Kɔgya 3:3 - Katɔti Ɔku Kedee

³ Nsu ni, Unwoti Katɔti, awɔ mɔɔgyumana-mi uwi ndi uwi na ɔgbankpi kemmo. Na awɔ mɔɔyá na mɔɔdi mina bekisine lɛlɔ na mɔɔsɔ teese kayi na mɔɔƒɔ́ lɛnyi.

Kɔgya 3:3 Referans Kwoze

Kɔgya 27:6

Na ka ɔ́ya na lɛ́di mina bekisine bani náka báma-mi lɛlɔ ɔsu ni, ndubuti mina akpala liboku-nwu na libo kudu ku lɛlɔyɔ na lidie lɛnu limwi-nwu.

Kɔgya 28:7

Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Kɔgya 119:114

Awɔ ndi mina katamikukɔ ku ukyuli ɔni na ɔɔgyumana-mi. Na ƒula linyese lɛlɔ kani na mbo lɛnunsia.

Yesaia 60:19

Na bɛ́sɔ bilawia ɔƒɛ iye kɔbuli bukeye bɔdi na ɔƒiiwi iye usien, ɔsika ami Unwoti ɔlati bukeye ndubo-mii buteewi úsela uwi ƒui.

Kɔgya 62:7

Katɔti kani ndubudie-mi ɔgbankpi biala kemmo. Na anwu kani mɔɔyá na mɔɔƒɔ́ lɛnyi. Anwu ndi lɛtakpɛ lɛni lɛlɔ na líkpo kama, na ɔdi mina katamikukɔ.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Kɔgya 18:2

Unwoti unye ute-mi aani lɛtakpɛ ku katamikukɔ kani lɛlɔ na líkpo kama. Ɔɔgyumana-mi aani ukyuli ɔni muunye teetile-mi na ɔɔƒɔ́-mi na ɔɔyá na mɔɔkɛ́ ɔyikun.

Budie Taatina 21:23

Na ɔma ɔmmɔ uláwia ɔƒɛ ɔdi iye kɔbuli ka ute bukeye bɔdi, ɔsika Katɔti bukeye ndi-nwu bukeye, na ɔma ɔmmɔ asogya ndi Koƒonu Ubi ɔmmɔ.

Kɔgya 110:7

Na ɔdubɔni ntu na ntukpa biala kemmo na ɔɔyɔ́ uwi ɔni na uukpó taadi lɛlɔ.

Kɔgya 4:3

Bitayiƒala ka Unwoti Katɔti ɔɔda bekyuli bani nsiaku-nwu kama siin aani anwu badi. Uunú-mi bɔkpali si muuvele-nwu lɛla lɛdi.

Budie Taatina 21:11

Na Katɔti bukeye bɔ́ƒɔ-nwu lɛlɔ ƒui. Na uukeye aani liseebi lɛni náƒɔ kuye geen na baalɔ-ni yaspa, na lise kede kede aani asogya atabi.

Luka 2:32

Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Lɛkpa Ulu 33:29

Israelƒuɔ, bɛya na lɛlɔ lɛyɔ-mii. Ɔsika bekyuli badi beeebo aani bina kalɛ. Bɛdi bekyuli bani na Unwoti náƒɔ-mii ngba. Na Unwoti ɔlati ndi bina ekpola. Na biti-nya bikpo bɛdi lɛlɔ. Na bina bekisine badububo bebevele-mii ka bɛnu-ma kɔnyana. Nsu bitenu kalɔ, na bibo-ma bɛdu ƒui.”

Ala Kalɔ Buse 40:13

Ɔƒɛni na emeyi atɛ kemmo ni, Ƒarao ɔdubɔtala kɔƒa ƒula anumi na ɔsɔku-ɔ unyene ƒula kabla kenye. Na adubuti ɔɔƒɛɛ akya Ƒarao kɔnu aani kalɛ kani na átaabla uwi ɔni na átaanu-nwu ntɛ lɛlɔ.

Yesaia 45:25

Ami Unwoti ndubo bɔya na Israelƒuɔ badi lɛlɔ na lɛya na baƒɔ lɛnyi geen.”

Baga 2 25:27

Na lɛkwa lɛni na Ewil-Merodak ɔ́bla Babilonƒuɔ ɔga ni, údie kɔnyana bɔnu ɔ́tina Yudaƒuɔ Ɔga Yekonia. Na ɔ́da-nwu údie aban ɔtɔ ɔni na ɔtɛ kemmo. Ɔmɛni ɔ́lɛ na lɛkwa avlaatɛ-maatɛdi kɔbuli leevu-kunyɔdi limeyi aavlanyɔ-maatɛdi kama uwi ɔni béti Ɔga Yekonia bátákya ɔtɔ.

Baga 2 18:30

Na bitaya na Hesekia ɔdɔdɔ-mii na uƒu-mii kasusu na biti bina anu bɛsia bɛnii, “Unwoti ɔdubudie-bu na ulu biala lɛlɔ, na ɔɔɔdubo ɔma unengudi ɔmɛni bɔnyonu bɔkya Asiriaƒɔ ɔga enu kemmo.” ’

Baga 2 18:32

úti utédu ka bula ɔga ɔmmɔ ɔ́wia-mii kɔkyakɔ kɔni nse aani amii alati kɔdi. Mmɔ ni, bɛdubɔkɛ edula ku ntɛ bɔbuni na bɛkɛ adila ku adingyii abuni ku nnɔ egyii ku uwɔ. Bɛƒuna ngba na ɔɔɔdi kukpi!’ “Bitenu Hesekia litemi, ɔsika bɔkpanku na ɔda-mii utáyila si ɔɔsu ɔnii, ‘Unwoti ɔdubo-mii budie.’