Kɔgya 73:3 - Katɔti Ɔku Kedee

³ Ɔsika anumi égyie-mi na bekyuli bani mɔɔtalaku lɛlɔ katɔ ku bani na bebo kalala lɛlɔ ka ala aatɛku-ma ɔsu.

Kɔgya 73:3 Referans Kwoze

Hiob 21:7

Bi ɔsu na bekyuli bekpidi beelie teetu uwi na baakɛ́ ɔyikun lɛni?

Yeremia 12:1

Unwoti, uwi biala na lɛ́su-ɔ ala ani muukpóku-mi ni, eenú na aabla lɛla biala na ulu siin lɛlɔ. Nsu ɔƒaani ni, mbo ala adi na liye-ɔ ɔ́siku kalɛ na aatɛ etemila lɛlɔ. Bi ɔsu na mɔɔnu aani ka ngba buse buɛɛ bute alaekpidi bablane? Na bi ɔsu na bana ala ƒui aatɛ teete-ma?

Agba 23:17

Alaekpidi bablane lɛlɔ litegyie-ɔ anumi. Mmomu taayia Unwoti uwi ndi uwi.

Kɔgya 37:7

Kɛ bɔnwuna na Unwoti lɛlɔ na akɛ kayi na enye ataanu-nwu anumi. Kayi ketekpoku-ɔ na ala ani mɔɔtɛku ukyuli ɔdi ɔsu, iye ka ukyuli ukpidi kɔkwɛ kɔni na ɔɔkya kɔɔtɛ-nwu ɔsu.

Kɔgya 37:1

Kayi ketekpoku-ɔ si ala aatɛku ukyuli ukpidi. Na anumi étegyie-ɔ na nwuna kabla lɛlɔ.

Agba 24:1

Bekyuli bekpidi lɛlɔ litegyie-ɔ anumi. Na tawia anii aakya-ma kasala kemmo lɛnɔ.

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”

Agba 3:31

Anumi etegyie-ɔ na bekyuli bekpidi bani mɔɔkya lɛsɛ lɛlɔ. Na tasiaku bana ɔbladu kama.

Hiob 12:6

Kasusu kelekpoku beyune ku bakantankpine na bana kakyakɔ. Na bani mɔɔkya Unwoti kɔnyi ni, bɔyia bɔdi buuubo-ma kemmo, ɔsika bada bana baƒiɔ enu kemmo kɔkɔɔkɔ.

Hiob 17:8

Nsu bekyuli bani nse siin bánu ɔmɛni na bana kayi kékpoku-ma, na bátatuna ku bani ɔbladu neeebo kɔsia kɔdi mɛni.

Hiob 24:23

Katɔti ɔkana na unye ɔnu-ma, na ɔbla-ma aani lɛla biala lɛ́ɛtɛ lɛ́wɔlɔ, nsu ɔɔɔdi ɔni na basu banii ulánu-ma ɔsu.

Kɔgya 10:5

Ukyuli ukpidi ablala biala aalɛ́-nwu kɔsia uwi ƒui, nsu ɔɔɔgyi ulu ɔni lɛlɔ na Unwoti ɔɔsia taatɛku bekyuli litemi. Na ɔɔmá nwuna bekisine muedi.

Etemila 7:15

Na mina ngba bɔni neeebo-mi kalɔ mɛni kemmo ni, lɛ́nu kalɛ na ukyuli ɔni nsiaku Katɔti kama siin ɔɔkana na uukpi taayii udu. Na lɛ́nu kalɛ na ukyuli ukpidi lɛnɔ ɔɔkana na uulie ngba taabi lɛlɔ geen na nwuna likyulikpi ala bɔbla kemmo.

Malakai 3:15

Bɛnu kalɛ na lɛlɔ lɛɛyɔ́ bekyuli bani náta bénye-nwu lɛlɔ. Na ala aatɛku ukyuli biala na unye ɔɔbla likpidi na ina békpoku Katɔti bánu muedi na lɛla lɛdi lilábla-ma.’ ”