Kɔgya 32:1 - Katɔti Ɔku Kedee

¹ Lɛlɔ lɛdubɔyɔ ukyuli ɔni na Katɔti úti nwuna bɔƒiɔ ɔ́kyiɛ-nwu na údie ekpidi nwuna lɛlɔ.

Kɔgya 32:1 Referans Kwoze

Yesaia 44:22

Binwini bibo-mi kudɔ, ɔsika lɛ́ƒɔ-mii ngba na lídie bina ekpidi ƒui bina lɛlɔ aani kalɛ na liƒlukutu lɛɛyii takya kayaa.

Kɔgya 85:2

Éti ƒula bekyuli ekpidi ákyiɛ-ma na ásɔ elényimo-nya.

Yesaia 43:25

“Nsu na ukyuli ɔni na ndi ɔsu ni, mɔɔƒɔ bina ekpidi teedie-mii lɛlɔ uwi biala. Anwuɔsu ndubo bina ekpidi ani ƒui na bɛ́bla bɛ́ƒiɔ-mi bɔyiƒala.

Budie Taatina 22:14

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.

Yesaia 1:18

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Kɔgya 40:4

Lɛlɔ lɛdubɔyɔ bekyuli bani néti bana anu básia Unwoti lɛlɔ. Na belesie baƒiɔ ku ala bamba adi kudɔ iye ama ku bani mɔɔkpá baƒiɔ ku ala ammɔ baládi kɔkpana.

Kɔgya 106:3

Lɛlɔ lɛdubɔyɔ bekyuli bani mɔɔbla ala ulu lɛlɔ. Na baabla ala ani nse siin uwi biala kemmo.

Luka 11:28

Amu na Yesu údie kenye ɔnini, “Bekyuli bani muunú Katɔti litemi na baabla taasiaku-ni lɛlɔ mmomu na lɛlɔ lɛyɔ!”

Kɔgya 53:1

Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

Kɔgya 42:1

Kalɛ na anumi eegyie akwa ɔni na utukwɛ ɔɔda na ɔkɛ gyoli gyoli ɔɔwia abiɔ ani kemmo na ɔni ntu ni, lɛni kani na mina kɔyu kɔɔwia Katɔti.

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Kɔgya 128:1

Ukyuli biala ɔni mɔɔyia Unwoti Katɔti ni, lɛlɔ lɛdubɔyɔ-nwu ka ɔɔsia ulu geen ɔmmɔ lɛlɔ ɔsu.

Kɔgya 89:15

Lɛlɔ lɛdubɔyɔ bekyuli bani nánu-ɔ báti lɛni na beedie lɛnu teemwi-ɔ O Unwoti, ɔsika kalɛ na eekeye na bula akɔ mɔɔyá baanu teesie.

Kɔgya 84:12

O Unwoti Ɔyikune Ƒui, ukyuli ɔni mbo lɛnunsia na ƒula lɛlɔ ni, anwu na lɛlɔ lɛdubo bɔyɔ.

Kɔgya 52:1

Bakantankpine benengudi, bilie bɛɛkun lɛmɛnɛ na likpidi lɛlɔ. Nsu Katɔti ɔda nwuna bekyuli ɔkɛnku nwuna bɔyɔ bɔni naaavumana kudii lɛlɔ.

Kɔgya 45:1

Etemila abuni sɔɔn néyi-mi lili kemmo na ndubudie keyi na lɛtu kɔgya lite ɔga ɔmmɔ. Na mina unyemi na ndubuti lɛbla aani unwenigyii ɔni na ɔkutine ɔbuni ɔdi ɔda uunweni ala teese.

Kɔgya 55:1

Katɔti, buvele se atu na enu mina bɔkpali. Na teni ala ani muuvele-ɔ.

Nehemia 4:5

Teti bana ekpidi takyiɛ-ma. Ɔsika béwi bekyuli bani mɔɔtú ɔtɔ ɔmmɔ anumi kalɔ.”

Samuel 2 12:13

Mmɔ na Dawid ɔ́su Natan ɔnini, “Lɛ́bla likpidi lɛ́ƒiɔ Unwoti.” Na Natan lɛnɔ údie kenye ɔnini, “Unwoti úti ƒula likpidi ɔ́kyiɛ-ɔ ɔni na ɔɔɔdubo bɔya na ekpi na ɔmmɔ ɔsu.

Kɔgya 103:3

Anwu muuti mina alaekpidi ƒui taakyiɛ-mi. Na ɔɔbwi-mi lɛlɛ lɛni ƒui na muuƒi.