Kɔgya 8:2 - Katɔti Ɔku Kedee

² Ábla banamu ku bebiwɔ anii beti bumwi bɔni náƒɔ kuye geen bete-ɔ. Elie kalɔ kpi ɔni na ƒula ukisine ɔdi ulakana-a bɔni bude kudii. Na bekyuli bani mɔɔta teenye-ɔ lɛlɔ ƒui aayila-ma udu.

Kɔgya 8:2 Referans Kwoze

Mateo 21:16

Anwuɔsu béye Yesu banii, “Eenú lɛla lɛni na banamu bammɔ baasu mɛni?” Na Yesu údie kenye ɔnini, “Muunú. Na ngyi lɛnɔ ka bɛ́ka ɔmɛni na Bunweni Kedee Ɔku kemmo ka ni, “ ‘Ábla banamu ku bebiwɔ anii beti bumwi bɔni náƒɔ kuye geen bete-ɔ.’ ”

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Kɔgya 46:10

“Bɛbla kpoo na bɛnu bɛti ka ami ndi Katɔti. Badubo-mi lɛnyi katɔ bakɔliku na kalɔ lɛlɔ mɛni na kadi bekyuli ƒui akɔ. Na lɛni kani na mina lɛnyi lɛdubo katɔ bɔkɔ na kayawi ƒui.”

Korintoƒuɔ 1 1:27

Mmomu Katɔti úse ɔ́ƒuna bekyuli badɔlɔdi na bayawine anumi kalɛ na uti-ma ɔkya kayawi kamɛni banundane kɔƒa. Na ɔ́ƒuna bekyuli bani neeebo ɔyikun ɔdi na bayawine anumi kalɛ na uti ɔkya kayawi kamɛni bayikune kɔƒa.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Luka 10:21

Uwi ɔmmɔ lɛlɔ ni, Katɔti Kɔyu ebiti áƒɔ Yesu lɛlɔ kemmo ƒui na ɔ́su ɔnini, “Ati, katɔ ku kalɔ Unwoti, mɔɔgyá-a enu ɔsika lɛla lɛni na éti ábɛla bakutine ku banundane ni, ani na éti átina bekyuli bani na baaagyi lɛku ku badɔlɔdi. Sɔsɔ na ɔdi, Ati, lɛni geen na aayɔ́ anii ɔlɛ.”

Kɔgya 44:16

Na mina bekisine beedumi-mi na béti-mi bénwini lɛmala aani kalɛ beedie ukyuli kasi.

Habakuk 2:20

Bɛya na kayawi bekyuli ƒui babla kpoo, ɔsika Unwoti ɔkya nwuna kakpakɔ kedee kemmo.”

Israelƒuɔ Bɔlɛ 15:16

Liƒu ku bɔyia geen ndubo bekyuli bamɛni bɔda. O, Unwoti, ɔkɛnku ƒula ɔyikun ɔsu ni, badubo bɔsinsi bunye aani lɛtakpɛ, úti útédu ka awɔ Unwoti ásia ávi, na ƒula bekyuli bani na édie adanku bávi bátɔlɔ.

Amos 5:9

Unwoti ɔɔyila bekpone bayikune udu na ɔɔbwɛ lɛma kɔgyumanakɔ kɔni na bátu bényene.

Kɔgya 4:4

Si bíti kɔnyi ni, bitaya na bina kɔnyi kɔya na bɛbla likpidi. Na si bɛ́yu bɛ́tɛ ni, na biduo lɛlɔ ku ala amɛni kemmo bɛnu kaduɛ na bɛbla kpoo.

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.

Israelƒuɔ Bɔlɛ 11:7

Nsu Israelƒuɔ keliekɔ aka ni, akpewe ina unwi muedi ulébo kudu na ukyuli iye ebuo ɔdi ɔsu.’ Na mmɔ na adubo bɔnu bɔti ka ami ɔni ndi Unwoti mɔɔkya kavumana Egyipteƒuɔ ku Israelƒuɔ ntɛ.

Kɔgya 57:6

Mina bekisine bákywɛ-mi kɔkpagyuɛ na bédie libu béwi-mi kalɛ na lɛnu liduo na mina ngba bɔkya ɔgbankpi kemmo, nsu ama alati bánu béduo-ni kemmo.

Kɔgya 148:13

Bina ƒui bɛya na bemwi Blɔti, ɔsika anwu lɛti kani nse kede kede ƒui. Na nwuna bukeye bɔ́ƒɔ kayawi ƒui, na bɔ́kɔ búbo bɔ́vi kalɔ ƒui.

Yesaia 6:3

Na bana ƒui baatu kɔgya ku lɛdi linwi momoomo banini, “Unwoti Katɔti, ese kedee, kedee, kedee! Katɔ ku kalɔ kéyi ku ƒula lɛlɔyɔ tɛɛ!”