Kɔgya 81:8 - Katɔti Ɔku Kedee

⁸ “O mina kadi bekyuli Israelƒuɔ, binu mina bɔlɛ. O Israel kadi bekyuli, mɔɔyɔ́ ka binu-mi litemi.

Kɔgya 81:8 Referans Kwoze

Kɔgya 50:7

Mina kadi bekyuli Israelƒuɔ, binu. Ami ndi Katɔti bina Unwoti na ndubo-mii litemi bɔtɛku na lidie bina ala ani bɛ́bla bɛ́ƒiɔ ƒui lɛtina.

Yohane 3:11

Mɔɔsu-ɔ geen ka bɔɔtɛmi taasiku ala ani na bɔgyi lɛlɔ, na buudie ani na bɔ́nu kenye teete-mii. Nsu bilaƒɔ ala ani kenye na buudie teete-mii taadi.

Yesaia 1:19

Ɔƒɛni si bɛdubunu-mi litemi na binu kalɔ na libunku-mii ni, bɛdubɔkɛ ala pii bɛdi.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Yohane 1 5:9

Bɔɔƒɔ́ ukyuli kenye budie taadi bɔdi. Nsu Katɔti kenye budie na ulu ɔmmɔ lɛlɔ ni, bɔdia butulo. Ɔsika kenye budie bɔmmɔ bɔdi Katɔti ɔlati bɔdi na Ubidi lɛlɔ.

Kɔgya 81:13

“Na si bunu na amii Israel bekyuli bínu-mi litemi na bɛbla bɛsiaku-ni lɛlɔ ni, nka ɔdia.

Batalane Kabla 20:21

Na kesi kesii na lísie ni, lɛ́su Yudaƒuɔ ku Helaƒuɔ ƒui kpakplaa ka bada ekpidi bɔbla baya na benwini besie Katɔti kudɔ, na baƒɔ Blɔti Yesu Kristo badi.

Lɛkpa Ulu 32:46

ɔ́su ɔnini, “Bɛnu ka bɛ́di ɔda bubo bɔni líti muute-mii ɔmwi mɛni lɛlɔ ƒui. Na bitaasia kama teeti-nya taatina bina bebi kalɛ na badi Katɔti ɔda bubo bɔmmɔ ƒui lɛlɔ.

Lɛkpa Ulu 5:27

Anwuɔsu Mose, awɔ kani teesie na eteenu lɛla biala na bula Unwoti Katɔti ɔsu-bu. Na enwini abasu-bu. Na lɛla biala ɔdubo-bu bɔsu ni, bɔdubo-ni lɛlɔ bɔdi.”

Israelƒuɔ Bɔlɛ 17:7

Anwuɔsu básia kesii kani na ntu bɔmmɔ bɔ́lɛ lɛnyi banii Masa, ɔni kalɔ ndi bɔkɔku taanu ku Meriba ɔni lɛnɔ kalɔ ndi Bɔdɔ, ɔsika mmɔ na Israelƒuɔ bammɔ bádɔ na bákɔku Unwoti bánu na béye banini, “Unwoti ɔkya-bu akɔ ɔƒɛni?”

Israelƒuɔ Bɔlɛ 19:16

Na limeyi lɛtɛdi lɛmmɔ lɛlɔ ni, kayaa kése kalɔ keedu na kaabwɛ ogya na liƒlukutu bonwu líbaƒɔ kɔbi kɔmmɔ lili. Na kɔnakunwi bénu kakpɛɛ kɔku bonwu kɔdi. Na bani ƒui nkya keliekɔ mmɔ ƒui liƒu bonwu lɛ́da-ma.

Bumomo Bɔka 20:13

Ala amɛni álɛ na Meriba. Ɔsika mmɔ na Israelƒuɔ bákyaku Unwoti unyeƒi na údie ɔtina-ma ka Unwoti ɔni use kedee na ɔdi na bana akɔ.