Kɔgya 42:3 - Katɔti Ɔku Kedee

³ Keku kani nénwini aani adila úte-mi usien ku ɔƒɛ. Na mina bekisine benye beeye-mi uwi ndi uwi banini, “Wɛ na nwuna Katɔti ɔmmɔ ɔkya?”

Kɔgya 42:3 Referans Kwoze

Kɔgya 79:10

Bi ɔsu na kadi bamba bekyuli beeye-bu banini, “Wɛ na bina Katɔti ɔkya?” Buuvele-ɔ bɔnii die-ma kasi na kalɛ na béwi ƒula kadi bekyuli ubugya kalɔ kalala kemmo kenye na abu ku bekyuli ƒui bɔnu.

Kɔgya 115:2

Bi ɔsu na ɔlɛka kadi bamba bekyuli beye-bu banii, “Wɛ na bina Katɔti ɔkya?”

Yoel 2:17

Su mina bakpane bani nnye kakpakɔ kayakun ku lɛkpabi ntɛ mmɔ na bewulo bakpali-mi banini, “Unwoti, ƒɔ ƒula kadi bekyuli! Na taya na kadi bamba bekyuli beti ƒula bekyuli benwini lɛƒiankula na bataama-ma teeye banini, ‘Wɛ na bana Unwoti ɔkya?’ ”

Kɔgya 102:9

Ntɔ bɔni kemmo muulie búnwini mina adila ani mɔɔdi. Na mina mmii lɛnɔ búnwini ntu bɔni mɔɔní.

Kɔgya 80:5

Keku ndi adila ani na éte-bu. Na mmii ndi ntu bɔni na éte-bu na bɔ́ni na údu-bu ɔkwɛ.

Kɔgya 42:10

Edumi ani udu na beedumi-mi etulo si kewii na bada baatu-mi ɔƒɛnyi bétédu ku ekubi kemmo. Na beeye-mi limeyi ndi limeyi banini, “Wɛ na ƒula Unwoti Katɔti ɔmmɔ ɔkya geen?”

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Kɔgya 79:12

Unwoti, die kadi bekyuli bamɛni kasi akpa maatɛ na kalɛ na beedumi-ɔ kenye.

Kɔgya 22:8

“Ka ɔnii nwuna lɛlɔ lɛɛda Unwoti Katɔti kubiti na ɔ́ƒɔ ɔ́di ka wedie-nwu ni, Unwoti udie-nwu na bɔnu.”

Kɔgya 3:2

Na baasu banini, “Katɔti ulakana-nwu bukpo bɔƒɔ.”

Samuel 2 16:12

Ɔƒɛni kalɛ Unwoti ɔdubɔnu-mina lɛbibo na uti lɛbuni ɔƒɔ-mi kayu na ewida ammɔ kenye.”

Israelƒuɔ Bɔlɛ 23:17

“Ɔlɛka banana ƒui bebenye Katɔti Ɔyikune Ƒui anumi kɔtɛ na lɛkwa kemmo.

Lɛkpa Ulu 5:26

Na buuye bɔnii ukyuli ɔdi uulie ngba dii ka únu Katɔti ɔni nlie ngba lɛdi ɔ́siku lɛgyavonku kemmo?

Kɔgya 63:2

Ɔmmɔ ɔsu ya na mina anumi anu-ɔ na ƒula kakpakɔ na lɛnu kalɛ na ebo ɔyikun na eekeye.

Kɔgya 84:3

O kadi ƒui Unwoti, mina Ɔga ku Katɔti, baasɛ wɛlɛ wɛlɛ muedi bebo kakyakɔ ku ayu ani kemmo na baatɛ na ede ƒula akpabi kesii kani na baatumini bana bebi.

Kɔgya 143:6

Lɛ́kɔliku mina enu katɔ mɔɔkpali-ɔ aani kalɔ kani lɛlɔ na ntu bɔ́kwii bɔ́sa ƒui.