Kɔgya 6:10 - Katɔti Ɔku Kedee

¹⁰ Kɔƒa kɔdubo mina bekisine ƒui bukpo, na liƒu lɛda-ma geen, na benwini bekeli batɔlɔ.

Kɔgya 6:10 Referans Kwoze

Malakai 3:18

Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”

Yeremia 20:11

Nsu ni, awɔ Unwoti, adi mina ukpone ɔyikune ɔni na enye-mi kama ɔsu ni, bekyuli bani mɔɔwia bakya-ma lɛsɛ mmɔ ƒui badubo bubuli na balakana-mi mmomu anumi adubuwi-ma kalɔ na beƒu na kɔƒa kukpo-ma uwi ƒui.

Kɔgya 86:17

Bla lɛla lɛdi te-mi na bekyuli banu. Na si mina bekisine bánu na kɔƒa kukpo-ma. Ɔsika badubɔnu ka ébunku-mi na áyala-mi kaƒɔ.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Kɔgya 132:18

Na nwuna bekisine ƒui ni, kɔƒa kɔdubɔƒɔ-ma lɛlɔ ƒui aani awu. Nsu anwu nwuna lɛga kadikɔ kagabwa kadubukeye busie ɔgyu.”

Kɔgya 112:10

Na balalane badubɔnu ɔmɛni na ɔƒɛ ɔda-ma. Badubɔdu anyi bada na babla lɛla biala. Nsu kɔnu kulétuku-ma lɛla lɛni baawia kudii.

Kɔgya 73:19

Liƒu ala bonwu aadá taalɛ bekyuli bammɔ udu lɛlɔ na baayii kɔnakunwi.

Kɔgya 71:24

Na ndubɔsu uwi ndi uwi kalɛ na ese siin na édie-mi ku ƒula ɔyikun. Ɔsika bekyuli bani ƒui nákali ka babla-mi kalala ni, éboku-ma kalɔ na kɔƒa kúkpo-ma.

Kɔgya 71:13

Bekyuli bani mɔɔwia-mi babla kalala na badu-mi ni, kɔƒa kukpo-ma na babla susuusu.

Kɔgya 35:26

Mmomu ya na kɔƒa kukpo bani ƒui mɔɔkun lɛmɛnɛ na mina lɛlɔ na mina ɔgbankpi ɔsu. Na aya beƒu na bana ablala kemmo. Na kɔƒa kunwini awu na bakya na bana anumi ewi kalɔ.

Kɔgya 25:3

Bekyuli bani lɛnɔ na bana anu asia-a lɛlɔ ni, kɔƒa kɔɔɔdubo-ma bukpo kudii. Nsu bani mɔɔta teenye-ɔ lɛlɔ, nsu balánu bɔƒiɔ bɔdi na ƒula lɛlɔ ama ni, anumi adubuwi-ma kalɔ.

Kɔgya 7:6

O Unwoti, ta ku kɔnyi na enye ada mina bekisine bani nsiaku-mi ku kɔnyi geen! Ta na ebunku-mi! Ɔsika awɔ mɔɔtɛ litemi ulu lɛlɔ.

Tesalonikaƒuɔ 1 5:3

Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Kɔgya 5:10

Unwoti Katɔti, du-ma kɔtɔ na ani-ma kɔtu! Na aya na bana likpidi lɛni baakali linwini kakpagyuɛ na udie ama alati. Bɔku-ma na bekeli ƒula anumi na ekpidi pii ani na baabla ɔsu ku kalɛ na baata teenye-ɔ lɛlɔ ɔsu.

Kɔgya 2:5

Amu na livo líƒi Unwoti na ɔ́dɔnku-ma. Na ɔ́kya-ma liƒu geen. Na ɔ́su na nwuna kɔnyi kemmo ɔnini,

Hiob 6:29

Bɛda-mi kalala kɔtɔ bɔdu bɛya, ɔsika mina kenyekɔ ku lɛnyi lɛni na lɛ́ƒɔ ƒui mɔɔyii udu mɛni.

Baga 2 20:5

“Sɔ nwini sie Hesekia, mina kadi bekyuli ɔtɔnkune kudɔ na asu-nwu anii, ‘Lɛni na Unwoti, ƒula ɔti Dawid Katɔti, ɔɔsu. Línu ƒula bɔkpali ku keku kani na éwulo ku imii, na ndubo-ɔ bɔbwi. Ɔ́si ɔmwi útédu limeyi lɛtɛdi lɛlɔ ni, adubo bɔta busie Unwoti kakpakɔ.

Kɔgya 55:20

Mina ɔvinkpana ɔ́ta únye-mi lɛlɔ ɔmmɔ ɔsu úbile ami ku-nwu kɔkpana.