Kɔgya 7:6 - Katɔti Ɔku Kedee

⁶ O Unwoti, ta ku kɔnyi na enye ada mina bekisine bani nsiaku-mi ku kɔnyi geen! Ta na ebunku-mi! Ɔsika awɔ mɔɔtɛ litemi ulu lɛlɔ.

Kɔgya 7:6 Referans Kwoze

Kɔgya 44:23

Unwoti, buuvele-ɔ, ta na ebo ebebunku-bu. Tedie-bu atu ƒui lɛni.

Kɔgya 35:23

Mina Unwoti Katɔti, buvele ta na ekpo aƒɔ-mi.

Kɔgya 3:7

Unwoti mina Katɔti, bo na abaƒɔ-mi! Ƒɛ mina bekisine ƒui anyi ku linungla kalɛ na basɔ balákɛ ɔyikun ɔdi mina lɛlɔ.

Yesaia 33:10

Nsu Unwoti ɔnini, “Ɔƒɛni na ndubo lɛla lɛdi bɔbla na bekyuli banu na bemwi-mi geen.

Kɔgya 138:7

Ina ka ala ani muukpóku-mi áka ámana-mi ni, amu ada mina ngba. Na adubudie ƒula kɔnu atina mina bekisine ƒui. Na ƒula kɔdianu kɔnu kɔdubɔƒɔ-mi ngba.

Kɔgya 44:26

Buvele ta pla na ebebunku-bu na edie-bu, ɔsika ƒula bɔyɔ bulávumana kudii.

Yesaia 51:9

Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Yesaia 37:20

Na ɔƒɛni ni, O Unwoti, buvele na bɔda-a bɔnii die-bu na nwuna enu kemmo, kalɛ na kayawi lɛga kɔdikɔ ƒui bekyuli banu bati ka awɔ kani ndi Unwoti ku Katɔti ɔmmɔ.”

Yesaia 3:13

Katɔti úusie ulie kalɔ na litemi katɛkɔ, na ɔdubo bekyuli ƒui litemi bɔtɛku.

Kɔgya 103:6

Unwoti ɔɔtɛ litemi na ulu lɛlɔ siin teete bekyuli bani na balalane baanya taakya.

Kɔgya 78:65

Ɔmmɔ kama ni, Unwoti úbata únye aani kalɛ na ukyuli ɔɔta na kalɛɛkɔ. Na ɔ́bla aani kalɛ na ntɛ bɔɔyá na ɔyikune ɔdi ɔɔta taabla ala.

Kɔgya 74:3

Bo na abanu ala ani ƒui na bekisine bébile na áyii udu na ƒula kakpakɔ.

Kɔgya 73:20

Na bana uwi use aani kalɛ na ukyuli ɔɔtɛ teegye kɔna na si ɔ́ta ni, ɔ́sa lɛla biala lɛ́vi.

Kɔgya 59:5

Unwoti Katɔti Ɔyikune Ƒui, awɔ ndi Israel Katɔti. Ta na ani kadi bamba bekyuli ƒui kɔtu. Na tada bani muulie taakya bekyuli kakya tese.

Kɔgya 35:1

Unwoti, muuvele-ɔ geen nnii bekyuli bani muunye teetile-mi ni, awɔ lɛnɔ nye tile-ma. Na bani nsiaku-mi muukpóku-mi ni, awɔ lɛnɔ kpoku-ma.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Samuel 2 17:14

Amu na Absalom ku Israelƒuɔ bammɔ básu banini, “Husai Arkini ɔmmɔ kasusu kani na ɔ́kya kadia ketulo Ahitoƒel kadi.” Ɔsika Unwoti ɔlati úse ka uƒu Ahitoƒel kasusu ɔkya na ɔgbankpi ubo Absalom lɛlɔ.

Kɔgya 143:3

Mina ukisine ɔbi ɔsiaku-mi na uukpóku-mi. Úbo-mi ɔ́va kalɔ na ɔ́di-mi lɛlɔ. Na úti-mi ɔ́kya lɛdisa kemmo aani ukyuli ɔni nékpi kukuuku.