Kɔgya 26:1 - Katɔti Ɔku Kedee

¹ Unwoti, tina ka lɛla lɛdi lɛɛɛda-mi na ete-mi ubo. Ɔsika lɛ́da lɛlɔ lídie likpidi ulu biala lɛlɔ na nsiku-ɔ kama siin na ntedeyi kesii bamba.

Kɔgya 26:1 Referans Kwoze

Kɔgya 28:7

Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

Kɔgya 7:8

Awɔ ndi bayawine ƒui litemi ɔtɛne. Unwoti Katɔti, tɛ litemi lɛmɛni te-mi na lɛdi ubo. Ɔsika agyi ka ala amɛni ƒui adi aaada-mi.

Agba 20:7

Bekyuli babuni beedie lɛgba lɛni mɔɔtina ka baadi bana litemi lɛlɔ geen. Na bana bebi bani nsia-ma kama ni, bekyuli badubute-ma kusɛ kusɛ.

Kɔgya 21:7

Unwoti Katɔti Ɔyikune lɛlɔ na bula ɔga ɔsia anu. Na ɔkɛnku Unwoti bɔyɔ bɔni naaavumana ɔsu ɔɔɔdubo bɔgbanta kudii.

Baga 2 20:3

“Unwoti nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Samuel 1 24:15

Unwoti kani ndi bula litemi ɔtɛne, na anwu ndubo litemi lɛmmɔ bukulo na ami ku-ɔ ntɛ. Anwu mɔɔnu mina lɛbibo na ɔdubute-mi ubo na udie-mi na ƒula enu kemmo.”

Petro 2 1:10

Banwa, ɔmɛni ɔsu ni, binye kpakplaa bibu. Na lɛla lɛni na Katɔti ɔ́lɔ-mii na ɔ́ƒuna-mii ɔnii bɛbla ni, bɛkya-ni ɔyikun uwi biala kalɛ na bina bɔƒɔtaadi bulayuɛ.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Hebriƒuɔ 10:23

Na bɛya na bunye bɔƒɔtaadi bɔni kenye na buudie lɛlɔ kpakplaa. Ɔsika ukyuli ɔni nése-bu kenye kammɔ ni, ɔɔbla ala ulu lɛlɔ.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Kɔgya 121:3

Anwu ɔni mɔɔgyumana ukyuli ni, ulenye ulanu-ɔ na ayii kanyankɔ. Ɔsika ɔda-a ngba, na lɛlɛɛ liléti-nwu.

Kɔgya 94:18

Uwi ɔni na lɛ́nu lɛ́ti ka nsɔ liiinye mina lɛgba lɛlɔ na muubuli ni, awɔ Unwoti ɔni mɔɔyɔ́-mi uwi ndi uwi náda-mi.

Kɔgya 62:6

Anwu lɛti pɛ kani ndi mina lɛtakpɛ lɛni lɛlɔ na líkpo kama ka ɔdubɔƒɔ-mi. Na anwu ndi mina katamikukɔ kpakplaa, anwuɔsu lɛla lɛdi liladi-mi lɛlɔ.

Kɔgya 62:2

Awɔ lɛti ndi mina lɛtakpɛ lɛni lɛlɔ na nkpo kalɛ na lɛkɛ bɔƒɔ. Na awɔ ndi mina katamikukɔ kpakplaa ɔsu ɔdi biala uladi-mi lɛlɔ kudii.

Kɔgya 54:1

Katɔti, ƒɔ-mi ngba ɔkɛnku ƒula ɔyikun lɛlɔ na atina ka lɛla lɛdi lɛɛɛda-mi.

Kɔgya 43:1

Unwoti Katɔti, tɛ ami ku kadi kani bekyuli naaagyi-ɔ mɛni ntɛ litemi na ete-mi ubo. Na edie-mi alɛku ɔkɔ banyine ku balalane bamɛni akɔ.

Kɔgya 37:31

Uunyimo Katɔti ɔda bubo bɔni náƒɔ-nwu kayi mmɔ uwi ndi uwi kalɛ na ulegyiile.

Kɔgya 35:24

Ka ese sin ɔsu ni, tɛ litemi lɛmɛni na ete-mi ubo. Na taya na bakɛ ebiti ekpludi adi na mina lɛlɔ.

Kɔgya 31:14

Nsu awɔ Unwoti lɛlɔ kani na mina anu asia, ɔsika lɛ́lɛ ugyii ka awɔ ndi mina Katɔti.

Kɔgya 26:11

Nsu ami ni, mɔɔbla ala ani na ese siin. Nu-mi kɔnyana na edie-mi na ɔgbankpi biala kemmo.

Kɔgya 25:21

Unwoti agyi ka mɔɔbla lɛbuni na nsiaku-ɔ kama siin. Anwuɔsu muuvele-ɔ, bo na ebedie-mi, ɔsika mɔɔnu-ɔ ulu.

Kɔgya 25:2

O mina Katɔti, awɔ kani ndi mina lɛnunsia. Bunku-mi kalɛ na lɛlɔ liláyɔ mina bekisine ka bádi-mi lɛlɔ na kɔƒa kukpo-mi.

Kɔgya 15:2

Ukyuli ɔni mɔɔdi Katɔti etemila ƒui lɛlɔ na nwuna ablala lɛnɔ ese siin ni, anwu kani ndubɔkɛ kuƒi kɔmmɔ. Nwuna etemila adi sɔsɔ na ɔkɔ ɔdi uuubo-nya kemmo.

Kɔgya 4:5

Bɛbla akpala ani na Unwoti Katɔti ɔɔyɔ́ bite-nwu. Na biti bina kayi bɛsia-nwu lɛlɔ.

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.

Hiob 2:3

Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi. Na ina ka útabla lɛla lɛdi asa na énye-mi lɛlɔ anii nte-ɔ kuƒi na ekpoku-nwu muedi ni, ɔmu unye nwuna kenyekɔ na ɔɔdi mina litemi lɛlɔ.”

Hiob 4:6

Kalɛ na aayia Unwoti, na aabla ala ulu lɛlɔ siin ni, utalɛka aya na ɔmmɔ lɛti ute-ɔ lɛnunsia lɛdi?