Kɔgya 7:10 - Katɔti Ɔku Kedee

¹⁰ Unwoti Katɔti mɔɔgyumana-mi. Na bekyuli bani ƒui muunú-nwu litemi ni, ɔɔƒɔ́-ma ngba.

Kɔgya 7:10 Referans Kwoze

Agba 28:18

Bekyuli babuni ni, Unwoti ɔdubudie-ma, na lɛla lɛdi lilabla-ma. Nsu bani na bana kasiakɔ kese gontii ni, Unwoti ɔdubɔyila-ma udu.

Kɔgya 125:4

O Unwoti, bla lɛbuni te bekyuli babuni ku bani kayi kemmo ablala nkɛ ulu siin lɛlɔ.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Agba 11:20

Unwoti ukisi bekyuli bani na bana kayi kaaakɛ ulu unwi. Nsu bani mɔɔdi nwuna litemi lɛlɔ ulu lɛlɔ baayɔ́-nwu kaƒɔ.

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Agba 2:21

Ɔsika bekyuli bani kayi kemmo ablala nse siin kani ndubulie ngba na kalɔ kammɔ lɛlɔ. Na bani na lɛla lɛdi lɛɛɛda-ma kani ndubɔkya-ka kemmo.

Kɔgya 112:2

Nwuna bawɔ badubɔkɛ ɔyikun geen na bana kadi bekyuli akɔ. Na kaba kani bekyuli nse siin na Katɔti anumi ni, lɛlɔ lɛdubɔyɔ-ma geen.

Kɔgya 89:18

Awɔ Unwoti Israel Katɔti Kedee ndi bula ɔga ku lɛgyumanala éte-bu.

Kɔgya 3:3

Nsu ni, Unwoti Katɔti, awɔ mɔɔgyumana-mi uwi ndi uwi na ɔgbankpi kemmo. Na awɔ mɔɔyá na mɔɔdi mina bekisine lɛlɔ na mɔɔsɔ teese kayi na mɔɔƒɔ́ lɛnyi.

Hiob 8:6

Na si adi ukyuli ɔni na nse siin sɔsɔ na lɛla lɛdi lɛɛɛda-a ni, ɔƒɛni muedi Unwoti ɔdubɔta na ubebunku-ɔ na ɔya na asɔ enwini eténye ƒula kenyekɔ kani mbo ɔbu mmɔ.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 2 6:30

Agyi lɛla lɛni na lɛkya ukyuli biala kayi kemmo, anwuɔsu nu ɔdi biala buvele na abla ete-nwu ɔkɛnku nwuna ɔbladu ku lɛla lɛni nkya ukyuli ɔmmɔ kayi kemmo kenye asiku ƒula keliekɔ na katɔ mmɔ.

Yeremia 11:20

Lɛ́kpali Unwoti na lívele-nwu nnini, “Unwoti Ɔyikune Ƒui, lɛla lɛni na ndia na aabla uwi ndi uwi na agyi ukyuli biala kasusu lɛnɔ. Anwuɔsu bunku-mi na edie bekyuli bamɛni kasi.”

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.