Kɔgya 80:2 - Katɔti Ɔku Kedee

² Bo abalɛmi Eƒraim ku Benyamin ku Manase adua kemmo bebi anumi, na atina-bu ƒula ɔyikun na aƒɔ-bu.

Kɔgya 80:2 Referans Kwoze

Kɔgya 35:23

Mina Unwoti Katɔti, buvele ta na ekpo aƒɔ-mi.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Israelƒuɔ Bɔlɛ 25:22

Na libila lɛmmɔ katɔ mmɔ kesii kani na bebweyi inyɔ bammɔ balɛ ntɛ ni, mmɔ na ndubo-ɔ butaasiaku na litemi lite-ɔ na asu Israelƒuɔ ɔda ɔni mebo-ma.

Samuel 1 4:4

Ɔmmɔ ɔsu bésie na bététi Unwoti Ɔyikune Ƒui Bunyimi Adaka ɔmmɔ. Na nwuna lɛlɔ ni, Unwoti batu bebweyi inyɔ badi udu bénye bani baalɔ Kerub na bebo avwi. Na Bunyimi Adaka ɔmmɔ kudɔ ni, Eli bebi inyɔ, Hoƒni ku Pinehas, benye.

Baga 1 8:6

Ɔmmɔ kama bakpane bammɔ bágyu Bunyimi Adaka ɔmmɔ béduoku kakpakɔ bátálɛ Katɔma kedee kemmo kesii kani nse kedee ntulo ƒui na Kerub bebweyi bammɔ avwi kalɔ.

Baga 2 19:15

Na ɔ́kpali Unwoti ɔ́su ɔnini, “O Unwoti, ɔni ndi Israelƒuɔ Katɔti, awɔ nli ƒula lɛgaboku lɛlɔ na katɔ katɔ na kesii kani na Kerub ngba bebweyi bammɔ begyingya bana avwi bámana. Na awɔ lɛti ndi Katɔti ɔni mɔɔdi kayawi kamɛni lɛgakɔdikɔ ƒui lɛlɔ. Na awɔ nédie katɔ ku kalɔ.

Kɔgya 50:2

Katɔti uukeye taasiku Sion ɔma unengudi ɔni ndia ntulo ƒui mmɔ kemmo.

Kɔgya 99:1

Unwoti ɔɔdi lɛga, liƒu litaada kadi bekyuli. Uli nwuna lɛgaboku lɛlɔ na batu udu bani mbo avwi na baalɔ-ma kerub ntɛ na kayawi kemodi kammɔ ƒui kaakunku.