Kɔgya 4:8 - Katɔti Ɔku Kedee

⁸ Si lɛ́yu lɛ́tɛ ni, mɔɔlɛɛ ƒaa, ɔsika awɔ kani ndi mina Unwoti ɔni mɔɔgyumana-mi.

Kɔgya 4:8 Referans Kwoze

Agba 3:24

Si áyu átɛ ni, liƒu biala lilada-a, mmomu adubɔlɛɛ na lɛlɛɛ lɛyu-ɔ.

Kɔgya 3:5

Mɔɔtɛ taalɛɛ usien umodi ƒui. Na aayá na mɔɔta ku ɔlɔkplu.

Tesalonikaƒuɔ 1 5:10

Yesu ɔmɛni nékpi na bula lili ɔni na si bulie o-o, si bukpi o-o ni, bɔdubulieku Blɔti na nwuna bɔsɔ bubo kemmo.

Lɛkpa Ulu 12:10

Na si bɛ́via Yordan Ketu bɛ́wɔlɔ ni, bina Unwoti ɔdubuti kalɔ kammɔ ute-mii na bɛsɔ bilie mmɔ. Na ɔdubo bunye butile bina bekisine ulu na bɛdubulie mmɔ ku atu bɔyɔ.

Lewiƒuɔ Ɔda Bubo 26:5

Na bɛdubunye edula lidu lidu bɔƒɛ lɛlɔ ku adingyii ebi bude lɛlɔ utédu ala awɔdi bɔva uwi. Na bɛdubɔdi lɛla biala na bɛɛyɔ́ na keyi kayɔku-mii na bina kalɔ kani lɛlɔ bísela bitélie mmɔ lɛlɔ.

Hosea 2:18

Na ndubɔtuna na ulie ku keyi buɛɛ. Na beƒiebuo ku baasɛ bekpidi basɔ baaadubo-nwu bukpoku iye badi basɔ bata ku ekpola bebekpoku-nwu lɛnɔ.

Budie Taatina 14:13

Ɔmmɔ kama línu lɛdi lɛdi ka lɛ́si katɔ na lɛɛsu lɛnini, “Nweni ala amɛni. Bekyuli bani na lɛlɔ lɛdubɔyɔ-ma ndi bani ndubukpi ka básiaku Blɔti kama ɔ́si ɔƒɛni úsela ɔsu.” Na Katɔti Kɔyu kɔɔtuna kɔnini, “Ɛɛn, badubɔkɛ bɔnwuna! Na badubɔkɛ bana kabla kɔsia!”

Esekiel 34:25

“Israel kadi bekyuli ndi mina baƒonu. Na líse kenye kpakplaa ka badubuli na atu bɔyɔ kemmo. Na ndubo eƒiebuo biala bɔbɔku bɔtɔlɔku kalɔ kakwiidi ku lɛku lɛmmɔ kemmo na basɔ baaadubo bɔyia.

Kɔgya 16:11

Átina-mi ƒula ngba ulu, na ƒula kudɔ bɔkya bɔ́ya na mɔɔkɛ́ ebiti geen ku lɛlɔyɔ úsela uwi ƒui.

Yesaia 9:2

Bekyuli bani na nka beli baabla ala na lɛdisa kemmo badubɔnu bukeye. Na bani na belie kukpi ɔgbankpi kemmo ni, Katɔti bukeye bɔdubuwi-ma lɛlɔ.