Kɔgya 7:8 - Katɔti Ɔku Kedee

⁸ Awɔ ndi bayawine ƒui litemi ɔtɛne. Unwoti Katɔti, tɛ litemi lɛmɛni te-mi na lɛdi ubo. Ɔsika agyi ka ala amɛni ƒui adi aaada-mi.

Kɔgya 7:8 Referans Kwoze

Kɔgya 96:13

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛmmɔ lɛlɔ ɔtɛ litemi lɛmmɔ.

Kɔgya 43:1

Unwoti Katɔti, tɛ ami ku kadi kani bekyuli naaagyi-ɔ mɛni ntɛ litemi na ete-mi ubo. Na edie-mi alɛku ɔkɔ banyine ku balalane bamɛni akɔ.

Kɔgya 98:9

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛlɔ ɔtɛ litemi lɛmmɔ.

Tesalonikaƒuɔ 1 2:10

Amii alati ku Katɔti ndubunye-bu litemi lɛmɛni kama ka bɔ́da bula lɛlɔ kedee na bina akɔ. Bɔ́bla ala abuni. Na ukyuli ɔdi útanu bɔƒiɔ bɔdi na bula lɛlɔ.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Kɔgya 78:72

Ɔga Dawid úti nwuna kayi ku ɔyikun ƒui ɔ́tɔnku bekyuli bammɔ ɔ́siaku ulu siin lɛlɔ na lɛnunda ku lɛlati kemmo.

Kɔgya 26:1

Unwoti, tina ka lɛla lɛdi lɛɛɛda-mi na ete-mi ubo. Ɔsika lɛ́da lɛlɔ lídie likpidi ulu biala lɛlɔ na nsiku-ɔ kama siin na ntedeyi kesii bamba.

Kɔgya 41:12

Na ami ni, awɔ kani ndubo-mi bubunku. Na éti-mi enyene ƒula anumi uwi ƒui, ɔsika ánu ka lɛla lɛdi lɛɛɛda-mi.

Kɔgya 26:11

Nsu ami ni, mɔɔbla ala ani na ese siin. Nu-mi kɔnyana na edie-mi na ɔgbankpi biala kemmo.

Kɔgya 25:21

Unwoti agyi ka mɔɔbla lɛbuni na nsiaku-ɔ kama siin. Anwuɔsu muuvele-ɔ, bo na ebedie-mi, ɔsika mɔɔnu-ɔ ulu.

Kɔgya 11:4

Nsu Unwoti uli lɛgaboku lɛlɔ na nwuna kakpakɔ kedee kemmo na Katɔ Ɔga Ɔma. Na nwuna anumi aanu ala ani ƒui na bekyuli baabla na kesi kesii.

Kɔgya 9:8

Na ɔdubɔtɛku kayawi bekyuli ƒui litemi na ulu siin lɛlɔ. Na ɔdubɔdi-ma lɛlɔ na ulu ɔbuni lɛlɔ.

Ala Alɛdi 2 20:12

Aaadubo-ma kɔtu bɔni? Buuubo kenyekɔ kadi na bekpone bamɛni udu anumi si banii beekpó-bu sɔsɔ. Bɔɔɔgyi lɛla lɛni na bɔbla, anwuɔsu kebunku kani na buuvele.”

Ala Kalɔ Buse 31:53

Muuvele Abraham Unwoti Katɔti ku Nahor Unwoti Katɔti ɔni ndi bana bati Unwoti Katɔti ka ɔtɛ litemi biala nkya ami ku-ɔ ntɛ.” Ka ɔ́wɔlɔ ni, Yakob ɔ́kpali Katɔti ɔni na Isak ɔɔbu geen úse kenye kadi.

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Batalane Kabla 17:31

Ɔsika anwu údie limeyi lɛdi úse lɛni lɛlɔ na ukyuli ɔni na ɔ́ƒuna úse wabatɛku-bu litemi ɔ́si bula ɔbladu lɛlɔ. Na údie Ukyuli Ɔƒunadi ɔmɛni ɔ́tina-bu nwaa ɔ́si ɔni na ɔ́gyila-nwu ɔ́siku kekpine na ɔ́sɔ úbo úbelie ngba.”

Agba 19:1

Ɔdia si adi ɔwabane na aadi litemi geen lɛlɔ utulo si adi ɔdɔlɔdi na aanyi ɔkɔ.

Kɔgya 82:1

Unwoti Katɔti ɔ́yu úlie kayaa bayikune ntɛ na ɔ́tɛku-ma litemi na katɔ mmɔ ɔnini,