Kɔgya 4:3 - Katɔti Ɔku Kedee

³ Bitayiƒala ka Unwoti Katɔti ɔɔda bekyuli bani nsiaku-nwu kama siin aani anwu badi. Uunú-mi bɔkpali si muuvele-nwu lɛla lɛdi.

Kɔgya 4:3 Referans Kwoze

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Kɔgya 34:15

Unwoti ɔɔnu bekyuli bani nse siin lɛlɔ, na uunú bana bɔkpali.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Israelƒuɔ Bɔlɛ 33:16

Na dɛ na ɔdubɔbla na bekyuli banu bati ka kaƒɔ kaayɔ́-ɔ na ƒula bekyuli lɛlɔ ku ami lɛnɔ si átatɔnku-bu? Si akya-bu akɔ ni, kayawi bekyuli ƒui badubɔnu kavumana kebendi na abu ku-ma ntɛ.”

Kɔgya 6:8

Amii alaekpidi bablane, bɛkpɛ bɛlɛ-mi lɛlɔ! Unwoti Katɔti uunú-mi buwulo.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Kɔgya 50:5

Na ɔ́su ɔnini, “Bɛsala mina bekyuli bani mɔɔbla ala ulu lɛlɔ bite-mi. Bákyula akpala béte-mi na búnyimi bunyimi bɔdi.”

Kɔgya 31:23

Amii bekyuli bani mɔɔdi Unwoti litemi lɛlɔ ƒui bɛyɔ-nwu. Ɔsika ɔɔgyumana nwuna badi bani mɔɔdi nwuna etemila lɛlɔ kpakplaa. Na bani mɔɔkɔliku lɛlɔ katɔ ni, Unwoti ɔɔƒɔ-ma kayu kani néduku-ma.

Kɔgya 56:9

Na limeyi lɛni na makpali-ɔ ni, na abɔku mina bekisine na badubusie kama. Ɔsika ngyi ka Unwoti unyeku-mi.

Kɔgya 49:3

Lɛnunda etemila na ndubo-mii bɔsu. Na ala ani ndubɔsi mina kayi kemmo mmɔ ebo kalɔ bunu.

Kɔgya 62:10

Bitatɛya ɔdikplu iye bekyuli buyu taakɛ lɛkɛ. Si lɛkɛ lɛɛkɔ́-mii katɔ ni, biteti bina kayi bitasia ɔmmɔ lɛlɔ.