdi 2 19:7

Anwuɔsu bɛnu ka bɛ́bla bina kabla ƒui na bíti ɔbu bíte-nwu. Na bɛti lɛnɔ ka ɔɔɔdubo-mii kuƒi bute na bɛnu ukyuli ɔdi anumi bɛbla lɛla lɛdi iye bɛbɛ bɛƒɔ lɛla lɛdi bɛsiku ɔdi kudɔ bɛdi.”

Baga 1 18:21

Amu na Elia úsie ɔ́vi bekyuli bammɔ akɔ na uuyé-ma ɔnini, “Uwi ɛlɛ geen na bɛdubulie bitaabla kasusu kunyɔ kunyɔ bitálɛ? Si Unwoti ndi Katɔti ni, bɛsiaku-nwu kama. Na si Baal lɛnɔ ndi bina Katɔti ni, na bɛsiaku-nwu kama.” Nsu bekyuli bammɔ bétedie kenye kadi.

Lewiƒuɔ Ɔda Bubo 19:15

“ ‘Bitatɛ litemi likpidi na bɛnya ɔwabane ɔdi bɛkya iye binye ɔlakɛne ɔdi kama mmomu bɛtɛ bina bakpana litemi ulu lɛlɔ.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Hiob 32:21

Na lɛɛɛdubo ɔdi anumi bɔnu bɔnyi ɔkɔ bɔtɔlɔ-mii.

Esekiel 45:9

Unwoti Katɔti ɔnini, “Amii Israel batɔnkune, bíiyu na bɛ́nya mina kadi bekyuli bɛ́kya uwi útu! Na mɔɔwia ka bɛda ekpidi bɔbla bɛya na bise kalɔ bitaabla ala siin taasiaku ulu lɛlɔ. Na ɔ́sɔ útalɛka binye mina bekyuli lɛlɔ na bɛbɔku-ma na bavi balɛ bana kalɔ lɛlɔ. Ami Unwoti násu.