Kɔgya 48:1 - Katɔti Ɔku Kedee

¹ Bula Unwoti Katɔti úbomo geen. Anwuɔsu ɔlɛka bɔkɔliku-nwu lɛnyi katɔ na nwuna ɔma unengudi kemmo na nwuna kɔbi kedee lɛlɔ.

Kɔgya 48:1 Referans Kwoze

Mika 4:1

Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli na kadi bekyuli ƒui badubukeli besie mmɔ.

Sakaria 8:3

“Ndubɔsɔ linwini lisie Yerusalem na ntélie Sion Kɔbi kedee lɛlɔ. Na bekyuli ƒui badubɔnu Yerusalem bati aani mina ɔma ɔni nsiaku-mi kama siin. Na basu ka Sion ndi mina kɔbi kedee.

Kɔgya 96:4

Ɔsika bula Unwoti úbomo na nwuna lɛnyi lɛ́kɔ katɔ, anwuɔsu na ɔlɛka bumwi-nwu na bɔyia-nwu butulo baƒiɔ ƒui.

Kɔgya 46:4

Ketu kadi katɛ Katɔti ɔma. Na lɛlɔ lɛɛyɔ́ Katɔti Ɔga ɔma bekyuli bani nlieku-nwu na mmɔ.

Kɔgya 145:3

Unwoti Katɔti úbomo geen, na ɔ́manku bumwi. Na nwuna ɔyikun ni, ukyuli ɔdi ulénu-nwu kalɔ kudii.

Budie Taatina 21:2

Na lɛ́nu ɔma kedee ɔni ndi Yerusalem ɔwɔdi ka ɔ́yu ɔ́si Katɔti kudɔ na kayaa ɔdubo. Na báklibi-nwu aani kalɛ na baaklibi uleku ɔni béti beete ɔgyani.

Kɔgya 87:3

Katɔti ɔ́su ala abuni ɔ́siku awɔ Sion ɔni ndi nwuna ɔma lɛlɔ ɔnini,

Budie Taatina 19:5

Na lɛdi lɛdi lɛ́si lɛgaboku lɛmmɔ kudɔ mmɔ na lɛɛsu lɛnini, “Bimwi bula Katɔti amii nwuna kabla bablane bani mɔɔyia-nwu, benengu ku banamu ƒui.”

Mateo 24:15

“Na bɛdubɔnu lɛla lɛni na Katɔti uukisi na liisé lɛlɔ ka unye nwuna likpo kedee kalɛ na Katɔti Kenye Udiene Daniel únweni úse. Na amii bani mɔɔká ɔku ɔmmɔ ni, biduo-nwu kemmo kaduɛ na binu-nwu kalɔ.

Kɔgya 99:9

Bimwi Unwoti bula Katɔti na bɛkpa-nwu na nwuna kɔbi kedee lɛlɔ, ɔsika Unwoti, bula Katɔti, use kedee.

Kɔgya 87:1

Unwoti ɔ́da nwuna ɔma unengudi ɔ́sia Sion Kɔbi kedee lɛlɔ.

Kɔgya 86:10

Ɔsika awɔ lɛti kani ndi Katɔti na ébomo na aabla akɔla ala budie taatina.

Kɔgya 78:68

Mmomu Yuda kaba na ɔ́ƒuna ku Sion Kɔbi kɔni lɛlɔ mɔɔda-nwu ebiti geen.

Kɔgya 65:1

O Katɔti, ɔ́manku ka bekyuli ƒui bemwi-ɔ na Sion. Na babla basia kenye kani na bése béte-ɔ ƒui lɛlɔ na mmɔ.

Kɔgya 47:8

Katɔti ulie nwuna lɛgaboku lɛni nse kedee lɛlɔ. Na ɔɔdi kadi bekyuli ƒui lɛlɔ.

Kɔgya 46:1

Unwoti ndi bula katamikukɔ na anwu muute-bu ɔyikun. Unye-bu kudɔ uubunku-bu uwi ndi uwi na ala ani muukpóku-bu ƒui kemmo.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Hebriƒuɔ 12:22

Biiise aani Israelƒuɔ bammɔ. Mmomu amii ni, Sion Kɔbi kudɔ na bíbo bínye ɔni ndi Katɔ Ɔga Ɔma Yerusalem ɔni ndi Katɔti ɔni nli ngba uwi ƒui ɔma unengudi. Katɔti batu mpim mpim kasala bani na lɛlɔyɔ lɛ́ƒɔ-ma kemmo na bíbo bíbasiaku.

Obadia 1:17

Na Unwoti bekyuli bani ndubɔlɛ ɔgbankpi ɔmmɔ kemmo badubulie Sion Kɔbi kedee lɛlɔ. Na Yakob kaba kemmo bebi bammɔ badubɔsɔ baƒɔ bana kalɔ kani na nka kadi bana ɔdi mmɔ basiku bekyuli bani néƒie-ka báƒɔ mmɔ kudɔ.

Yeremia 31:23

Unwoti Ɔyikune Ƒui, Israel Katɔti, ɔ́su ɔnini, “Líse kenye ka ndubɔya na Yudaƒuɔ bakɛ bɔnwuna na lɛtɔnku-ma liboku bana lɛma. Na si uwi ɔni na lɛ́bla ɔmɛni ni, badubɔsɔ basu banini, ‘Buuvele Unwoti bɔnii ute nwuna ɔma ɔni ndi Yerusalem Kɔbi kedee lili kesii kani na nwuna kakpakɔ kenye mmɔ kusɛ kusɛ.’

Yesaia 27:13

Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.

Kɔgya 147:5

Bula Unwoti Katɔti úbomo na ubo ɔyikun geen. Nwuna lɛnunda lɛni na ɔda ɔɔnu ala kemmo kágyu geen, na uuubo kawɔlɔkɔ.

Kɔgya 30:1

O mina Unwoti, muubó-ɔ kudu na mɔɔkɔliku-ɔ lɛnyi katɔ, ɔsika awɔ nédie-mi na átaya na mina bekisine badi-mi lɛlɔ na bakɛ ebiti.

Nehemia 9:5

Na Lewiƒuɔ ku Yesua ku Kadmiel ku Bani ku Hasabnia ku Serebia ku Hodia ku Sebnia ku Petahia básu Israelƒuɔ ƒui banii, “Bɛta binye na bimwi bina Unwoti Katɔti ɔni nli ngba ɔ́si ɔƒɛni úsela ƒui! “Na buute ƒula lɛnyi bonwu lɛmmɔ kusɛ kusɛ. Na ƒula lɛnyi lɛ́kɔ litulo lɛnyi biala.

Kɔgya 42:1

Kalɛ na anumi eegyie akwa ɔni na utukwɛ ɔɔda na ɔkɛ gyoli gyoli ɔɔwia abiɔ ani kemmo na ɔni ntu ni, lɛni kani na mina kɔyu kɔɔwia Katɔti.