Kɔgya 6:2 - Katɔti Ɔku Kedee

² Unwoti, nu-mi kɔnyana! Kya-mi ɔkplu, ɔsika ɔyikun ina blii suɛ ɔdi ɔsɔ uuubo-mi.

Kɔgya 6:2 Referans Kwoze

Hosea 6:1

Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Kɔgya 31:10

Mina ngba ƒui bɔdi ɔlɛ bunu sɔɔn ku kɔnyana uwi ɔni ƒui. Na mina ɔlɔna lɛnɔ ɔ́bla kpɛtɛ kpɛtɛ na mina ekpidi ɔsu. Na mina ekubi áyɔ lɛlɔ na asɔ alákana-mi bɔda.

Kɔgya 30:2

Ka líwulo lɛ́kpali-ɔ ni, énu-mi bɔkpali na ébebunku-mi na ábwi-mi.

Yeremia 17:14

Awɔ Unwoti kani na muumwi. Anwuɔsu bwi-mi na edie-mi! Na ndubɔkɛ ɔlɔkplu na lɛkɛ bɔƒɔ.

Kɔgya 51:8

Na kalɛ na áƒɛ-mi na nwi kalɔ ni, na asɔ atala-mi enyene ku lɛlɔyɔ.

Lɛkpa Ulu 32:39

“Bɛnu! Ami lɛti ndi Katɔti, na ɔdi ɔsɔ uuubo. Ami mbo ngba ku kukpi lɛlɔ ɔyikun. Na muudie lɛlɛ teeboku na mɔɔbwi-ni lɛnɔ. Na lɛla biala liiibo na linye litile lɛla lɛni mɔɔbla kenye.

Kɔgya 38:7

Ɔlɛ ukpidi ɔ́ƒɔ-mi ɔlɔna kemmo ƒui na lɛlɔ kemmo káƒɔ-mi ogya.

Kɔgya 38:3

Naaakɛ bɔnwuna bɔdi na mina ɔlɔna kemmo na ƒula kɔnyi ɔsu. Na muunú ɔlɛ teetéduo mina ekubi kemmo ɔ́si mina ekpidi ɔsu.

Kɔgya 32:3

Uwi ɔni na ntedie tɔ mina ekpidi kalɔ ni, mina kayi kemmo kémii na muuwulo momoomo limeyi limodi ɔsu mina ekubi átɔ na ɔlɔna kemmo.

Ala Kalɔ Buse 20:17

Ɔmmɔ kama ni, Abraham ɔ́kpali Katɔti na Abimelek lili na Katɔti ɔ́bwi-nwu ku ulekudi ku nwuna kaduli bekyuli ƒui na ɔ́lɛmi-ma kɔwɔ ulu,

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Kɔgya 22:14

Mina ekubi ányonu lɛlɔ. Mina ɔlɔkplu ɔ́tɔlɔ na línwini aani kalɛ na beewilimi ntu teewi kalɔ. Na mina utu ɔɔyɛlɛ aani banwɛnwɛ lɛyu.

Hiob 5:18

Ɔsika si ina ɔ́ya na ɔ́ƒɔ ɔlɛ ni, anwu kani ndubo-nwu bɔmana.

Bumomo Bɔka 12:13

Amu na Mose úwulo ɔ́kpali Unwoti ɔnini, “O Unwoti Katɔti, buvele nda-a, bwi Miriam ɔlɛ ɔni nda-nwu.”

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Hiob 19:21

“Bɛkɛ bɛnu-mi kɔnyana blii o-o, mina bakpana! Katɔti néti nwuna anumi ɔ́lɛ-mi na úbo-mi útáva lɛni.

Kɔgya 38:2

Ɔsika ɔlɔna kemmo kaadu-mi aani si ƒula atula na ébo álɛ-mi. Na ƒula enusɛ lɛnɔ aayu-mi ɔlɛ geen.

Yeremia 10:24

Unwoti, ti-mi siaku ulu ɔbuni lɛlɔ kalɛ na ɔ́manku, nsu ɔɔɔdi ƒula kɔnyi kemmo. Si ɔɔɔdi lɛni ni, ndubo bukpi.